Bankların kapitalının adekvatlıq əmsalı dəyişdirilə bilər

Bankların kapitalının adekvatlıq əmsalı dəyişdirilə bilər
17:30
09.02.2018
980
İqtisadiyyat
A
"Yeni risklərlə ölçülmüş aktivlərin hesablanması qaydasında adekvatlıq əmsalına qarşı olan tələbin dəyişdirilməsi ilə bağlı müzakirələr gedir".

"Ölkə.Az"ın “APA-Economics”ə istinadən məlumatına görə, bunu Azərbaycan Banklar Assosiasiyasının sədri Zakir Nuriyev bildirib. Onun sözlərinə görə, bununla bağlı yeni qaydalar işlənir.

"Hazırda Banklar Assosiasiyası bununla bağlı öz təkliflərini maliyyə Bazarlarına Nəzarət Palatasına təqdim edib. İndi Palata ilə Assosiasiya arasında danışıqlar aparılır. Bunlar bir borcalana qarşı, risk dərəcəsi üzrə ölçülmüş aktivlərlə, valyuta rejimi və aktivlərin təsnifləşdirilməsi ilə bağlı qaydalarda dəyişdirilməsi üzrə təkliflər yer alıb", - deyə Z.Nuriyev vurğulayıb. 

Onun sözlərinə görə, kapitalın adekvatlıq əmsalının artırılması nəzərdə tutulur.

Z.Nuriyev qeyd edib ki, kapitalın adekvatlıq əmsalının artırılıb-artırılmayacağı ilə bağlı son qərarı Maliyyə Bazarlarına Nəzarət Palatası verəcək.  

Qeyd edək ki, kapitalın adekvatlıq əmsalı bank kapitalının riskli aktivlərə olan nisbəti kimi ifadə edilir.

ŞƏRH YAZ
0

Azərbaycan ötən il 7,9 mlrd. kubmetr qaz ixrac edib

Azərbaycan ötən il 7,9 mlrd. kubmetr qaz ixrac edib
20:00
Bu gün
115
İqtisadiyyat
A
2018-ci il ərzində Azərbaycan 7,9 mlrd. kubmetrdən çox təbii qaz ixrac edib.

"Ölkə.Az"ın Dövlət Gömrük Komitəsinin statistikasına əsasən verdiyi xəbərə görə, bu miqdarda təbii qazın dəyəri 1,499 mlrd. ABŞ dollarından çox olub.

Ötən il təbii qaz ixracının Azərbaycanın ümumi ixracında payı 7,71% təşkil edib.

2018-ci ildə ixrac edilən təbii qazın miqdarı 2017-ci ildən 4,7%, dəyəri isə 25,5% çox olub.

Ölkə.Az

ŞƏRH YAZ
0

Azərbaycan avtomobil idxalını artırıb

Azərbaycan avtomobil idxalını artırıb
19:32
Bu gün
224
İqtisadiyyat
A
2018-ci ildə Azərbaycana xaricdən 28 876 ədəd avtomobil gətirilib.

Dövlət Gömrük Komitəsindən (DGK) "Ölkə.Az"a verilən məlumata görə, bu, 2017-ci illə müqayisədə 15 778 ədəd və yaxud 2,2 dəfə çoxdur.

Ölkəyə gətirilən avtomobillərin 297 ədədi və yaxud 1%-i sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 26 147 ədədi və yaxud 90,5%-i, əsasən, adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 2 300 ədədi və yaxud 8%-i yük daşımaq üçün motorlu nəqliyyat vasitələri, 132 ədədi və yaxud 0,5%-i isə xüsusi təyinatlı motorlu nəqliyyat vasitələridir.

Ötən il ərzində 2017-ci ilin 12 ayına nisbətən sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələrinin sayı 110 ədəd və yaxud 58,8%, əsasən, adamların daşınması üçün nəzərdə tutulmuş minik avtomobilləri və digər motorlu nəqliyyat vasitələrinin sayı 14 537 ədəd və yaxud 2,25 dəfə, yük daşımaq üçün motorlu nəqliyyat vasitələrinin sayı 1 073 ədəd və yaxud 87,45%, xüsusi təyinatlı motorlu nəqliyyat vasitələrinin sayı isə 58 ədəd və yaxud 78,4% artıb.

Ölkə.Az

ŞƏRH YAZ
0
BAĞLA