“BakuBus”un marşrutunda kişinin 400 manatını oğurladılar
Nərimanov rayonu ərazisində marşrut avtobuslarının birində oğurluq faktı qeydə alınıb.
“Ölkə.Az”ın məlumatına görə, “BakuBus” MMC-ə məxsus 7 B saylı avtobusda sərnişin Asif Əliyevin cibindən 400 manat pul oğurlanıb. Zərərçəkən bu barədə marşrut avtobusundan düşən zaman xəbər tutub. DİN-nin 102 Zəng Mərkəzinə məlumat verən A.Əliyevin izahatı polislər tərəfindən alınıb.
Faktla bağlı Nərimanov RPİ-nin Təhqiqat şöbəsində araşdırmalara başlanılıb.