Banklar dolları ucuzlaşdırdı — SİYAHI

Banklar dolları ucuzlaşdırdı
11:06
17.04.2017
153
İqtisadiyyat
A
Bu gün dünən ilə müqayisədə bəzi banklar dolların alış və satış qiymətini ucuzlaşdırdığı müşahidə olunur.

"Ölkə.Az" Fins.az-a istinadən xəbər verir ki, hazırda ABŞ valyutasının ən sərfəli alış qiyməti 1,6800 manata, satışı isə 1,6850 manata bərabərdir.

Belə ki, dünən axşam saatları ilə müqayisədə dolları ucuzlaşdıran banklar arasında “Amrahbank”, “Bank Respublika”, “Yapı Kredi Bank Azərbaycan”, “AGBank” və s. var.

“Amrahbank” dolların alışını 1,6700 manatdan 1,6600 manata, satışını 1,6950 manatdan 1,6850 manatadək ucuzlaşdırıb;

“Bank Respublika” dolların satış qiymətini 1,7100 manatdan 1,7050 manatadək ucuzlaşdırıb;

“Yapı Kredi Bank Azərbaycan” dolların alış qiymətini ucuzlaşdırıb: 1,6850 manatdan 1,6750 manatadək;

“AGBank” dolların satış qiymətini 1,7200 manatdan 1,7150 manatadək ucuzlaşdırıb.

Buna baxmayaraq, məzənnəni bahalaşdıran banklara da rast gəldik: “Bank Avrasiya” dünən axşam dolları 1,7000 manata satırdısa, bu səhər artıq 1,7100 manata satır. 

“Bank Silk Vey” isə dolların alışını 2,5 qəpik bahalaşdırıb: 1,6550 manatdan 1,6800 manatadək.

Ölkə.Az

ŞƏRH YAZ
0

Serbiya prezidenti Azərbaycan iş adamlarına çağırış etdi

Serbiya prezidenti Azərbaycan iş adamlarına çağırış etdi
14:04
Bu gün
131
İqtisadiyyat
A
"Azərbaycanla Serbiya arasında iqtisadi əlaqələr qənaətbəxş deyil".

"Ölkə.Az" "APA-Economics"ə istinadən xəbər verir ki, bunu Serbiya prezidenti Aleksandr Vuçiç Azərbaycan-Serbiya işgüzar forumunda çıxışı zamanı bildirib.

A.Vuçiçin sözlərinə görə, iki ölkə arasında iqtisadi əlaqələr siyasi münasibətlər kimi daha yüksək səviyyədə olmalıdır.

"Bunu şərtləndirən bir çox amillər var. Dünən Azərbaycanla Serbiya arasında strateji əməkdaşlıqla bağlı bir neçə sahədə müqavilə imzalandı. Ümid edirəm bu, bizim ölkələr arasında qarşılıqlı münasibətlərin inkişafına töhfə verəcək",- deyə A.Vuçiç qeyd edib.

Son 3 il ərzində Serbiyanın büdcəsinin profisitlə icra olunduğunu vurğulayan prezident bu il ölkə vətəndaşlarının əmək haqlarının artırıldığını da qeyd edib.

Serbiya prezidenti Azərbaycan iş adamlarını ölkəsinə investisiya qoymağa çağırıb və ölkəsinə investisiya yatıran sərmayədarlara ayrıca güzəştlər ediləcəyini vurğulayıb.

"Serbiyada istənilən sahəyə investisiya yatıra bilərsiniz. İnvestisiyanın həcminə görə, investorlara 15-20% güzəşt ediləcək.  Azərbaycanlı iş adamlarını daşınmaz əmlak, otel biznesi və s. investisiya qoymağa çağırıram. Sərmayədarlara dövlət tərəfindən vergi güzəştləri ediləcək, subsidiyalar veriləcək",- deyə Serbiya prezidenti əlavə edib.

ŞƏRH YAZ
0

Bugünkü valyuta hərracının nəticəsi açıqlandı

Bugünkü valyuta hərracının nəticəsi açıqlandı
13:12
Bu gün
575
İqtisadiyyat
A
Bu gün Azərbaycan Mərkəzi Bankında (AMB) Dövlət Neft Fondunun da iştirakı ilə hərrac keçirilib.

AMB-dən "Ölkə.Az"a verilən məlumata görə, hərracda manatın ortaçəkili məzənnəsi 1,7000 səviyyəsində formalaşıb.

Qeyd edək ki, AMB bu gün üçün USD/AZN rəsmi məzənnəsini 1,7000 səviyyəsində müəyyən edib.

ŞƏRH YAZ
0
BAĞLA