Banklar güzəştli ipoteka kreditlərini dayandırıb

Banklar güzəştli ipoteka kreditlərini dayandırıb
19:17
19.06.2017
55
İqtisadiyyat
A
İpoteka Fonduna müvəkkil kredit təşkilatlarında güzəştli ipoteka kreditlərinin verilməsi üzrə limit bitib.

"Ölkə.Az" fonda istinadən xəbər verir ki, 24 müvəkkil kredit təşkilatından hazırda heç biri güzəştli ipoteka krediti ayırmır.

Adi ipoteka kreditlərinə gəlincə, 22 bankda ipoteka krediti aktivdir. 

Onu da nəzərə çatdıraq ki, banklar kredit almaq üçün ailənin hər bir üzvünə düşən yaşayış minimumunun məbləğini artırıb. Belə ki, yaşayış minimumu 155-200 manat arasında müəyyən edilib. 

Nəzərə çatdıraq ki, 2017-ci il üçün yaşayış minimumu ölkə üzrə 155 manat təsdiqlənib. 

Bu arada, ötən il yaşayış minimumu ölkə üzrə 136 manat təşkil edirdi. Həmin ərəfədə də banklar kredit almaq üçün ailənin hər bir üzvünə düşən yaşayış minimumunun məbləğini 136-200 manat hesablayırdılar. 

Məlumat üçün bildirək ki, bu ilin əvvəlindən dövlət büdcəsindən İpoteka Fonduna (AİF) 16,6 milyon manat vəsait ayrılıb. 

İlin 4 ayında isə banklar tərəfindən 16,1 milyon manat ipoteka krediti təqdim olunub. AİF-in yerləşdirilmiş istiqrazlarının həcmi 25,0 milyon manat təşkil edib. 

Müvəkkil Kredit Təşkilatları tərəfindən ayrılan kreditlərin həcmi 42187,6 milyon manat olub. Bu da ötən ilin müvafiq dövrü ilə müqayisədə 1304,5 milyon manat artım deməkdir. 

ŞƏRH YAZ
0

Cari ildə tütün məmulatlarının istehsalı 2,8 dəfə artıb

Cari ildə tütün məmulatlarının istehsalı 2,8 dəfə artıb
01:04
Bu gün
345
İqtisadiyyat
A
Ötən ilin yanvar-mart ayları ilə müqayisədə cari ilin ilk rübündə tütün məmulatlarının istehsalında 2,8 dəfə artım, içki istehsalında 3,1 faiz, qida məhsullarının istehsalında isə 7,2 faiz azalma müşahidə olunub.

"Ölkə.Az" xəbər verir ki, Dövlət Statistika Komitəsindən Azərtaac-a bildirilib ki, bu sahələrin əsas məhsullarından olan kolbasa məmulatlarının istehsalı 7,5 faiz, cem və marmeladların istehsalı 2,9 faiz, brendi (konyak) istehsalı 3,1 dəfə, üzüm şərabı istehsalı 8,5 faiz, alkoqolsuz içkilərin istehsalı 7,5 faiz artıb, bununla yanaşı, duru bitki yağlarının istehsalı 24,5 faiz, qənd və şəkər tozunun istehsalı isə 90,7 faiz azalıb.

Ölkə.Az

ŞƏRH YAZ
0

Neft 74 dollar həddini keçdi

Neft 74 dollar həddini keçdi
00:37
Bu gün
360
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti aprelin 18-də 74,61 dollar/barel təşkil edib ki, bu da çərşənbə axşamına olan göstəricidən 1,55 dollar/barel çoxdur.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti aprelin 18-də 74,04 dollar/barel təşkil edib ki, bu da əvvəlki qiymətdən 1,54 dollar/barel çoxdur.

Novorossiysk limanından yüklənən URALS neftinin qiyməti aprelin 18-də 69,63 dollar/barel təşkil edib ki, bu da əvvəlki qiymətdən 1,69 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə aprelin 18-də 73,42 dollar/barel təşkil edib. Bu, əvvəlki qiymətdən 1,57 dollar/barel çoxdur.

Ölkə.Az

ŞƏRH YAZ
0
BAĞLA