Bakıda yük və minik avtomobilləri toqquşdu — Ölənlər var

Bakıda yük və minik avtomobilləri toqquşdu
00:47
15.02.2018
3549
Hadisə
A
Bakıda ağır yol qəzası baş verib.

"Ölkə.Az"ın Fövqəladə Hallar Nazirliyinin (FHN) saytına istinadən verdiyi xəbərə görə, Bakının  Qaradağ rayonunda "KamAZ" markalı yük avtomobili ilə "VAZ" markalı minik avtomobili toqquşub.

Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri minik avtomobilinin sürücü (şəxsiyyəti məlum deyil) və sərnişini, 1984-cü il təvəllüdlü İsrafilov Sərvan Eldar oğlunun meyitlərini deformasiyaya uğramış nəqliyyat vasitəsindən çıxarıb və aidiyyəti üzrə təhvil veriblər. 

Ölkə.Az

ŞƏRH YAZ
0

Göyçayda ATS yanıb

Göyçayda ATS yanıb
16:15
Bu gün
484
Hadisə
A
Göyçay rayonunda yanğın hadisəsi baş verib.

"Ölkə.Az" "APA"ya istinadən xəbər verir ki, hadisə bu gün saat 14:00 radələrində rayonun Ərəbcəbirli kəndi ərazisində qeydə alınıb.

Ərəbcəbirli bələdiyyəsinin binasında yerləşən Göyçay Telekommunikasiya Qovşağının kənd üzrə Avtomat Telefon Stansiyasında (ATS) baş verən yanğının söndürülməsinə Fövqəladə Hallar Nazirliyi Dövlət Yanğından Mühafizə Hissəsinin iki yanğınsöndürən avtomobili və canlı qüvvəsi cəlb edilib.

Hadisə zamanı 12 kvadratmetr sahəsi olan otaqda yerləşən elektron ATS aparatı, naqillər, texniki avadanlıqlar yanaraq yararsız hala düşüb. Yanğın səbəbindən Ərəbcəbirli kəndindəki abonentlərə rabitə xidməti dayanıb.

Yanğınsöndürənlər alovun 144 kvadratmetr sahəsi olan bələdiyyə binasının bütün ərazisinə yayılmasının qarşısını alıblar. Hadisənin elektrik naqilində qısa qapanma səbəbindən baş verdiyi bildirilir.

Faktla bağlı araşdırma aparılır.

Ölkə.Az

ŞƏRH YAZ
0

Tovuzda dəm qazından zəhərlənmə baş verib

Tovuzda dəm qazından zəhərlənmə baş verib
15:20
Bu gün
573
Hadisə
A
Tovuz rayon sakini dəm qazından zəhərlənib.

“Ölkə.Az” APA-ya istinadən xəbər verir ki, rayonunun Bozalqanlı kənd sakini 1974-cü il təvəllüdlü Ələkbərov Orxan Əlixan oğlu yaşadığı evdə dəm qazından zəhərlənib.

O. Ələkbərov Tovuz rayon Mərkəzi Xəstəxanasına yerləşdirilib, vəziyyətinin kafi olduğu bildirilir.

Ölkə.Az

ŞƏRH YAZ
0
BAĞLA