KORONAVİRUSA YOLUXANLARIN SAYI - CANLI STATİSTİKA

Bakının mərkəzində inşa edilən metrostansiyanın açılma vaxtı bilindi

Bakının mərkəzində inşa edilən metrostansiyanın açılma vaxtı bilindi
15:19
08.11.2019
3084
Ölkə
A
Şərti adı “B3” olan stansiyanın tikintisi, demək olar ki, başa çatdırılır.

"Ölkə.Az" oxu.az-a istinadla xəbər verir ki, bunu jurnalistlərə açıqlamasında “Bakı Metropoliten”i QSC-nin Baş mühəndisi Əlixan Osmanov deyib. 

O bildirib ki, hazırda həmin stansiyada son tamamlanma işləri gedir:

“Stansiyanın açılışı üzrlü səbəblərdən gələn il üçün nəzərdə tutulub”. 

Ə.Osmanovun sözlərinə görə, metronun “Bənövşəyi” xətti 12 stansiya və bir depodan ibarətdir:

“Bu xəttin üç stansiyasının tikintisi, demək olar ki, yekunlaşdırılıb və hazırdır. Şərti adı “B4” olan dördüncü stansiyasının tikintisi, eləcə də, Xocahəsən deposunun tikintisi davam etdirilir. Sxemə uyğun olaraq “Bənövşəyi” xətti sistem üzrə Qaraçuxur qəsəbəsinə qədər çatdırmağı planlaşdırırıq”.

Qeyd edək ki, şərti adı “B3” olan və bənövşəyi xətdə yerləşən metrostansiya paytaxtın Nəsimi rayonu, Cəlil Məmmədquluzadə küçəsində, Hərbi Hospitalın yanında inşa edilir.

ŞƏRH YAZ
0

Vaqif Dərgahlı: “Azərbaycan ordusu hər an mübarizəyə hazırdır”

Vaqif Dərgahlı: “Azərbaycan ordusu hər an mübarizəyə hazırdır”
15:50
Bu gün
808
Ölkə
A
“Bir qrup şəxs tərəfindən sosial şəbəkələrdə “Azərbaycan ordusuna dəstək”, “Qarabağın azad olunması” istiqamətində şüarlar səsləndirilir. İnsanları yekdilliklə ayağa qalxmağa səsləyirlər. Bu cür çağırışlara ehtiyac yoxdur”.

"Ölkə.Az" xəbər verir ki, bunu Müdafiə Nazirliyinin mətbuat katibi, polkovnik Vaqif Dərgahlı iyulun 12-də erməni təxribatının baş verdiyi Azərbaycan-Ermənistan sərhədindəki vəziyyətə münasibət bildirərkən deyib.

Vaqif Dərgahlı bu tip çağırışların Azərbaycan xalqının güclü vətənpərvərlik hissindən irəli gəldiyini desə də, bu kimi yazışmalara ehtiyac olmadığını vurğulayıb:

“Biz insanların vətənpərvərlik hissini anlayırıq. Amma vurğulamaq istərdim ki, Azərbaycan ordusu hər an mübarizəyə hazırdır. Düşmən tərəfə bu günə qədər lazımi cavab verilib, verilir və veriləcək. Odur ki, belə söhbətlərin sosial şəbəkələrdə yayılmasına ehtiyac yoxdur. Bu, yalnız düşmən tərəfin maraqlarına xidmət edir”.

ŞƏRH YAZ
0

Vilayət Eyvazov daha bir rəisi təqaüdə göndərdi

Vilayət Eyvazov daha bir rəisi təqaüdə göndərdi
15:46
Bu gün
805
Ölkə
A
Daxili İşlər naziri, general-polkovnik Vilayət Eyvazov sələfi Ramil Usubovun yaxın adamını təqaüdə göndərib.

"Ölkə.Az"ın qafqazinfo-ya istinadən verdiyi xəbərə görə, nazirin əmri ilə Gəncə şəhər regional Qeydiyyat İmtahan və texniki baxış şöbəsinin (MERO) rəisi, polis polkovniki Vüqar Məmmədyarov xidmətdə olmanın son yaş həddinə görə vəzifəsindən çıxarılaraq təqaüdə göndərilib.

Qeyd edək ki, V. Məmmədyarov uzun müddət bu vəzifədə işləyib. Həmin dövrdə onun barəsində mətbuatda bir çox yazılar dərc olunub. V.Məmmədyarov keçmiş Daxili işlər naziri Ramil Usubova yaxınlığı ilə tanınıb.  

Xatırladaq ki, bir neçə gün əvvəl nazirin əmri ilə Xocalı Rayon Polis Şöbəsinin rəisi, polis polkovniki Eldar Bağırov xidmətdə olmanın son yaş həddi ilə bağlı vəzifəsindən çıxarılaraq təqaüdə göndərilib. 

ŞƏRH YAZ
0
BAĞLA