Bakının mərkəzində insanlara hücum edən yarıçılpaq şəxslərə qarşı cinayət işi başlanıldı

Bakının mərkəzində insanlara hücum edən yarıçılpaq şəxslərə qarşı cinayət işi başlanıldı
20:36
13.12.2019
5076
Ölkə
A
Səbail rayonunda ictimai asayişi pozan, Xətai rayonunda isə polisə odlu silahla silahlı müqavimət göstərən şəxslərə qarşı cinayət işləri başlanılıb. Daxili işlər orqanları tərəfindən keçirilən uğurlu əməliyyat-axtarış tədbirləri nəticəsində baş verən bir neçə cinayət faktının üstü “isti” izlərlə açılıb.

"Ölkə.Az" bildirir ki, Bakı Şəhər Baş Polis İdarəsindən oxu.az-a verilən məlumata görə, dekabrın 12-də saat 19 radələrində paytaxtın Səbail rayonu Üzeyir Hacıbəyov küçəsindəki marketlərin birində iki nəfər oğurluğa cəhd göstərib. Bunun qarşısı marketin işçiləri tərəfindən alınarkən onlar bıçaqla hədə-qorxu gələrək hadisə yerini tərk ediblər. Bu zaman həmin ərazidə xidmət aparan polis əməkdaşlarının operativliyi və çevikliyi sayəsində hər iki şəxs saxlanılaraq 39-cu Polis Bölməsinə gətirilib.

Qeyd edək ki, saxlanılan zaman onlar polis əməkdaşlarına da müqavimət göstəriblər. Bölmədə araşdırma aparılan zaman onların Yevlax rayon sakinləri, əvvəllər qəsdən sağlamlığa ağır zərər vurma və xuliqanlığa görə məhkum olunmuş Yasin Abdullayev və qohumu Mahmud Məmmədov olmaları müəyyən ediliblər.

Hər iki şəxs barəsində toplanan materiallar araşdırılması üçün Səbail Rayon Polis İdarəsinin İstintaq Şöbəsinə göndərilib. Faktla bağlı Cinayət Məcəlləsinin xuliqanlıq maddəsinin bir neçə bəndi ilə cinayət işi başlanılıb, araşdırma aparılır.

Keçirilən daha bir əməliyyat zamanı isə polis əməkdaşlarına qarşı odlu silahdan istifadəyə cəhd göstərən şəxs tutulub.

Belə ki, dekabrın 12-də Xətai rayonu İnqilab İsmayılov küçəsində yerləşən mağazalardan birindən 2500 manat dəyərində tütün məmulatları, danışıq kartları və ərzaq məhsulları naməlum şəxslər tərəfindən oğurlanıb. Mağazanın sahibi baş verən hadisə barədə Xətai Rayon Polis İdarəsinə məlumat verib.

Həyata keçirilən əməliyyat nəticəsində hadisəni törədən şəxslərdən biri Bakı şəhər sakini Kamran Səfərəliyev saxlanılıb. Əməliyyat tədbirlərinin davamı olaraq müəyyən edilib ki, Kamran Səfərəliyevlə bərabər oğurluq hadisəsində əvvəllər Cinayət Məcəlləsinin oğurluq, xuliqanlıq, qanunsuz olaraq üzərində odlu silah gəzdirmə və hakimiyyət nümayəndəsinə qarşı müqavimət göstərmə maddələri ilə dəfələrlə məhkum olunmuş Sabunçu rayon sakini Elşad Məmmədov da iştirak edib. Eyni zamanda Elşad Məmmədovun daimi olaraq üzərində odlu silah gəzdirməsi barədə məlumat daxil olduğundan xüsusi əməliyyat qrupu yaradılıb və onun Sabunçu rayonu ərazisində olduğu müəyyən edilib. 

Qeyd edək ki, Elşad Məmmədov saxlanılan zaman polis əməkdaşlarına müqavimət göstərməyə cəhd edərək üzərində olan odlu silahı atəş vəziyyətinə gətirib və bu zaman polislərin çevikliyi sayəsində o, dərhal zərərsizləşdirilərək tutulub. Saxlanılan zaman Elşad Məmmədovun üzərindən “Makarov” tipli tapança, 3 ədəd patron və sandıqça aşkar edilərək götürülüb. 

Faktla bağlı saxlanılan şəxslər barəsində Xətai Rayon Polis İdarəsinin İstintaq Şöbəsində Cinayət Məcəlləsinin 177-ci (Oğurluq) və 228-ci (Qanunsuz olaraq odlu silah gəzdirmə) maddələri ilə cinayət işi başlanıb, araşdırmalar davam etdirilir.

ŞƏRH YAZ
0

Qrip, virusdan burnu tutulanlara — 1 MANATQLIQ RESEPT

Qrip, virusdan burnu tutulanlara
18:57
Bu gün
101
Ölkə
A
Qripdən, virusdan, soyuqdan, allergiyadan burnu tutulanlar bu ucuz və asan vasitəni etsələr, illərlə burun tutulması nədir bilməyəcəklər.

"Ölkə.Az" medicina.az-a istinadən xəbər verir ki, hətta xroniki burun tutulması zamanı da burun iltihabı və suyunu yoxa çıxarır.

Xroniki rinit zamanı çox effektivdir

1.Bir stəkan suda 1 çay qaşığı sodanı həll edib, burnu yuyursuz. Bunun üçün şpris istifadə edə bilərsiz. Yaxşı olar ki, hər burun dəliyinə suyu alıb yuxarı çıkib, ağızdan tüpürəsiz

Hər dəliyi 2-3 dəfə yuyursuz və yaxşıca fınxırırsız.

2-ci addım: Streptosid tabletini toz halına əzib hər burun dəliyinə sovurub çəkirsiz. Bunun üçün kağızdan borucuq düzəldib tozu buruna çəkirsiz. Toz elə yuxarı çəkilməlidir ki, boğaza da düşə bilsin. Bir tableti əzib hər iki burun dəliyinə 2-3 dəfə etməyə yetərli olacaq.

Bu metod ilk 3 gündə sutkada 5 dəfə olunur. Sonra burun tamamilə açılır və təmizlənir.

Kurs 5 gündür.

ŞƏRH YAZ
0

Yataq xəstəsi olan Ağakərimin ürəksızladan görüntüləri — VİDEO

Yataq xəstəsi olan Ağakərimin ürəksızladan görüntüləri
18:44
Bu gün
226
Ölkə
A
Ağakərimin səhhəti ilə bağlı son durum məlum olub.

"Ölkə.Az" baku.ws-ə istinadən xəbər verir ki, ARB TV əməkdaşları tanınmış meyxana ustadının evindən çəkiliş edib. 

Meyxanaçının son görüntüləri tamaşaçıların ürəyini sızladıb.

Həmkarı Ağamirzə ilə söhbət edən Ağakərim danışmaqda çətinlik çəkib. 

Yataq xəstəsi olan Ağakərimin son vəziyyətini təqdim edirik:

ŞƏRH YAZ
0
BAĞLA