Bakıya gələcək ulduzların qəribə istəkləri

Bakıya gələcək ulduzların qəribə istəkləri
18:49
12.05.2017
16
Maqazin
A
Dünya ulduzları konsert vermək təklifi alanda, ilk növbədə, rayderlərini təqdim edirlər. Onların gedəcəkləri yerdəki çıxış qonorarı ilə yanaşı, istəkləri də hər kəsi təəccübləndirir.

Ölkəmizdə baş tutacaq “Formula 1” yarışları çərçivəsində Meray Keri, Tarkan, Nikol Şerzinger kimi tanınmış müğənnilər və “Black Eyed Peas” qrupunun konserti gerçəkləşəcək. Görəsən, həmin ulduzların rayderləri nədən ibarətdir? 

"Ölkə.Az axşam.az-a istinadla həmin ifaçıların rayderlərini təqdim edir.

Onlar indiyə kimi getdikləri konsertlərdə bunları tələb ediblər:

Meray Keri dünyanın ən kaprizli ulduzlarındandır. Onun istəkləri arasında, ilk növbədə, dəyəri 1500 dollar olan şampan şərabından bir neçə şüşə olmasıdır. Onun qalacağı otaqda unitaz, əlüzyuma yeri və vanna yeni quraşdırılmalıdır. Tutacaqlar isə qızılı dəmirdən olmalıdır. Otaqda mütləq yumşaq oyuncaqlar, 200 ədəd dəsmal, təbii güllər yerləşdirilməli, yerə və yatağa qızılgül ləçəkləri səpilməlidir. Meray Keri mineral su ilə vanna qəbul etməyi xoşlayır. Keri getdiyi yerə itini də aparır. İti üçün də əlavə vanna quraşdırılmasını tələb edir. O, mineral su ilə vanna qəbul edərkən iti də onun yanında olmalı və mineral su ilə doldurulmuş vannaya uzadılmalıdır. Ən əsası isə o, səhnəyə çıxanda kulisdə xüsusi bir adam qoyulmalıdır. O, səhnəyə çıxanda ona saqqızını verməlidir.

Nikol Şerzinger də getdiyi yerdə rayderlərini ilk təqdim edənlərdəndir. Onun rayderinə, ilk növbədə, sıyıq daxildir. Daha sonra isə dənli bitkilərdən olan qidalar olmalıdır. Qrim otağında 20 dəsmal yerləşdirilməlidir. Onlar isə mütləq qara rəngdə olmalıdır. Ekzotik meyvələr yer almalıdır. Otaqdan gözəl qoxu gəlməlidir. Nikol meneceri ilə eyni mərtəbədə qalmalıdır.

Tarkan rayderində, ilk növbədə, onun yaradıcılığı ilə bağlı istəklər yer alır. Orkestri ilə eyni hoteldə qalmalıdır, onların yeməyi, rahatlığı yüksək səviyyədə təşkil edilməlidir. Kulisdə viski, antep fıstığı və çoxlu dəsmal olmalıdır. Onları görməyəndə çox əsəbiləşir. Konsert hazırlığı uzun vaxt aparır. Kulisdə çox səs-küy olmamalıdır. Rahatlamaq üçün çoxlu bitki çayı içir. Özəl olaraq Bolqarıstandan gətirilən bitki qarışıqlı çayı içməsə, səhnəyə çıxmır.

“Black Eyed Peas” qrupunun rayderi 38 səhifədən ibarətdir. Təkcə kulisdə ən bahalı brenddən olan araqdan 5 şüşə, 11 ədəd ağ pendir və ispanaqdan hazırlanan sendviç, 8 ədəd donuz ətindən hazırlanan sendviç, 42 şüşə su, portağal, kokteyl və başqa tələblər olmalıdır. Özləri ilə birlikdə heç bir texniki avadanlıq gətirmirlər. Hamısını təşkilatçı özü təmin etməlidir.

ŞƏRH YAZ
0

Musiqi dünyasında ən çox qazanan qadınlar — SİYAHI və FOTOLAR

Musiqi dünyasında ən çox qazanan qadınlar
11:33
Bu gün
279
Maqazin
A
ABŞ-ın nüfuzlu "Forbes" jurnalı musiqi dünyasının ən çox qazanan qadınlarının siyahısını tərtib edib.

 "Ölkə.Az" xəbər verir ki, ilin ən çox pul qazanan qadın sənətçisi Beyonsdur. O, il ərzində 105 milyon dollar qazanıb.

Jurnalın xəbərinə əsasən, 2016-cı ilin aprel ayında "Lemonade" albomu ilə musiqisevərlərin və tənqidçilərin rəğbətini qazanan Beyons qastrol səfərlərindən də 250 milyon dollar qazanıb.

Siyahının ikinci pilləsində ingilis müğənni Adelin adı var. Adel il ərzində 69 milyon dollar qazanıb.

Amerikalı müğənni Telyor Sviftin 44 milyon dollar qazancı onu siyahının bürünc mükafatçısı edib.

Siyahıda dördüncü pillədə Selin Dionun adı var. Selin il ərzində 42 milyon dollar qazanıb.

38 milyon dollar qazanan Cennifer Lopez isə siyahıda beşinci pillədədir.

Madonna, Ledi Qaqa, Selena Qomez və Ariana Qrande isə ilk onluğa girə bilməyib.

Hikmət Həsənov
Ölkə.Az

 

ŞƏRH YAZ
0

Dünya gözəlinin keçmiş — FOTOLARI

Dünya gözəlinin keçmiş
10:17
Bu gün
793
Maqazin
A
Çində keçirilən gözəllik müsabiqəsində bu il 20 yaşlı Hindistanlı tacın qalibi oldu.

"Ölkə.Az" xəbər verir ki, Manuşi Çillar tibb üzrə təhsil alır.

Gözəlliyindən başqa jürinin verdiyi sualları cavablandıran dünya gözəlinin sosial şəbəkədə paylaşdığı fotolar onun keçmişdə elə də gözəl olmadığını üzə çıxarır.

Finalda Meksika və İngiltərə gözəllərinə qalib gələn Çillar oxuduğu məktəbdə də "Miss Kamp Şahzadəsi" seçilib. Sonr isə "Miss Hindistan" müsabiqəsinin qalibi olub. Onun qrup yoldaşları "bizə tacı qazanacağını demişdi və bunu həyata keçirdi. Onunla qürur duyuruq"-deyiblər.

Hikmət Həsənov
Ölkə.Az

ŞƏRH YAZ
0
BAĞLA