Bakıda yol ayrıcının keçilməsi qaydalarının pozulması qəzalara səbəb oldu — VİDEO

Bakıda yol ayrıcının keçilməsi qaydalarının pozulması qəzalara səbəb oldu
15:14
11.09.2019
4774
Hadisə
A
Bakıda yol ayrıcının keçilməsi qaydalarının pozulmasına görə baş verən qəzalar kameraya düşüb.

"Ölkə.Az" avtosfer.az-a istinadən xəbər verir ki, ilk qəza Yasamal rayonu Şərifzadə küçəsində baş verib. “VAZ 2107” markalı avtomobil baş yol ilə hərəkət edən zaman əks istiqamətdən gələrək, sola dönmək istəyən “Opel” markalı avtomobil onun qarşısına çıxıb. Nəticədə toqquşma baş verib.

İkinci hadisə Azadlıq prospekti ilə Bakıxanov prospektinin kəsişməsində baş verib. Taksi sürücüsü Bakıxanov prospekti ilə hərəkət edən zaman işıqforun qadağanedici nişanında keçən avtomobil ilə toqquşub. Toqquşma nəticəsində taksinin ön hissəsi əzilib. Digər avtomobil isə zərbənin gücündən aşıb.

Üçüncü hadisə Əhməd Rəcəbli küçəsində baş verib. Kəsişmədə sağa dönən “BMW” markalı avtomobili buraxmayan “Mercedes Viano” markalı avtomobil ona çırpılıb. 

Görüntüləri təqdim edirik:

Ölkə.Az

ŞƏRH YAZ
0

İti insanların gözü qarşısında güllələdi — Azərbaycanda vəhşilik – FOTO

İti insanların gözü qarşısında güllələdi
16:53
Bu gün
905
Hadisə
A
Lənkəran şəhərində küçə itlərinin icra hakimiyyətinin əmri ilə güllələndiyi haqda məlumat yayılıb.

"Ölkə.Az" qafqazinfo-ya istinadən xəbər verir ki, bu barədə heyvansevərlər sosial şəbəkələrdə çoxlu paylaşımlar ediblər.

İddiaya görə, hələ 1 yaşı tamam olmayan it icra hakimiyyətinin tapşırığı ilə ağzından qırma ilə vurulub.

Nəticədə itin üst çənə sümüyü qırılıb və burun boşluğuna dolmuş qırma parçaları onun nəfəs almağına imkan vermir:

“Atəş açan şəxs ətrafdakı insanlar tərəfindən polis bölməsinə aparılandan bir neçə dəqiqə sonra azadlığa buraxılıb. 102 qaynar xəttinə edilən şikayətlərə “icra hakimiyyətinin əmri belədir, bizlik heç nə yoxdur” cavabı verilib”.

Lənkəran Şəhər İcra Hakimiyyətindən isə bildirilib ki, onlar bu barədə heç kəsə əmr və ya göstəriş verməyiblər: “Biz hadisə barədə polisə müraciət etmişik. İti güllələyən rayon sakini saxlanılıb. Bundan sonra hüquq-mühafizə orqanları araşdırma nəticəsində onun haqqında qərar verəcək”.

ŞƏRH YAZ
0

Yataqxanada zəhərlənərək ölən qızın kimliyi məlum olub

Yataqxanada zəhərlənərək ölən qızın kimliyi məlum olub
15:16
Bu gün
1482
Hadisə
A
Bakı Dövlət Universitetinin (BDU) 2 saylı yataqxanasında zəhərlənmə hadisəsi zamanı dünyasını dəyişən tələbənin kimliyi məlum olub.

"Ölkə.Az" xəbər verir ki, dünyasını dəyişən 1999-cu il təvəllüdlü Xasmətova Şəkər Faiq qızıdır.

Xatırladaq ki, hadisə bu gün Mətbuat küçəsi 36 ünvanında 2 saylı yataqxanada huşsuz vəziyyətdə 3 tələbə qız aşkarlanıb.

Huşsuz vəziyyətdə tapılan qızların ağızlarından qan gəlib. Zəhərlənməsi ehtimal edilən qızlardan biri ölüb, ikisi isə kritik vəziyyətdə Təcili Tibbi Yardım avtomobili ilə 1 saylı Kliniki Tibbi Mərkəzə çatdırılıb. 20-22 yaş arası olan qızların vəziyyəti kritikdir.

İki tələbənin müalicəsi davam edir.

Natiq Allahverdiyev
Ölkə.Az

 

ŞƏRH YAZ
0
BAĞLA