Bakıdakı qəzalı binaların yerində tikiləcək binalarla bağlı — DƏYİŞİKLİK

Bakıdakı qəzalı binaların yerində tikiləcək binalarla bağlı
23:45
21.02.2018
5309
Ölkə
A
Nazirlər Kabineti “Bakı şəhərinin Suraxanı, Nəsimi, Xətai, Nərimanov, Nizami, Yasamal, Səbail, Pirallahı, Xəzər rayonlarının sosial-iqtisadi inkişafının sürətləndirilməsinə dair əlavə tədbirlər barədə” 2016-cı il 25 fevral tarixli qərarında dəyişikliklər edib.

"Ölkə.Az" xəbər verir ki, Nazirlər Kabinetinin ” 2016-cı il 25 fevral tarixli qərarına əsasən Bakı şəhəri Suraxanı Rayon İcra Hakimiyyəti, Bakı şəhəri Nəsimi Rayon İcra Hakimiyyəti, Bakı şəhəri Xətai Rayon İcra Hakimiyyəti, Bakı şəhəri Nərimanov Rayon icra Hakimiyyəti, Bakı şəhəri Nizami Rayon İcra Hakimiyyəti, Bakı şəhəri Yasamal Rayon İcra Hakimiyyəti, Bakı şəhəri Səbail Rayon İcra Hakimiyyəti, Bakı şəhər Pirallahı Rayon İcra Hakimiyyəti və Xəzər Rayon İcra Hakimiyyəti  aidiyyəti üzrə 5 il müddətinə aşağıdakıları həyata keçirməli idilər:

-  mülkü, mənzil, şəhərsalma və tikinti qanunvericiliklərinin tələblərinə əməl etməklə, şəhərin ümumi görünüşünə xələl gətirən, qəzalı vəziyyətdə və mövcud şəhərsalma normalarına cavab verməyən Suraxanı rayonu üzrə 3828 nəfərin yaşadığı, 1127 mənzildən ibarət olan uzunmüddətli istismar nəticəsində yararsız vəziyyətə düşmüş 63 yaşayış binasının, Nəsimi rayonu üzrə XIX əsrin sonları və ötən əsrin əvvəllərində tikilmiş, 16206 nəfərin yaşadığı 5771 mənzildən ibarət 226 yaşayış binasının, Xətai rayonu üzrə 6956 nəfərin yaşadığı 2016 mənzildən ibarət 99 yaşayış binasının, Nərimanov rayonu üzrə 11031 nəfərin yaşadığı 3028 mənzildən ibarət 219 yaşayış binasının. Nizami rayonu üzrə keçən əsrin 50-60-cı illərində inşa edilmiş, 5395 nəfərin yaşadığı 1779 mənzildən ibarət 131 yaşayış binasının, Yasamal rayonu üzrə 1257 nəfərin yaşadığı 427 mənzildən ibarət 18 yaşayış binasının, Səbail rayonu üzrə 1819 nəfərin yaşadığı 535 mənzildən ibarət 41 yaşayış binasının, Pirallahı rayonu üzrə 3131 nəfərin yaşadığı 1174 mənzildən ibarət 297 yaşayış binasının, habelə bu rayonların ərazisində yaşayış üçün yararsız olan digər binaların, sosial və digər təyinatlı qeyri - yaşayış obyektlərinin sökülməsini və yenidən qurulmasını, ərazi və ərazi hissələrinin yenidən qurulması üçün tələb olunan ərazi planlaşdırılma sənədlərinin hazırlanmasını (tikinti layihələrinin işlənməsindən əvvəl) və Dövlət Şəhərsalma və Arxitektura Komitəsi ilə razılaşdırılmaqla təsdiqini, habelə yeni tikiləcək yaşayış binalarının və qeyri-yaşayış obyektlərinin layihələrinə razılığın, tikintiyə və tikinti obyektinin istismarına icazənin verilməsini, həmçinin bu məqsədlə dövlət mülkiyyətində olan torpaqların daimi istifadəyə və icarəyə verilməsini;

-  mənzil fondunun yenilənməsi, sakinlərin mənzil-məişət şəraitinin yaxşılaşdırılması məqsədi ilə tikinti şirkətləri tərəfindən öz vəsaitləri və ya cəlb ediləcək kredit vəsaitləri hesabına inşa olunacaq çoxmənzilli yaşayış binaları üçün qəzalı vəziyyətdə olan söküləcək tikililərin ərazilərindən istifadə edilməsinə, hüquqi və fiziki şəxslərin mülkiyyətində və ya istifadəsində olan torpaq sahələrinin mülki qanunvericiliyə uyğun olaraq onların razılığı ilə dəyəri ödənilməklə əldə edilməsinə və ya həmin torpaq sahələrinin əvəzləşdirilməsinə şəraitin yaradılmasını;

-  qanunvericiliyin tələblərinə uyğun olaraq qəzalı vəziyyətdə olan binaları sökərək, onların yerində yeni yaşayış binası tikməyi öhdəsinə götürən tikinti şirkətlərinə yeni yaşayış binası tikilənədək bu binalardan köçürülən sakinlərin müvəqqəti olaraq kirayə edilmiş mənzillərdə yerləşdirilməsi üçün lazımi maliyyə vəsaitinin ödənilməsini və həmin sakinlərə sökülmüş tikililərin yerində yeni tikiləcək yaşayış binasında müvafiq mənzillərin ayrılmasını;

-  tikintiyə başlamazdan əvvəl tikiləcək binaların ərazidə yerləşdirilməsinin ərazi planlaşdırma sənədlərinə uyğunluğunun və hazırlanan layihələrin memarlıq hissələrinin rayon icra hakimiyyətlərinin müraciətləri əsasında Dövlət Şəhərsalma və Arxitektura Komitəsi ilə razılaşdırılmasını;

-  görülmüş işlər barədə ayda bir dəfə Nazirlər Kabinetinə məlumat verilməsini.

Dəyişikliyə əsasən artıq bu rayon icra hakimiyyətləri tikintiyə başlamazdan əvvəl tikiləcək binaların ərazidə yerləşdirilməsinin ərazi planlaşdırma sənədlərinə uyğunluğunun və hazırlanan layihələrin memarlıq hissələrinin rayon icra hakimiyyətlərinin müraciətləri əsasında Dövlət Şəhərsalma və Arxitektura Komitəsi ilə razılaşdırmayacaqlar. Sadəcə, tikintiyə başlamazdan əvvəl tikintiyə icazə verilərkən, tikiləcək binaların ərazidə

yerləşdirilməsinin ərazi planlaşdırma sənədlərinə uyğunluğuna, həmçinin şəhərsalma norma və qaydalarına, tikilən binaların mərtəbəliliyinə və tikinti aparılacaq ərazinin tikinti sıxlığı normalarına, yaşayış məntəqələrinin yaşıllıqla təmin edilməsi normalarına əməl olunmasına ciddi nəzarət edilməsini, eyni zamanda ərazidə sosial təyinatlı obyektlər mövcud olduqda, həmin obyektlərin yerləşdirilməsi ilə bağlı qanunvericiliyin tələblərinin təmin edilməsini təmin edəcəklər.

Qərara əsasən Dövlət Şəhərsalma və Arxitektura Komitəsinə tapşırılmışdı ki, rayon icra hakimiyyətlərinin müraciətləri əsasında tikiləcək binaların ərazidə yerləşdirilməsinin ərazi planlaşdırma sənədlərinə uyğunluğu və hazırlanan layihələrin memarlıq hissələri barədə rəylərin verilməsini müraciət alındıqdan sonra 1 həftə ərzində təmin etsin. Dəyişikliyə əsasən bu tələb də ləğv edilib.

Ölkə.Az

ŞƏRH YAZ
0

“Yox, əgər səhv və xəstə fikirlərini davam etdirəcəksə” — Deputat psixoloq Nərmin Şahmarzadədən danışdı

“Yox, əgər səhv və xəstə fikirlərini davam etdirəcəksə”
00:46
Bu gün
11121
Ölkə
A
Mübariz İbrahimov haqqında mənfi fikirlər səsləndirən xanım peşəkar psixoloq olsun. Peşəkar psixoloq heç vaxt belə fikir səsləndirməz. Ola bilsin ki, gənc xanımdır və psixoloq olmaq iddiasındadır. Peşəkar psixoloq heç vaxt Azərbaycan Milli Qəhrəmanı haqqında belə aşağılayıcı ifadələrə yol verməz.

"Ölkə.Az" teleqraf.com-a istinadən bildirir ki, bu sözləri millət vəkili Musa Quliyev psixoloq Nərmin Şahmarzadənin Azərbaycanın Milli Qəhrəmanı Mübariz İbrahimov haqqında söylədiyi fikirləri şərh edərkən deyib.

"Şəhid statusu haqqında" qanunun olduğunu xatırladan Musa Quliyev əlavə edib ki, bu qanuna əsasən, hər hansı bir şəkildə şəhid adının aşağılanması, təhqir edilməsi və ya hörmətsiz davranış birbaşa cinayət məsuliyyəti yaradır: "Eyni zamanda Mübariz İbrahimov müasir dövrümüzdə Azərbaycanın qəhrəmanlıq simvoludur. Belə bir simvolu aşağılamaq, təhqir etmək, qəhrəmanlığını heçə endirmək və bunu cinayət əməlinə oxşatmaq mənəviyyatsızlıq, milli dəyərlərə hörmətsizlik və "Şəhid statusu" haqqında qanunu pozmaqdır".

Deputat əlavə edib ki, özünü psixoloq kimi təqdim edən şəxs ictimaiyyət qarşısında günahını etiraf edərək, geri çəkiləcəksə, Mübariz İbrahimovun ailəsindən üzr istəyəcəksə, bu zaman onun məsuliyyətə cəlb edilməsinə ehtiyac qalmayacaq: "Yox, əgər səhv və xəstə fikirlərini davam etdirəcəksə, bu halda hüquq-mühafizə orqanları bu işlə məşğul olmalıdır. Çünki şəhidin təhqir edilməsi, habelə qəhrəmanın əməlinin cinayət kimi ictimailəşdirilməsi məsuliyyət yaradır".

Ölkə.Az

ŞƏRH YAZ
0

"Azərbaycanda sauna və massaj salonlarında..." — SOS

00:32
Bu gün
10485
Ölkə
A
Gecə saat 2-də Binəqədi qəsəbəsində yerləşən kafelərdən birində S.A. adlı şəxslə 25 yaşlarında olan Samux rayon sakini A.A. arasında dava düşüb. Binəqədi rayon Polis İdarəsindən verilən məlumata görə, onların hər ikisi fahişəliklə məşğuldur. Seks sənayesinin nümayəndələri kişi üstündə dalaşıblar. Sözügedən faktı şərh edən hüquq-mühafizə orqanlarının əməkdaşı bildirib ki, Bakıda seks sənayesi nümayəndələrinin iştirakı ilə baş verən insident xuliqanlıq faktı kimi qeydə alınıb. Qadınlar müştəri üstündə mübahisə ediblər və sonuncu rəqibini döyüb.

"Ölkə.Az" Sputnik Azərbaycan-a istinadən bildirir ki, asayiş keşikçiləri "priton" sahibləri ilə mübarizə aparsa da, fahişəliklə bağlı problem azalmır, əksinə artır. Fahişəliyin artması ilə əlaqədar yerli hüquq müdafiəçilərinin proqnozları özünü doğruldub. "Təmiz dünya" İctimai Birliyinin sədri Mehriban Zeynalova ölkəmizdə bu sahədə yaxşı olmayan tendensiyadan narahatlığını ifadə edib. Deyib ki, fahişəliyin yaşı nəinki cavanlaşıb, həm də bu işlə məşğul olan qadınlar arasında yaşlılar da var. 50-55 yaşlı qadınlar təkcə öz bədənlərini satmaqla kifayətlənmirlər, həm də daha çox həddi-buluğa çatmamışları bu prosesə cəlb edirlər.

AR Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyi  polis orqanlarının verdiyi məlumatları təsdiqləyib. Qurumdan bildiriblər ki, onlara tez-tez gecə klubları və barlarda dava edərkən saxlanılan yüngül əxlaqlı qadınları gətirilir. Son illərdə cinsi yolla ötürülən xəstəliklərin, o cümlədən QİÇS-in artması müşahidə olunur. Yalnız bu il ərzində Azərbaycanda 782 nəfərdə QİÇS virusu aşkarlanıb. Nəzərə alsaq ki, bu xəstəliyin müalicəsi yoxdur və ölümlə nəticələnir, onda bu, olduqca həyəcanverici tendensiyadır.

Təsadüfi deyil ki, Azərbaycanın Səhiyyə Nazirliyinin baş dermatoveneroloqu, professor Zülfüqar Fərəcov son 3-4 ildə ölkəmizdə cinsi yolla ötürülən xəstəliklərin sayının artdığını etiraf edib.

"Ola bilsin, bu, ölkədə turizmin inkişafı və ölkədəki miqrasiya ilə bağlıdır. Haradasa iqtisadi vəziyyət də fahişəliyin artmasına təsir göstərir. Bədənlərini satan şəxslər öz sağlamlıqlarının qayğısına da qalmalıdırlar. Lakin "qədim peşə" sahibləri hətta xəstəliklə bağlı diaqnoz qoyulandan sonra da müalicə almağa cəhd göstərmirlər. Onlar düşünürlər ki, xəstəlik özbaşına keçib gedəcək" - professor deyib.

Fərəcov qeyd edib ki, dəri-zöhrəvi xəstəliklər infeksion xəstəliklərdir və onlar özbaşına keçmir. Bura xlamidioz, trixomoniaz (trixomanad), qonoreya (xalq arasında süzənək, sifilis adlandırılır) və başqaları daxildir. Son illər Azərbaycanda sifilisə yoluxanların sayı xüsusilə artıb.

Sifilis xroniki şəkildə keçən, bütün orqanlarda, o cümlədən dəridə, sinir sistemində pozğunluq əmələ gətirən yoluxucu zöhrəvi xəstəlikdir. Bu, həmçinin xəstə valideynlərin övladlarına ötürülür. Tibbə sifilis daşıyıcısı olan şəxslərin nikaha girdiyi və patologiya ilə uşaq dünyaya gətirdikləri barədə xeyli hallar məlumdur. Professor qeyd edib ki, sifilis xüsusilə homoseksuallar, fahişələr və 40 yaşadək olan narkomanlar arasında geniş yayılıb.

Cəmiyyətdəki kişilərin əksəriyyəti cavanlıq dövründə "gecə kəpənəkləri"nin xidmətlərindən istifadə edirlər. Bu səbəbdən də Zülfüqar Fərəcov nikaha daxil olarkən tibbi müayinədən keçmək tələbini tamamilə dəstəkləyir. Onun sözlərinə görə, bu qəbildən olan xəstələr mütləq aşkarlanmalı, xəstəxanada yatırılmalı, müalicə edilməlidir. Çünki bu xəstəliyin daşıyıcıları ətraf mühit və bütövlükdə cəmiyyət üçün ciddi təhlükələr yaradır.

Fərəcov venerik xəstəliklərin yayılmasına qarşı nəzarətin gücləndirilməsi təklifi ilə çıxış edib: "Deputatalar veneroloji xəstəliklərin məcburi müalicəsi ilə bağlı qanun layihəsinə baxmalıdırlar. Yəni Sovet dövründə sınaqdan çıxmış təcrübəyə qayıtmaq - onun infeksiya mənbəyinə çevrilməsinə imkan verməmək lazımdır. Məhz bundan sonra yoluxma mənbəyi 100% müəyyən ediləcək".

Bununla yanaşı, məhkəmə tibbi ekspertləri fahişəlikdən danışarkən Bakıda bir neçə ərəb turistinin ölümünə də toxunublar. Xatırladaq ki, əvvəllər yerli KİV dəfələrlə analoji situasiyalarla bağlı məlumatlar dərc ediblər. Hətta polis əməkdaşları da məsələyə münasibətlərini bildiriblər. Səbail rayon Polis İdarəsinin əməkdaşları qeyd ediblər ki, Azərbaycanın xarici turistlər üçün cəlbedici olması sevindirici haldır. Lakin problem ondadır ki, bura əsasən şərq ölkələrindən gələn kişilər öz istəklərinə korluq vemirlər. Onlar həddindən artıq spirtli içki qəbul edir və yüngül əxlaqlı qadınların xidmətlərindən istifadə edirlər.

Məhkəmə tibbi ekspertlərinin sözlərinə görə, ölüm halları ərəb turistlərin düzgün olmayan həyat tərzi nəticəsində baş verir.

"Bildiyimiz kimi, ərəblər öz ölkələrində passiv həyat tərzi keçirirlər. Burada Fars körfəzi ölkələrinin iqlim şərtləri də nəzərdən qaçırılmamalıdır. Onlar işləmir, lakin çox yeyirlər. Bura gələndə sərbəst əlaqələrə alışıq olmurlar. Lakin burada onların istəkləri və iştahları yerindən oynayır. Onlar qadınları otellərə dəvət edir, spirtli və enerji içkiləri ilə birlikdə potensiyanı artıran preparatlar qəbul edirlər. Bundan sonra onlarda ürəyin dayanması baş verir" - ekspertlər bildirirlər.

Hüquq-mühafizə orqanları fahişəliklə mübarizəyə istiqamətlənmiş profilaktik tədbirlər də həyata keçirirlər. Təcrübə göstərir ki, bu "mərəz"i aradan qaldırmaq mümkün deyil. Çətin ki, qanunvericilikdə fahişəliyə görə nəzərdə tutulan cərimə (100 manat) onunla mübarizədə effektiv olsun. 100 manat cərimə ödəmək fahişə üçün tüpürmək kimi bir şeydir.

"Bu gün klublarda, saunalarda, massaj salonlarında intim xidmətlərin 1 saatlıq "seans"ı 50-200 manatdır. Belə olan təqdirdə, 100 manatlıq cərimə sanksiyasının hansı effektivliyindən danışmaq olar? Fahişəlik cinayət hesab olunmur və bu səbəbdən də həmin əmələ görə yalnız inzibati cəza tətbiq edilir" - deyə paytaxtdakı polis idarələrindən birinin səlahiyyətlisi bildirib.

Qeyd edək ki, Milli Məclisin deputatları vaxt-vaxt fahişəliyin leqallaşdırılması ilə bağlı təkliflər səsləndirirlər. Lakin hələlik cəmiyyətimiz bu dəyişikliyə hazır deyil. Bəs bu geniş yayılmış neqativ halla necə mübarizə aparmaq olar? Bəlkə cərimənin məbləği artırılsın? Deputat Musa Quliyev bu təkliflə razılaşmır. O, hesab edir ki, cərimənin artırılması vəziyyətdən çıxış yolu deyil. Onun sözlərinə görə, bu istiqamətdə maarifləndirmə işlərinin aparılması və sağlam həyat tərzinin təbliği daha effektiv ola bilər.

Lakin ümumilikdə rəyi soruşulan sorğu iştirakçıları o fikirdədir ki, təkcə təsəlli vermək azdır. Vətəndaşların aşağı sosial statusu, təhsilli olmamaları onların ləyaqətli işlə təmin olunmasına imkan vermir. Bu isə gəncləri xüsusilə ağır vəziyyətə salır. Kimi oğurluq etmək yolunu tutur, kimi də çıxış yolunu öz bədənini satmaqda görür.

Ölkə.Az

ŞƏRH YAZ
0
BAĞLA