Balların hesablanması qaydası dəyişəcək — DİM

Balların hesablanması qaydası dəyişəcək
10:38
20.10.2017
723
Ölkə
A
Dövlət qulluğuna qəbul üçün ilk müsabiqənin tarixi dəqiqləşib.

"Ölkə.Az" "Report"a istinadən xəbər verir ki, bu barədə Dövlət İmtahan Mərkəzinin Direktorlar Şurasının sədr müavini Bəhram Xəlilov məlumat verib. 

Onun sözlərinə görə, müsabiqə noyabr ayında keçiriləcək: "İmtahanlardan uğurla keçən namizədlərə sertifikat veriləcək. Həmin namizədlər bu sertifikatlara uyğun olaraq vakant dövlət qulluğu müsahibələrində iştirak edə biləcəklər".

B.Xəlilov qeyd edib ki, imtahanlarda açıq tipli test suallarından da istifadə ediləcək: "Bununla yanaşı, balların hesablanması qaydası dəyişəcək. "Tələbə Qəbulu üzrə Dövlət Komissiyasının və Dövlət Qulluğu Məsələləri üzrə Komissiyanın birləşdirilməsi ilə əlaqədar xeyli müddət dövlət qulluğuna qəbul üçün müsabiqə keçirilməyib. Ona görə də dövlət orqanlarında bir çox vəzifələr vakantdır" - sədr müavini əlavə edib.

ŞƏRH YAZ
0

Çaylarda sululuq səviyyəsi açıqlanıb

Çaylarda sululuq səviyyəsi açıqlanıb
13:10
Bu gün
26
Ölkə
A
Çaylarda sululuq səviyyəsi açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, Böyük Qafqazın Quba-Xaçmaz bölgəsi çaylarında sululuq ongünlük normanın 50-60, Kiçik Qafqazın çaylarında 30-70, Lənkəran-Astara çaylarında 10-40, Naxçıvan MR Naxçıvançay çayında 5 faizini təşkil edir.

Tranzit çaylarda hazırki vəziyyətə gəlincə, Kür çayının Qıraqkəsəmən məntəqəsində suyun səviyyəsində 3 sm artım müşahidə olunub. Hazırda məntəqədə su sərfi 125 m3/s olmaqla ongünlük normanın 74 faizini təşkil edir. 2017-ci ildə isə bu rəqəm 255 m3/s olmaqla ongünlük normanın 151 faizini təşkil edib.

Qanıx çayının Əyriçay məntəqəsində suyun səviyyəsində 14 sm artım müşahidə olunub. Hazırda məntəqədə su sərfi 87 m3/s olmaqla, ongünlük normanın 83 faizini təşkil edir. 2017-ci ildə isə bu göstərici 85 m3/s təşkil edərək ongünlük normanın 79 faizinə bərabər olub.

Kür çayının aşağı axınında hazırki vəziyyətə gəlincə, Kür çayının aşağı axınında suyun səviyyəsində əsasən mühüm dəyişiklik müşahidə olunmayıb. Belə ki, Kür çayının Surra məntəqəsində 1, Şirvanda 4 sm artım, Salyanda və Araz çayının Novruzlu məntəqəsində 2 sm azalma qeydə alınıb, lakin Bankədə isə suyun səviyyəsində dəyişiklik müşahidə olunmayıb.

Hazırda Surra məntəqəsində suyun səviyyəsi 339 sm (2017-ci il oktyabrın 19-da 372 sm), Şirvanda 199 sm (2017-ci il oktyabrın 19-da 249 sm), Salyanda 141 sm (2017-ci il oktyabrın 19-da 224 sm), Bankədə 167 sm (2017-ci il oktyabrın 19-da 205 sm), Araz çayının Novruzlu məntəqəsində isə 40 sm (2017-ci il oktyabrın 19-da 75 sm) təşkil edib.

Ölkə.Az

ŞƏRH YAZ
0

ƏƏSM yanında İctimai Şuranın işçi qrupunun özünüməşğulluğun təmin edilməsinə dair yığıncağı keçirilib

ƏƏSM yanında İctimai Şuranın işçi qrupunun özünüməşğulluğun təmin edilməsinə dair yığıncağı keçirilib
11:53
Bu gün
419
Ölkə
A
Azərbaycan Respublikasının Əmək və Əhalinin Sosial Müdafiəsi Nazirliyi yanında İctimai Şuranın Əmək və sosial hüquqların müdafiəsi və məşğulluq məsələləri üzrə işçi qrupun üzvlərinin Nazirliyin məşğulluq siyasəti və demoqrafiya şöbəsinin müdiri, işçi qrupla əlaqələndirici Elnur Süleymanovla görüşü keçirilib.

"Ölkə.Az"ın məlumatına görə, görüşü İctimai Şuranın sədri Umud Mirzəyev açaraq, nazirliklə vətəndaş cəmiyyəti təmsilçiləri arasında qurulmuş səmərəli əməkdaşlıq əlaqələri və xüsusən də bu görüşün əhəmiyyətini qeyd edib. Nazirlik rəsmisi öz çıxışında qeyri- rəsmi məşğulluqla mübarizədə nəzarət tədbirlərinin gücləndirilməsi, bu sahədə monitorinq, təhlillərin və maarifləndirmə işləri apararaq yeni iqtisadi və demoqrafik vəziyyətə uyğun olaraq əmək bazarında sabitliyin təmin edilməsi, özünüməşğulluq proqramının aktiv əmək proqramı olaraq, işsiz və işaxtaran şəxslərin fərdı ailə təsərrüfatlarını və gəlirgətirən sahələrini formalaşdırdığnı bildirib.Özünüməşğulluq proqramının mühüm sosial-iqtisadi əhəmiyyətliliyi eləcə də aztəminatlı ailələrin dövlətin dəstəyi ilə fərdi təsərrüfatlara sahib olmaları, onların gəlirlərini artırmaqla dövlət sosial yardım proqramından asılılığının aradan qalxması və sahibkarlığa çıxış imkanı qazanmalarına şərait yaratdığı qeyd olunub.

İctimai Şuranın üzvü, işçi qrupun koordinatoru Zaur Quliyev işçi qrupun Fəaliyyət planını təqdim edərək, nəzərdə tutulan fəaliyyətləri diqqətə çatdırmış, qarşılıqlı əməkdaşlıq şəklində fəaliyyətlərin davam etdirilməsinin zəruliyini qeyd edib. Bununla yanaşı , ƏƏSM nazirliyi yanında İctimai Şura və işçi qrupunun şəffaflığın təmin olunması məqsədilə özünü məşğulluq proqramının icrası prossesində ictimai nəzarətin həyata keçirilməsi, seçim prossesinin, maddi-məişət şəraitinin qiymətləndirilməsi, təlimlərin keçirilməsi, biznes planların müdafiəsi, mal və materialların təqdim edilməsi, verilmiş mal və materiallardan düzgün və səmərəli istifadə olunması , proqramın dayanıqlığının monitorinqinin həyata keçirilməsinin vacibliyi qeyd olunub.

Ölkə.Az

ŞƏRH YAZ
0
BAĞLA