Balakəndə sel suları fəsadlar törətdi, istixanalar dağıldı

Balakəndə sel suları fəsadlar törətdi, istixanalar dağıldı
22:19
16.04.2018
1818
Hadisə
A
Balakən rayonunda Katex və Dəliçay çayları məcrasından çıxıb.

"Ölkə.Az" xəbər verir ki, bu barədə Trend-ə açıqlamasında Balakən rayon İcra Hakimiyyəti başçısının müavini Mehbarə Nuriyeva məlumat verib.

İcra başçısının müavini bildirib ki, hər iki çayda daşqınlar dağlıq ərazilərdə yağıntının miqdarının həddindən artıq olması nəticəsində baş verib: "Aprelin 15-də dağlara güclü yağış yağıb. Nəticədə hər iki çay daşıb və ətraf kəndləri su basıb. Katex və Mahamalar kəndində həyətyanı sahələri, istixanaları su basıb. Bəzi həyətlərdə istixanalarda şitillər məhv olub. Bəzilərinin tütün sahələrini su basıb. Dərhal Fövqəladə Hallar Komissiyasının əməkdaşları hadisə yerində olub və ərazilər təmizlənib. Hazırda həyətyanı sahələrdə su yoxdur".

M.Nuriyeva bildirib ki, hadisə nəticəsində həmin kəndlərə elektrik enerjisinin verilişində yaranan problem aradan qaldırılıb, kəndlər fasiləsiz enerji ilə təmin edilib.

Ölkə.Az

ŞƏRH YAZ
0

Yardımlıda kütləvi dava — İki nəfər xəstəxanalıq olub

Yardımlıda kütləvi dava
00:54
Bu gün
373
Hadisə
A
Yardımlıda baş verən kütləvi dava zamanı bıçaqlanan iki nəfər Masallı Rayon Mərkəzi Xəstəxanasına gətirilib.

“Ölkə.Az”ın “Report”a istinadən məlumatına görə, rayonun Ləzran kənd sakinləri - 1996-cı il təvəllüdlü İbrahim Zakir oğlu Mirzəyev və 1989-cu il təvəllüdlü Pərvin Rafiq oğlu İsgəndərov bıçaq xəsarətləri ilə Masallı Rayon Mərkəzi Xəstəxanasına çatdırılıblar. Yaralıların hər ikisinə qarının ön divarının kəsilmiş-deşilmiş yarası diaqnozu qoyulub. İlkin tibbi yardımlar göstərilib. Hələlik vəziyyətləri kafidir.

Qeyd edək ki, dünən Yardımlı rayonunda kütləvi dava olub. Hadisə zamanı 5 nəfərin xəsarət aldığı, onlardan bir nəfərin, Bəhruz adlı gəncin Yardımlı Rayon Mərkəzi Xəstəxanasına aparıldığı, lakin onun həyatını xilas etməyin mümkün olmadığı bildirilir. Daha iki nəfər Cəlilabad Rayon Mərkəzi Xəstəxanasına aparılıb. Hazırda 1992-ci il təvəllüdlü Teymur Əlihüseynov Cəlilabad Rayon Mərkəzi Xəstəxanasında müalicə olunur. Vəziyyəti daha ağır olan digər yaralının həmin xəstəxanadan Bakıya göndərildiyi bildirilir.

Yardımlı Rayon Polis Şöbəsindən davanın nə səbəbdən baş verdiyi və zərərçəkənlərin dəqiq sayının araşdırıldığı bildirilib. Əldə etdiyimiz məlumata görə, kütləvi davada iştirak edənlərin bir neçəsi yaxın qohumlardır. Hadisə it boğuşdurulması yarışından sonra baş verib.

Ölkə.Az

ŞƏRH YAZ
0

Qazaxda iki avtomobil toqquşub — Xəsarət alanlar var

Qazaxda iki avtomobil toqquşub
21:52
23.02.2019
1007
Hadisə
A
Qazax şəhərində bir neçə nəfərin xəsarət alması ilə nəticələnən yol qəzası baş verib.

“Ölkə.Az”ın “Report”a istinadən məlumatına görə, hadisə şəhər ərazisində qeydə alınıb.

"Mercedes-Benz" və "VAZ-21011" markalı avtomobillərin toqquşması nəticəsində "VAZ"da olan 2 nəfər - Ağstafa rayon sakinləri, 27 yaşlı Məhəmmədəli Əsgərov və 28 yaşlı Samir Kazımov xəsarət alıblar. Digər avtomobildə isə xəsarət alan olmayıb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA