KORONAVİRUSA YOLUXANLARIN SAYI - CANLI STATİSTİKA

Balakəndə mağaza sahibinə qarşı quldurluq edən əmioğlular saxlanılıb

Balakəndə mağaza sahibinə qarşı quldurluq edən əmioğlular saxlanılıb
08:45
21.03.2020
1136
Hadisə
A
Balakən Rayon Polis Şöbəsinə rayonun Gərəkli kəndində baş verən quldurluq hadisəsi barədə məlumat daxil olub.

Bu barədə "Report"un Şimal-Qərb bürosuna Daxili İşlər Nazirliyinin Mətbuat Xidmətinin Şəki regional qrupundan məlumat verilib.

Aparılan araşdırmalarla müəyyən edilib ki, martın 17-də kənd sakini Vaqif Rüstəmova məxsus mağazaya oğurluq məqsədilə gələn 2 nəfər şəxs mağaza sahibinin orada olduğunu bildikdə onu arxadan boğaraq bıçaqla xəsarət yetirmək istəyiblər. V.Rüstəmov həmin şəxslərə qarşı müqavimət göstərdikdə onlar qaçaraq həmin ərazidən uzaqlaşıblar.

Balakən Rayon Polis Şöbəsi əməkdaşlarının keçirdikləri istintaq və əməliyyat-axtarış tədbirləri nəticəsində quldurluq cinayətini törədən şəxslərin zərərçəkmişin həmkəndliləri, əvvəllər məhkum olunmuş 23 yaşlı Abdulla Abdullayev və 27 yaşlı Orxan Abdullayev olduqları müəyyən olunub. Onlar şübhəli şəxs qismində saxlanılıb, törətdikləri cinayət əməlini etiraf ediblər.

Hər iki şəxs barəsində Balakən RPŞ-də Cinayət Məcəlləsinin müvafiq maddələri ilə cinayət işi başlanılıb, onların digər cinayət əməllərində iştiraklarının olub-olmaması araşdırılır.

Ölkə.Az

ŞƏRH YAZ
0

Qubada 57 yaşlı kişi damarlarını doğradı

Qubada 57 yaşlı kişi damarlarını doğradı
18:57
Bu gün
513
Hadisə
A
Quba rayonunda intihar faktı qeydə alınıb.

"Ölkə.Az" APA-ya istinadla xəbər verir ki, hadisə rayonun Mirzəmməd kəndində baş verib. Kənd sakini, 1963-cü il təvəllüdlü Babayev Elqar Xunbatan oğlu damarlarını doğrayaraq özünü öldürüb.

Faktla bağlı Quba Rayon Prokurorluğunda cinayət işi açılıb, araşdırmalar davam etdirilir.

ŞƏRH YAZ
0

Bakıda gənc kuryer “30 dəqiqəlik” kampaniyanın qurbanı oldu — FOTO

Bakıda gənc kuryer “30 dəqiqəlik” kampaniyanın qurbanı oldu
13:53
Bu gün
1158
Hadisə
A
Ötən gün Bakıda gənc oğlan yol qəzasında dünyasını dəyişib.

 "Ölkə.Az"ın Trend-ə istinadən məlumatına görə, hadisə ötən həftə baş verib. Yerli restoranların birində kuryer işləyən gənc oğlan öz motosikleti ilə qəzaya düşüb, aldığı xəsarətlərtdən sonra dünyasını dəyişib.

Gəncin yaxınlarının sözlərinə görə, o, restoranın qoyduğu tələblərə görə həyatını itirib. Belə ki, rəhbərliyin tapşırığına görə, hər sifarişi 30 dəqiqədən gec olmayaraq ünvana çatdırmaq lazımdır. Sifariş gecikdiyi zaman həmin kuryerin maaşından cərimə tutulur. Dünyasını dəyişən gəncin ölümünə səbəb də, sifarişi tez çatdırmaq üçün motosikleti sürətlə sürməsi olub.

ŞƏRH YAZ
0
BAĞLA