Bankdan şok fırıldaq — Manat krediti dollar çevirib

Bankdan şok fırıldaq
22:15
19.03.2017
12
Hadisə
A
Oğuz sakini 2014-cü ildə bankdan manatla kredit götürüb. Lakin 1 il sonra onu aldadaraq kreditini dollara çeviriblər. İndi də bankdan devalvasiya nəticəsində əmələ gələn əlavə məbləği borcludan tələb edir.

Ölkə.Az xezerxeber.az-a istinadən bildirir ki, aldadaraq manatla olan kreditini dollara çeviriblər. Oğuzun Top kənd sakini Turab Lətifov 2014-cü ildə bankdan 1500 manat kredit götürüb. 2015-ci ilin iyun ayında pulu ödəyə bilməyib və gecikmə yaranıb. o iddia edir ki, Bankdan onu çağıraraq bildiriblər ki, ödəniş müddətini uzadaraq aylıq məbləği azalda bilərlər.

Turab Lətifov bununla razılaşıb və yeni müqavilə bağlamaq üçün banka gedib. Onun sözlərinə görə, bankda onu aldadaraq dollarla kredit götürmək barədə müqaviləyə imza atdırıblar.

Turab Lətifov krediti tam ödəyib. İndi isə bank ikinci devalvasiyadan sonra əmələ gələn əlavə məbləği ondan tələb edir. Bu da 507 manat edir.

Ekspertlər bildirirlər ki, bankın məcburi şəkildə müştəriyə müqavilə imzalatmaq hüququ yoxdur. Turab Lətifov aldadıldığını bildiyi andan etibarən 1 il ərzində məhkəməyə müraciət edərək müqaviləni ləğv etdirə bilərdi. Lakin artıq həmin müddət bitdiyindən məhkəmədə iddi qaldırsa da, heç bir xeyri olmayacaq.

 

ŞƏRH YAZ
0

Toydan qayıdan şəxslər qəzaya düşdülər — 12 yaralı, 1 ölü + YENİLƏNİB

Toydan qayıdan şəxslər qəzaya düşdülər
22:03
21.11.2017
2420
Hadisə
A
Goranboyda baş verən yol qəzasında xəsarət alan azyaşlı dünyasını dəyişib.

Ölkə.Az-ın APA-ya istinadən verdiyi məlumata görə, rayonun Bəşirli kəndi ərazisində qeydə alınan yol qəzasında xəsarət alan 3 azyaşlı Gəncə şəhər 2 saylı Birləşmiş Uşaq xəstəxanasına yerləşdirilib. 

Tibbi yardımlara baxmayaraq, onlardan bir nəfəri, 2010-cu il təvəllüdlü Əliyev Nicat Ramil oğlu dünyasını dəyişib. 

Digər 2 azyaşlının vəziyyəti isə orta ağırdır. 

***

Ölkə.Az report.az-a istinadən bildirir ki, hadisə Bakı-Qazax avtomobil yolunun Goranboy rayonunun Dəliməmmədli şəhəri ərazisindən keçən hissəsində qeydə alınıb. 

Belə ki, toy mərasimindən çıxan "OKA", "Zaporojets" və "VAZ" markalı avtomobillər Bəşirabad-Dəliməmmədli yolunda toqquşub. Nəticədə içərisində uşaqların da olduğu 13-dən çox adam yaralanıb. Onlardan biri, Kələk kənd sakini Şəbnəm Mehmanqızı və 2 uşağın vəziyyətinin ağır olduğu bildirilir. Yaralılar Gəncə Şəhər Təcili Tibbi Yardım Xəstəxanasına aparılıb.

Qəza nəticəsində sərnişinlərdən biri, 15-16 yaşlı oğlan şok vəziyyətinə düşüb. Hazırda Goranboy Rayon Mərkəzi Xəstəxanasında onun müalicəsi davam etdirilir.

Faktla bağlı araşdırma aparılır. 

ŞƏRH YAZ
0

Lerikdə transformator yanıb

Lerikdə transformator yanıb
21:23
21.11.2017
980
Hadisə
A
Lerik rayonunda transformator yanıb.

Ölkə.Az-ın Fövqəladə Hallar Nazirliyinin mətbuat xidmətinin yaydığı məlumata görə, yaxınlıqdakı tikililər yanğından mühafizə olunub.

Yanğın yanğınsöndürənlər tərəfindən söndürülüb.

ŞƏRH YAZ
0
BAĞLA