Bakının məşhur brend mağazalarında baş verən yanğın söndürülüb — FOTO + YENİLƏNİB

Bakının məşhur brend mağazalarında baş verən yanğın söndürülüb
15:12
22.08.2017
576
Hadisə
A
Bakının mərkəzində mağazada baş verən yanğın söndürülüb.

"Ölkə.Az"ın APA-ya istinadən verdiyi məlumata görə, bunu Dövlət Yanğından mühafizə Xidmətinin əməliyyatçısı, polkovnik-leytenant Ramazan Ramaznov deyib. Onun sözlərinə görə, yanğın 30-35 kv/m ərazini əhatə edib. Mağazada əsasən divar kağızları yanıb. Yanğın nəticəsində geyim əşyalarına ziyan dəyməyib və xəsarət alan yoxdur. 

 
İlkin ehtimala görə, yanğına qısaqapanma səbəb olub. 

***

 Bakıda bahalı geyimlərin satıldığı mağazaların yerləşdiyi binada yanğın başlayıb.

"Ölkə.Az" "Report"-a istinadən xəbər verir ki, yanğın hadisəsi Neftçilər prospekti ilə Yusif Məmmədəliyev küçəsində fəaliyyət göstərən “Dolce & Gabbana” mağazasında qeydə alınıb.

Daha sonra isə “GUCCİ” mağasına keçib. Mağazalarda satılan geyimlər küçəyə çıxarılıb. 

Hadisə yerinə yanğınsöndürənlər cəlb olunub. Yanğının qarşısını almaq üçün tədbirlər görülür.  

İlkin məlumata görə, yanğın kondisionerdəki qısaqapanmadan baş verib.

Yanğın zamanı xəsarət alan olmayıb.

Ölkə.Az

ŞƏRH YAZ
0

Cəlilabadda kütləvi dava — Yaralananlar arasında qadın da var

Cəlilabadda kütləvi dava
00:47
Bu gün
342
Hadisə
A
Cəlilabadda baş verən kütləvi dava zamanı 3 nəfər xəsarət alıb.

"Ölkə.Az"ın "Report"a istinadən məlumatına görə, hadisə axşam saatlarında qeydə alınıb. 

Belə ki, bir neçə şəxs arasında baş verən mübahisə sonradan kütləvi davaya çevrilib. Bu zaman rayonun Kirovka kənd sakinləri - 1987-ci il təvəllüdlü Adaşov Elçin Xeyrulla oğlu və 1989-cu il təvəllüdlü Əmənov İbrahim Nazim oğlu müxtəlif bədən xəsarətləri alıblar. Məlumata görə, hadisə zamanı bir qadın da xəsarət alıb. Yaralılara xəstəxanada müvafiq yardım göstərilib.

Hadisənin başvermə səbəbləri hələlik məlum deyil.

Faktla bağlı araşdırma aparılır.

Ölkə.Az

ŞƏRH YAZ
0

3 oğlan birləşib əmilərini döydü — Söyüşə görə

3 oğlan birləşib əmilərini döydü
23:23
18.06.2018
460
Hadisə
A
Şamaxı rayonunda qohumlar arasında baş verən dava zamanı bir nəfər ağır xəsarət alıb.

"Ölkə.Az"ın APA-ya istinadən xəbərinə görə, bu gün axşam saatlarında rayonun Bağırlı kənd sakini, 1975-ci il təvəllüdlü Almirzəyev Bəhərçin Əliməmməd oğlu baş və bədənin müxtəlif nahiyələrinin çapılmış-əzilmiş yarası diaqnozu ilə Şamaxı rayon Mərkəzi Xəstəxanasına gətirilib.

Bəhərçin Almirzəyev qardaşının oğlanları Adəm, Qorxmaz və Elşən Almirzəyev tərəfindən ağacla və yumruqla döyüldüyünü bildirib. Hazırda onun vəziyyəti orta-ağır olaraq qalır. Onların arasında münaqişənin söyüşə görə baş verdiyi bildirilir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA