Banka 136 milyonluq basqın

Banka 136 milyonluq basqın
16:00
14.08.2019
2414
Dünya
A
Rusiya polisi kriminal aləmin əfsanəsi "Yaponçik"in (Vyaçeslav İvankovun) qohumu olan Assiriya Lenya barədə araşdırmalara başlayıb.

 "Ölkə.Az" Rusiya mətbuatına istinadən xəbər verir ki, o, banka basqının təşkilində və 136 milyon rublun oğurlanmasında şübhəli bilinir. Qeyd edilir ki,  Assiriya hücum iştirakçılarından biri olan Kaxa adlı gürcü ilə tanış imiş. Bir vaxtlar Kaxa valyutadəyişmə məntəqələrində işləyib. O, işdə əməliyyat zamanı pulun bir hissəsini barmaqları ilə "sıxıb" müştəriləri aldadırmış. Kaxa bank müştərilərinə əlverişli məzənnə ilə söz verib, sonra isə pulları götürərək aradan çıxıb. Gürcü çox keçmədən daha böyük dövriyyəsi olan valyutadəyişməməntəqəsi və bir neçə xəngəlxana açıb. 

Ötən gün isə məlum olub ki,  hücumun təşkilatçısı Konstantin Jarovu qanunsuz valyuta konvertasiyası ilə məşğul olan Boris Karamatovla tanış edən məhz Kaxa olub. Cinayətə hazırlaşmaq üçün Karamatov həmkarından onu bank ofisinə aparmasını xahiş edib. Bu işlə bağlı iyulun 5-də Moskvadakı hərbi məhkəmə beş FSB əməkdaşını həbs edib. Daha iki nəfər ev dustaqlığına göndərilib. Məhkəmədə həbs olunanlar arasında Alfa xüsusi qrupunun üzvləri Vladimir Urusov və Roman Obolenski, habelə xüsusi xidmət orqanlarının , "K" şöbəsinin əməkdaşları Dmitriy  Çukvin, Aleksandr Karelin və Alexander Vlasov olub. Onlar 162-ci maddənin 4-cü hissəsində ("Mütəşəkkil dəstə tərəfindən törədilmiş quldurluq") cinayətdə şübhəli bilinirlər. Daha sonra bu işdə daha səkkiz yeni müttəhim meydana çıxıb.
Qeyd edək ki,   Lenya 2009-cu ildə qətlə yetirilmiş "qanuni oğru" "Yaponçik"in qohumudur. .


Müşfiq Məmmədov
 Ölkə.Az

ŞƏRH YAZ
0

Kral arvadları və uşaqlarına 19 “Rolls-Royce” və 20 BMW aldı — FOTO

Kral arvadları və uşaqlarına 19 “Rolls-Royce” və 20 BMW aldı
13:13
Bu gün
259
Dünya
A
Afrikanın ən kasıb ölkəsi sayılan Esvatininin kralı III Msvati 19 ədəd “Rolls-Royce” və 20 ədəd BMW markalı avtomobil alıb.

"Ölkə.Az" oxu.az-a istinadən xəbər verir ki, o, bu maşınları 15 arvadı, 23 uşağı və digər qohumlarına verib. 

Avtomobilləri gizlin şəkildə gecə vaxtı ölkəyə gətirməyə çalışıblar, ancaq kral ailəsinin bu istəyi ürəyində qalıb. 

Yerli müxalifət bu avtomobillərin alınması ilə bağlı məlumat paylaşaraq, insanları mitinqə çağırıblar. Müxalifət ölkədə orta aylıq əmək haqqının 128 dollar olmasına baxmayaraq, kralın 213 milyon dollar sərvətinin olmasına da etiraz edib. 

Qeyd edək ki, III Msvati 1986-cı ildən bu ölkəni idarə edir. Onun avtomobil qarajında 20-dən çox  “Mercedes-Maybach S600 Pullman” avtomobili, həmçinin BMW və “Rolls-Royce”un nadir modelləri var.

ŞƏRH YAZ
0

Çexiyada təyyarə çaya düşüb

Çexiyada təyyarə çaya düşüb
10:11
Bu gün
464
Dünya
A
Çexiyanın şimalında, Litomerjitse şəhəri yaxınlığında təkmühərrikli idman təyyarəsi qəzaya uğrayıb, pilot ölüb.

"Ölkə.Az" APA-ya istinadən xəbər verir ki, bu barədə jurnalistlərə respublika polisinin nümayəndəsi Alena Bartoşova məlumat verib.

“Yüngülmühərrikli təyyarə qəzaya uğrayaraq Elba çayına düşüb, pilot ölüb. Qəza Litomerjitse şəhərinin yaxınlığındakı Kreşitse yaşayış məntəqəsində baş verib”, - polis nümayəndəsi belə deyib.

Təyyarənin parçalanmış göyərtəsi Elba çayının dibində dalğıclar tərəfindən aşkar edilib. Sualtı axtarışlar üç saat davam edib. Qaldırıcı kranın köməyi ilə pilotun cəsədinin olduğu kabinə sahilə çıxarılıb.

Təyyarənin qəzaya uğramasının səbəbləri hələ müəyyənləşdirilməyib. Hadisənin səbəblərini araşdırmaq üçün ekspert komissiyası yaradılıb.

Ölkə.Az

ŞƏRH YAZ
1
BAĞLA