"Banklar borclu vətəndaşların kredit ödəmələri üçün güzəştlər etməlidirlər" — Vahid Əhmədovdan ÇAĞIRIŞ

14:33
24.09.2018
6392
İqtisadiyyat
A
"Bildiyimiz kimi, bir neçə gün bundan əvvəl dollarla götürülən kreditlərlə bağlı Konstitusiya Məhkəməsinin iclası keçirilib. Qərara əsasən, manatın xarici valyutalara nisbətdə məzənnəsinin dəyişməsinin tərəflər üçün gözlənilməz hesab edilmədiyi və borc alanın krediti xarici valyutada götürməklə maliyyə riskini öz üzərinə götürdüyü nəzərə alınaraq, məzənnəsinin dəyişməsinin şəraitin əhəmiyyətli dərəcədə dəyişməsi kimi qiymətləndirilə bilməz qərarı verilib. Bu isə o deməkdir ki, vətəndaşlar xarici valyuta ilə götürdükləri kreditləri dəyişən məzənnəyə uyğun qaydada ödəməlidirlər”.

"Ölkə.Az" xəbər verir ki, bu fikirləri Milli Məclisin İqtisadi siyasət, sənaye və sahibkarlıq komitəsinin bugünkü iclasında çıxış edən deputat Vahid Əhmədov Konstitusiya Məhkəməsinin xarici valyuta ilə götürülmüş kreditlərin qaytarılması qaydası haqqında qərarını şərh edərkən deyib.

Deputat bildirib ki, dəfələrlə problemli kreditlərlə bağlı Milli Məclisdə məsələ qalıdırıb:

"Hətta həmkarım Əli Məsimli ilə biz təkliflər hazırlayıb, hökumətə təqdim etmişik. Bu, çox ciddi məsələdir. İnsanları narahat edir. Manatın iki dəfə devalvasiyaya uğraması xarici valyutada kredit borcu olan insanların vəziyyətini çətinləşdirib. Bununla əlaqədar mənə vətəndaşlardan minlərlə müraciət daxil olub və onlara kömək etməyə çalışıram. Hesab edirəm ki, burada banklar da müəyyən addımlar atmalı və borclu vətəndaşların kreditləri ödəmələri üçün mümkün güzəştləri etməlidirlər. Bu məsələ əhalini narahat edir. Hesab edirəm ki, bu məsələni gündəmə gətirməyin vaxtı gəlib çatıb. Əlbəttə problemli kreditlərlə bağlı məsələni mən Milli Məclisin plenar iclasında da qaldıracam. Sizdən də xahiş edirəm ki, bu məsələlərlə əlaqədar müəyyən işlər görülsün”.

Zaur Əziz
Ölkə.Az

ŞƏRH YAZ
0

"Dəmiryolu ilə Bakıdan Qəbələyə 3 saata çatmaq mümkün olacaq" — Cavid Qurbanov

21:29
26.05.2019
689
İqtisadiyyat
A
"Dəmiryolu ilə Bakıdan Qəbələyə 3 saata çatmaq mümkün olacaq".

"Ölkə.Az" bildirir ki, bunu "Azərbaycan Dəmir Yolları" QSC-nin sədri Cavid Qurbanov deyib.

O bildirib ki, Qəbələ istiqamətində olan dəmiryolu təqribən 45-46 km-dir. QSC sədri yolun coğrafi mövqeyinin bir qədər çətin olduğunu deyib:

"Həmin yolda sürüşmələr ola bilər. Belə ki, dəmiryolu məsləhətçi firmaların nəzarəti altında tikilir. Yolun bu ilin sonuna qədər torpaq yatağı bitəcək. Çalışırıq ki, yol və yol yatağını bitirək. Sürət orta hesabla 100 km olsa, 3 saat ərzində Bakıdan Qəbələyə getmək mümkündür".

Xatırladaq ki, C.Qurbanov bir müddət əvvəl gələn ilin yay aylarından sərnişinlərin Bakıdan Qəbələyə sürət qatarı ilə gedə biləcəklərini qeyd etmişdi. O, həmçinin əlavə etmişdi ki, bu istiqamətdə əlavə 11 elektrik qatarı, 3 dizel qatarının alınması vacibdir.

Ölkə.Az

ŞƏRH YAZ
0

“Azərişıq” Pis hava şəraiti ilə əlaqədar qabaqlayıcı tədbirlərə başlayıb

“Azərişıq”  Pis hava şəraiti ilə əlaqədar qabaqlayıcı tədbirlərə başlayıb
20:29
25.05.2019
3521
İqtisadiyyat
A
Şimal regionunda hava şəraitinin kəskin dəyişilməsini nəzərə alaraq mayın 25-də axşam saatlarında baş verə biləcək hadisələrin qarşısının alınması məqsədi ilə “Azərişıq” ASC-də qabaqlayıcı və zəruri tədbirlər görülür.

"Ölkə.Az “ xəbər verir ki, bunu Azərişıq” ASC-nin mətbuat xidmətinin rəhbəri Tanrıverdi Mustafayev deyib.

Onun sözlərinə görə, elektrik şəbəkələrinin normal iş rejiminin təmin olunması məqsədilə Quba, Qusar və Xaçmaz rayonlarında regional enerji təchizatı idarələri, şəhər-rayon elektrik şəbəkələri üzrə təsis edilmiş növbətçilik üzərində nəzarət gücləndirilib, “Azərişıq” tərəfindən qabaqlayıcı tədbirlər görülür.

“Texniki Departamentə tabe olan xidmət sahələrində və avtonəqliyyat idarəsində növbətçilik təşkil edilərək zəruri olan mal-materialların ehtiyatı yaradılıb. Hazırda ölkə boyu istehlakçılar fasiləsiz və keyfiyyətli elektrik enerjisi ilə təchiz olunurlar. Gecə saatlarında bəzi yerlərdə baş verən qəzaların nəticələri operativ aradan qaldırılır. Güclü küləyin təsiri nəticəsində fərdi qaydada belə hər hansı problemlər yaranarsa, istehlakçılardan 199 Çağrı Mərkəzinə zəng etmələri xahiş olunur. Daxil olan müraciətlərə əsasən harada problem yaranarsa, “Azərişıq” ASC-nin əməkdaşları bu problemi operativ qaydada aradan qaldırmağa tam hazırdır", - deyə qurum rəsmisi qeyd edib.

Ölkə.Az

ŞƏRH YAZ
0
BAĞLA