Bakıya qar yağacaq? — AÇIQLAMA

Bakıya qar yağacaq?
12:29
07.12.2017
8950
Ölkə
A
Xəbər verdiyimiz kimi dünən axşam saatlarından etibarən hava şəraiti kəskin dəyişib, dağlıq və dağətəyi rayonlara qar yağıb. Yağıntının hündürlüyü bəzi yerlərdə 33 santimetrə qədər çatıb.

Bəs yaxın günlərdə paytaxtda necə qar yağacağı gözlənilirmi?

"Ölkə.Az" xəbər verir ki, məsələ ilə bağlı Qaynarinfo-ya açıqlama verən Ekologiya və Təbii Sərvətlər Nazirliyinin Hidrometeoroloji proqnozlar Bürosunun direktoru Gülşad Məmmədova yaxın 2 gündə Bakı və Abşeron yarmadasında əsasən yağış yağacağını və bəzi yerlədə yağıntının intensivləşəcəyini bildirib.

"Əvvəlcədən xəbərdarlıq edilmişdi ki, dekabrın 6-sı axşam saatlarından etibarən hava şəraiti dəyişəcək. Bəzi yerlərdə yağış yağıb, əsasən dağlıq və dağətəyi rayonlarda isə qar yağıb. Hazırda Bakı və Abşeron yarımadasında da yağıntılı hava şəraiti müşahidə olunur və yağıntı əsasən yağış şəklindədir. Bu gün və sabah arabir yağış yağacaq, bəzi yerlərdə intensivləşəcək. Ayın 9-dan bölgələrdə, eləcə də paytaxtda hava şəraitinin sabitləşəcəyi və gün ərzində əsasən yağmursuz keçəcəyi proqnozlaşdırılır".

ŞƏRH YAZ
0

DYP-dən Aşura günü ilə bağlı sürücülərə — XƏBƏRDARLIQ

DYP-dən Aşura günü ilə bağlı sürücülərə
16:42
Bu gün
285
Ölkə
A
Bakı şəhər Dövlət Yol Polisi (DYP) İdarəsi sentyabrın 20-də baş tutacaq Aşura mərasimi ilə bağlı sürücülərə müraciət edib.

"Ölkə.Az"ın xəbərinə görə,  DYP-nin bölmə rəisi, polkovnik Vaqif Əsədov bildirib ki, Aşuru günü ilə bağlı keçiriləcək dini mərasimlərlə əlaqədər olaraq məscidlərin və ziyarətgahların ətrafında sıxlıq yaranmaması üçün mərasim yerinə gələnlər bəzi qaydalara əməl etməlidirlər: “Yol polisi Aşura günü gücləndirilmiş iş rejimində çalışacaq. İlk növbədə məscidlərin və mərasim keçiriləcək digər yerlərin yaxınlığında avtomobili yolu hərəkət hissəsində, ikinci və üçüncü cərgədə saxlamaq digər sürücülərin hərəkətinə maneə yaratmaqdır. Bununla da onlar öz rahatlığı naminə başqalarını narahat etmiş olurlar. Sürücülərin diqqətinə çatdırırıq ki, mərasim yerlərinin yerləşdiyi küçə və prospektlərdə digər nəqliyyat vasitələrinin rahat hərəkəti üçün avtomobili harada gəldi saxlamasınlar. Hökm deyil ki, məscidə gələn şəxs maşını mütləq məscidin qarşısında saxlamalıdır. Bir qədər kənarda, başqa küçədə, park yerində də saxlamaq olar. Yol hərəkəti qaydalarına riayət etməklə mərasimi başa çatdırmaq daha yaxşı olardı. Ümumiyyətlə, mərasimə qatılmaq istəyənlərə ictimai nəqliyyatdan istifadə etməyi tövsiyə edirik”.

ŞƏRH YAZ
0

Koreyada tarixi imzalar atıldı — 65 illik müharibə başa çatdı

Koreyada tarixi imzalar atıldı
16:28
Bu gün
312
Ölkə
A
Cənubi Koreya prezidenti Mun Çje İn Koreya yarımadasındakı tarixi zirvədən sonra açıqlamalar verib.

“Ölkə.Az” xəbər verir ki, Mun Çje İn açıqlamasında bildirib ki, Kim Çen İn nüvə mühərrik sınaq sahəsi və raket sınaq məntəqəsini sökmək barədə təklifi təsdiqləyib.

Cənubi Koreya lideri qeyd edib ki, ABŞ lazım olan addımları atsa, Şimali Koreya “Nyongbyon” nüvə kompleksini də sökə bilər. Zirvə görüşündən sonra Kim Çen İn və Mun Çje İn bəyannamə imzalayıblar. İki ölkə sərhədindəki bir kənddəki minalar təmizlənəcək. Kim Çen İn yaxın vaxtda Cənubi Koreyaya səfər edəcək.

Hikmət Həsənov
Ölkə.Az

ŞƏRH YAZ
0
BAĞLA