Bakıdakı evində yeniyetmə qızları kişilərlə sevişməyə məcbur etdi — sonra Dubaya apardı və...

Bakıdakı evində yeniyetmə qızları kişilərlə sevişməyə məcbur etdi
23:42
11.09.2017
215
Hadisə
A
Azərbaycanlı qadınları Dubayda cinsi istismara məruz qoymaqda təqsirli bilinən Sumqayıt şəhər sakini, 1961-ci il təvəllüdlü Umu Quliyevanın cinayət işi üzrə məhkəmə prosesi başa çatıb.

Umu Quliyeva 2005-ci ildən qadın alverilə məşğul olmağa başlayıb. Onun ilk məhkumluğu 2007-ci ildə olub.

Qızların fahişəliyə cəlb edilməsi

Həmin ittihamda göstərilib ki, Umu Quliyeva yetkinlik yaşına çatmayan qızıları Nərimanov rayonunda kirayələdiyi evə gətirib və onları kişi müştəriləri ilə görüşdürüb.
Həmin il Cinayət Məcəlləsinin 171.1-ci (yetkinlik yaşına çatmayanı fahişəliyə və ya digər əxlaqsız əməllərə cəlb etmə) və 243.1-ci (gəlir və ya digər fayda əldə etmək məqsədi ilə fahişəliyə cəlb etmə) maddələri ilə mühakimə olunub və Nərimanov rayon Məhkəməsinin hökmü ilə 1 il müddətinə azadlıqdan məhrum edilib.

Umunun qadın "biznesi"

Umu Quliyeva həmin il həbsxanada cəmi 4 ay cəza çəkib. O, həmin il verilən "Amnistiya Aktı"na əsasən cəzadan azad olunub. Həbsxanadan çıxan Umu Quliyeva yaşadığı Sumqayıt şəhərinə gəlib. O, bu dəfə qadın alveri "biznesi"ni genişlənidirib və Azərbaycan hüdudlarından kənara çıxıb.

Parkda qadın "ovu"

Umu Quliyeva Sumqayıt şəhərində istintaqa ad və soyadı məlum olmayan "Sevda" adlı qadınla cinayət əlaqəsinə girərək, 2010-cu ildən azərbaycanlı qadınları Birələşmiş Ərəb Əmirliklərinin Dubay şəhərinə aparıb, orada cinsi istismara məruz qoyub.
Belə ki, o, Səkinə Abdullazadə və İntizar Abbaslının sifarişi ilə Sumqayıt şəhərində qadın "ovu"na çıxıb. O, şəhər ərazisində tanış olduğu Samirə Məmmədova (ad və soyad şərti verilib - red.) tanış olub.

Vəd olunan iş

Parkda tanış olduğu Samirə ilə Dubay şəhərində işləməyi təklif edib. O, Samirəni bu şəhərdə restoranlardan birinə xidmətçi düzəldəcəyini vəd edib. Sonra onunla razılığa gəlib və Samirənin sənədlərini götürüb.

Növbəti gün Umu Quliyeva Samirə ilə paytaxtın Nizami rayonu, Qara Qarayev prospektində görüşüb. Birlikdə hava limanına gediblər.

"Kişi müştəriləri ilə görüşməlisən"

Daha sonra Umu Quliyeva dəstə üzvləri Səkinə Abdullazadə və İntizar Abbaslı vasitəsilə Samirəni Dubay şəhərinə yollayıb. Orada Samirə vəd olunan işlə təmin olunmadığını görüb.

Sevda adlı qadın Samirəni yaşadığı evə aparıb. O, evdə Samirənin sənədlərini əlindən alıb və kişi müştərilərilə görüşməsini tələb edib.

Əvvəlcə Samirə onun təklifilə razılaşmayıb. Ancaq Sevda ondan kişi müştərilərilə görüşməsini tələb edib. Məcbur qalan Samirə kişi müştərilərilə müxtəlif ünvanlarda görüşərək onlarla cinsi əlaqədə olub.

9 il cəza

Umu Quliyeva Cinayət Məcəlləsinin 144-1.2.5-ci (qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən insan alveri törətmək) maddəsi ilə ittiham edilib.

Cinayət işində adı keçən digər şəxslərin ii isə ayrıca icraata götürülüb. Umu Quliyevanın cinayət işinə Bakı Ağır Cinayətlər Məhkəməsinə baxılıb. Məhkəmənin hökmü ilə Umu Quliyev 9 il müddətinə azadlıqdan məhrum edilib. Məhkəmə onun cəzasını ümumi rejimli cəzaçəkmə müəssisəsində çəkməsi barədə qərar qəbul edib.

Qadın alverçisinə sərt cəza

Hökmdən narazı qalan Umu Quliyeva apelyasiya şikayəti verib. O, barəsində həbs olmayan cəza növünün təyin edilməsini xahiş edib. Həmçinin prokurorluqda apelyasiya protesti verərək, Umu Quliyevanın cəzasını ciddi rejimli cəza çəkmə müəssisəsində çəkməsini tələb edib.

Bakı Apelyasiya Məhkəməsində hakim Faiq Qasımovun sədrliyilə baş tutan prosesdə Umu Quliyevanın apelyasiya şikayəti təmin edilməyib. Məhkəmə prokurorluğun protestini təmin edib və onun cəzasını ciddi rejimli cəza çəkmə müəssiəsində çəkməsi barədə qərar qəbul edib.

Bu qərardan narazı qalan Umu Quliyeva kasasiya şikayətilə Ali Məhkəməyə müraciət edib. Hakim Fərhad Kərimovun sədrliyi ilə baş tutan prosesdə Umu Quliyevanın şikayəti təmin olunmayıb. (publika.az)

Ölkə.Az

ŞƏRH YAZ
0

Yevlax sakini öz həmkəndlisinə 17 bıçaq zərbəsi vurub

Yevlax sakini öz həmkəndlisinə 17 bıçaq zərbəsi vurub
16:41
Bu gün
16
Hadisə
A
Gecə saatlarında Yevlax rayonunun Gülövşə kəndində bıçaqlanma hadisəsi baş verib.

“Ölkə.Az” “Report”a istinadən xəbər verir ki, yerli sakin mübahisə zəminində öz həmkəndlisi, 1988-ci il təvəllüdlü Fidar Hüseynova 17 bıçaq zərbəsi vurub.

Yaralı xəstəxanaya çatdırılaraq təcili əməliyyat olunub. Onun vəziyyəti orta-ağırdır.

Faktla bağlı araşdırma aparılır.

Ölkə.Az

ŞƏRH YAZ
0

Rusiya və Azərbaycanda axtarışda olan şəxslər istirahət mərkəzində saxlanılıb

Rusiya və Azərbaycanda axtarışda olan şəxslər istirahət mərkəzində saxlanılıb
16:21
Bu gün
63
Hadisə
A
Cinayət əməli törətdiklərinə görə axtarışda olan iki nəfər Masallı rayonu ərazisində narkotiklə tutulub.

“Ölkə.Az” APA-ya istinadən xəbər verir ki, Masallı Rayon Polis Şöbəsinin əməkdaşları tərəfindən keçirilmiş əməliyyat-axtarış tədbirləri nəticəsində Masallı şəhəri M. Talışxanov küçəsində yerləşən istirahət mərkəzinin kotecində istirahət edən Rusiya Federasiyasında Cinayət Məcəlləsinin 318.1-ci maddəsi ilə axtarışda olan 1974-cü il təvəllüdlü rayonun Hişkədərə kənd sakini Namiq İmamverdi oğlu Feyzullayev və Azərbaycan Cinayət Məcəlləsinin 177.2.5-ci maddəsi ilə Nizami Rayon Polis İdarəsində axtarışda olan 1979-cu il təvəllüdlü Bakı şəhər sakini Elza Teymur qızı Yarıyeva saxlanılıb. 

Baxış keçirilən zaman N. Feyzullayevin üzərinə 11.900 qram narkotik vasitə olan tiryək, həmin kotecdə olan dolabdan isə ona məxsus ümüumi çəkisi 365.0 qram narkotik vasitə qurudulmuş marixuana, 0.293 qram psixotrop maddə metafetamin, 1.313 qram narkotik vasitə heroin aşkar olunub. Həmin kotecdə E. Yarıyevaya məxsus əl çantasından 1.396 qram narkotik vasitə olan heroin də aşkar edilərək götürülüb.

Faktla bağlı Masallı Rayon Polis Şöbəsinin İstintaq bölməsində cinayət işi başlanıb, istintaq davam etdirilir.

Ölkə.Az

ŞƏRH YAZ
0
BAĞLA