Bakıda yeni dələduzluq növü — VİDEO

Bakıda yeni dələduzluq növü
23:43
20.08.2018
11459
Ölkə
A
Bakıda aptekdə əczaçıya qarşı fırıldaqlıq olub. Müştəri kimi aptekə girən qadın bir ədəd müalicəvi şampun alıb bu vaxt qadın nəinki aldığı məhsulun pulunu ödəmir üstəlik satıcdan pulun qalığını alır. Bütün bunlar isə saniyəsinədək təhlükəsizlik kamerasında qeydə alınıb.

"Ölkə.Az" xəzər tv-yə istinadən bildirir ki, görüntülər paytaxtın Sabunçu rayonu Ramana qəsəbəsindəki apteklərdən birinin təhlükəsizlik kamerasına düşüb.

Zərərçəkmiş aptek sahibi deyir ki, qadının fırıldağından axşam saatlarında kassadakı pulu hesablayarkən xəbər tutublar. Belə ki, aptekin sahibi satılan dərmanların müqabilinmdə pulun az olduğunu görüb. O, əczaçı ilə birlikdə təhlükəsizlik kameralarına baxıblar.

Bu zaman aydın olub ki, təxminən 30-35 yaşlı bir qadın apteka daxil olur. O, sağ tərəfdə vitrindən bir ədəd müalicəvi şampun götürərək kassaya yaxınlaşır. O, əczaçıya 4 manat 60 qəpik olan şampun üçün 50 manat pul uzadır. Bu zaman başqa bir dərman adını da ondan soruşur. Əczaçının başının qarışıq olmasından istifadə edən qadın 50 manatı qaytarıb pulqabına qoyur.

Əczaçı isə elə zənn edir ki, müştəri pulu ona verib. Əvəzində şampunu və 46 manat 40 qəpik pulu ona verir. Fırıldaqlığ edən qadın aptekdə kameraların olduğunu bildiyi üçün o, çıxarkən üzünü sanki gizlədir. Zərərçəkmişin sözlərinə görə, onlara 50 manat məbləğində ziyan dəyib.

Aptek sahibi məsələ ilə bağlı polisə müraciət edəcəyini bildirib.

Ölkə.Az

ŞƏRH YAZ
1

Bu gün İlaxır çərşənbədir

Bu gün İlaxır çərşənbədir
00:01
Bu gün
1173
Ölkə
A
Bu gün Azərbaycanda Novruz bayramı öncəsi ilaxır çərşənbə – Torpaq çərşənbəsi qeyd olunur.

"Ölkə.Az"ın məlumatına görə, torpaq insan yaradılışının maddi əsası olmaq etibarilə bu prosesdə son dərəcə əhəmiyyətli bir mövqeyə malikdir. Torpaq çərşənbəsi torpağın oyanmasının mifik kökləri etibarilə dirilmə, canlanma anlayışı ilə əlaqədardır.

Axır çərşənbədə tonqal qalanması, plov dəmlənməsi, səməni, xonça bəzədilməsi, qapı pusmaq, şam yandırmaq, bayramlaşmaq, fala baxmaq və bir çox adət-ənənələr var.

Qədim el adət və inanclarına görə, ilaxır çərşənbədə uşağa beşik düzəldərlər, gün çıxmamış su üstündən hoppanar, tonqal yandırar, kəlin buynuzuna qırmızı bağlayarlar.

Bu gündə qorxanların başından su töküb qorxunu alar, evdən pul, qonşuya ələk verməzlər. Axır çərşənbə günü şamı yarımçıq söndürməzlər, ailə üzvlərinin sayına görə şam yandırar, evdən od, kibrit, neft, ağartı, un, çörək verməzlər. Axır çərşənbə gecəsi tez yatmazlar, evdə qazan asar, vəfat etmiş yaxın adamları yada salar, onların adını çəkib "filankəslərin adına qazan asdım" deyib qazana ət, düyü və s. tökərlər. Axır çərşənbə günü ertədən lampa yandırarlar.

İlaxır çərşənbəsində qızlar bir qaba su tökər, əllərindəki üzükləri çıxarıb saçlarına salarlar. Niyyət tutub üzüyü suyun üstündən keçirərlər. Üzük fırlanmağa başlayır və qabın divarlarına dəyir; üzüyün neçə dəfə qaba dəydiyini sayırsan - demək, o yaşda da gəlin gedəcəksən.

Axır çərşənbə gecəsi ürəkdə niyyət tutub yatmaq lazımdır. Gecə yarısı yuxudan dur və şamı yandır. Şamı götürüb güzgüyə yaxınlaş. Güzgüdə gələcək nişanlını görəcəksən.

İlin axır çərşənbə axşamı ana uşaqlarının başından tük kəsir və axar suya atır. Həmin yerdən bir qab su götürür və uşaqlarının üstünə çiləyir. Bu su təmizlik, sağlamlıq, paklıq gətirir. Həmin ili uşaqlar xəstələnmir.

Qeyd edək ki, bu il yaz fəsli ölkəyə martın 20-dən 21-nə keçən gecə saat 01:58-də gələcək.

Ölkə.Az

ŞƏRH YAZ
0

Gəncədə Novruz bayramı qeyd edilib — FOTO

Gəncədə Novruz bayramı qeyd edilib
23:52
18.03.2019
348
Ölkə
A
Gəncədə Novruz bayramı qeyd edilib.

"Ölkə.Az" report-a istinadən bildirir ki, tədbirdə Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki baş konsulu Zeki Öztürk, Gürcüstanın Gəncədəki baş konsulu Mamuka Balavadze, şəhər rəsmiləri, ictimaiyyət nümayəndələri iştirak ediblər. 

Tədbir Gəncə şəhər Heydər Əliyev park-kompleksində təşkil olunub. Qonaqları müdrik el ağsaqqalı "Dədə Qorqud" salamlayıb, onlara xeyir-dua verib, həmrəylik rəmzi olan odu iştirakçılara təqdim edib və Novruz tonqalı bu odla alovlandırılıb. Yazın müjdəçisi - Bahar qız yurdumuza Novruzun gəldiyini xəbər verib. 

Gəncənin tarixi şəxsiyyətləri Məhsəti Gəncəvinin, Nizami Gəncəvinin, Cavad xanın obrazları canlandırılıb. Onlar insanları humanizmə, doğruluğa, düzgünlüyə və ədalətə səsləyiblər. Cavad xan el igidlərinə şanlı keçmişimizi xatırladıb. Hər kəsi Azərbaycanın bütövlüyü və inkişafı uğrunda həmrəy olmağa çağırıb.

Meydanda bəzədilən çadırlar önündə Məhsəti Gəncəvinin ədəbi İrfan məclisi qurulub. Xaqani Şirvani, Qətran Təbrizi, Nizami Gəncəvi, Məhsəti Gəncəvi, Mirzə Şəfi Vazeh və Nigar Rəfibəylinin əsərlərindən nümunələr səsləndirilib.

Novruzun rəmzlərindən olan Kosa və Keçəlin məzəli çıxışı, qonaqlarla yumurta döyüşdürməsi maraqla qarşılanıb.

İştirakçılara Azərbaycan bəstəkarı Üzeyir Hacıbəylinin “O olmasın, bu olsun” operettasının motivləri əsasında hazırlanan “Bazar meydanı” tamaşası təqdim olunub. Gəncə Dövlət Filarmoniyasının, Göygöl Dövlət Mahnı və Rəqs ansamblı, Kamera Orkestrı, Gəncə Musiqi Kollecinin kollektivləri qonaqlar qarşısında çıxış ediblər.

Quraşdırılan pavilyonlarda şəhərin idarə, təşkilat və müəssisələrinin hazırladığı stendlər qonaqlara təqdim olunub. Burada gəncəli sənətkarların dekorativ-tətbiqi sənətkarlığın müxtəlif sahələrinə aid sənət nümunələri nümayiş etdirilib.

İdmanın müxtəlif növlərində təmsil olunan gənclərin nümunəvi çıxışları, eləcə də pəhləvanların kəndirdartma, qolgüləşdirmə kimi nömrələri xoş ovqat yaradıb.

Bayram tədbirində qədim Gəncənin milli yemək və çay süfrəsi açılıb. İştirakçılara Azərbaycan mətbəxinin ləziz xörəkləri, müxtəlif çörəklər, qəlyanaltılar, içkilər, şərbətlər və şirniyyatlar təqdim edilib.

Ölkə.Az

ŞƏRH YAZ
0
BAĞLA