Balakəndə bir ailənin 5 üzvü qidadan zəhərlənib

Balakəndə bir ailənin 5 üzvü qidadan zəhərlənib
01:17
26.09.2017
195
Hadisə
A
Balakəndə bir ailənin 5 üzvü qidadan zəhərlənib.

Bu gün axşam saatlarında Balakən rayonu Bedağar kənd sakinləri- 1953-cü il təvəllüdlü Xədicə Xelimohuma qızı Mollayeva, onun gəlinləri 1989-cu il təvəllüdlü Gülnar Ramiz qızı Süleymanova, 1984-cü il təvəllüdlü Aliyə Bəxtiyar qızı Osmanova və nəvələri 6 yaşlı Xumar Qasım qızı Mollayeva, 4 yaşlı Xəyalə Qasım qızı Mollayeva zəhərlənmə əlamətləri ilə Balakən Mərkəzi Rayon Xəstəxanasına (MRX) daxil olublar.
 
MRX-dan APA-ya bildirilib ki, zəhərlənmə əlamətləri ilə xəstəxanaya daxil olan bir ailənin beş üzvündən, Xədicə Mollayeva, Gülnar Süleymanova və Aliyə Osmanova xəstəxananın qəbul şöbəsinə, azyaşlılar Xumar və Xəyalə Mollayeva isə uşaq şöbəsinə yerləşdiriliblər. Müayinə zamanı məlum olub ki, bir ailənin beş üzvü yaşadıqları ünvanda nahar yeməyində müxtəlif növ qidalar qəbul etdikdən bir qədər sonra onlarda zəhərlənmə əlamətləri büruzə verib.
 
Zəhərlənənlərin hamısına lazımi tibbi yardım göstərilib, vəziyyətləri orta-ağır qiymətləndirilir.

Ölkə.Az

ŞƏRH YAZ
0

Ağac kəsən şəxsin işi prokurorluğa göndərildi

Ağac kəsən şəxsin işi prokurorluğa göndərildi
16:38
Bu gün
95
Hadisə
A
Ekologiya və Təbii Sərvətlər Nazirliyinin 7 saylı Ərazi Ekologiya və Təbii Sərvətlər şöbəsi nəzarət etdiyi İmişli rayonu ərazisində ekoloji qanunvericiliyin tələblərinə riayət olunmasını yoxlamaq məqsədilə növbəti reyd keçirib.

Nazirlikdən "Ölkə.Az"a verilən məlumata görə, keçirilən reyd zamanı İmişli rayonu Əliyetməzli kəndi ərazisində Kür çayının mühafizə zonasında  50 ədəd yulğun kolunun kəsildiyi aşkar edilib.

Araşdırma zamanı yulğun kollarının İmişli rayonu Əliyetməzli kəndi sakini Soltan Baxşəliyev tərəfindən kəsildiyi və təbiətə 4000 manat məbləğində ziyan dəydiyi məlum olub. Faktla bağlı akt tərtib olunub.

Dəymiş ziyanın məbləği cinayət tərkibi yaratdığından qanun pozuntusu ilə bağlı toplanmış materiallar məsələyə hüquqi qiymət verilməsi və təqsirkar barəsində qanunamüvafiq tədbirlərin görülməsi üçün Azərbaycan Respublikası Baş Prokurorluğuna göndərilib.

Ölkə.Az

ŞƏRH YAZ
0

Sabiq bağça müdirəsi həbs edilmədi — Övladına görə

Sabiq bağça müdirəsi həbs edilmədi
16:25
Bu gün
168
Hadisə
A
Bakıda vətəndaşlara qarşı dələduzluqda təqdirləndirilən bağça müdirəsi İlahə Ziyadovanın cinayət işi üzrə məhkəmə prosesi başa çatıb.

“Ölkə.Az”ın xəbərinə görə, Bakı Ağır Cinayətlər Məhkəməsində hakim Mahmud Ağalarovun sədrliyi ilə keçirilən prosesdə hökm oxunub. Hakimlər kollegiyasının hökmünə əsasən, İ.Ziyadova Cinayət Məcəlləsinin 311-ci (rüşvət alma) və 162-1.1-ci (əmək müqaviləsi hüquqi qüvvəyə minmədən işçilərin hər hansı işlərin yerinə yetirilməsinə cəlb edilməsi) maddələri ilə təqsirli bilinib və 8 il 6 ay müddətinə azadlıqdan məhrum edilib.

Onun himayəsində 4 yaşında azyaşlı övladı olduğundan hökmün icrası uşağın 14 yaşı tamam olanadək təxirə salınıb.
Onun barəsində seçilmiş polis nəzarətinə verilmə qətimkan tədbiri qüvvədə saxlanılıb.

İ.Ziyadova özəl bağçalardan birinin müdirəsi olub. Bir neçə ay birlikdə çalışdığı işçiləri ilə indi məhkəmədə üz-üzə qalıb. Buna səbəb isə İlahə Ziyadovanın işə düzəltmək üçün onlardan pul alması, amma vədinə əməl etməməsidir.

Belə ki, ittihama görə, İ.Ziyadova bir neçə nəfəri bağçaya müəllimə kimi işə düzəltməyə söz verib. Bunun qarşılığında onlardan müəyyən məbləğlərdə pul da alıb. Amma bir neçə ay sonra işə götürülən şəxslər vəd edilən əmək haqlarını ala bilməyiblər. İşə düzəlmək üçün verdikləri pulu tələb edərkən isə müdirə ilə fikir ayrılığı yaşayıblar. İ.Ziyadova aldığı pulları qaytarmadığından işçiləri ondan hüquq-mühafizə orqanlarına şikayət ediblər.

Şikayətlər əsasında İ.Ziyadova barəsində cinayət işi açılıb. O, Cinayət Məcəlləsinin 311-ci (rüşvət alma) və 162-1.1-ci maddəsi ilə ittiham edilir.

Qeyd edək ki, İ.Ziyadova barəsində həbs-qətimkan tədbiri seçilməyib. O, ev dustaqlığındadır.

Ölkə.Az

ŞƏRH YAZ
0
BAĞLA