KORONAVİRUSA YOLUXANLARIN SAYI - CANLI STATİSTİKA

"Barselona" koronavirusa görə 120 milyon avro itirib

07:53
06.05.2020
1411
İdman
A
Koronavirus pandemiyasının "Barselona" klubuna vurduğu ziyanın məbləği müəyyənləşib.

"Ölkə.Az" apasport.az-a istinadən xəbər verir ki, bu barədə klubun vitse-prezidenti Xordi Kardoner bildirib.

Onun sözlərinə görə, Kataloniya təmsilçisinin ziyanı 110-120 milyon avrodur. Matçlara və klubun muzeyinə bilet satışının olmamasından təxminən 50 milyon, televiziya yayımına görə 39 milyon, potensial kommersiya gəlirlərindən isə 20-25 milyon itirilib.

Qeyd edək ki, İspaniya La Liqasında mübarizə XXVII turdan sonra dayandırılıb. "Barselona" hazırda 58 xalla turnir cədvəlinə başçılıq edir.

Ölkə.Az

ŞƏRH YAZ
0

Daha bir ölkədə azarkeşlərin stadiona girişinə icazə verildi

Daha bir ölkədə azarkeşlərin stadiona girişinə icazə verildi
00:01
Bu gün
368
İdman
A
İyunun 5-də bərpa olunacaq futbol üzrə Bolqarıstan çempionatında azarkeşlərin stadionlara girişinə qadağa qoyulmayacaq.

"Ölkə.Az" report-a istinadən xəbər verir ki, ölkənin Səhiyyə Nazirliyi tərəfdarların matçları tribunadan izləməsinə icazə verib.

Nazirliyin açıqlamasında bildirilib ki, tribunaların 30 faizdən çox hissəsi dolmamalıdır. Bu qərar birinci və ikinci liqanın oyunlarına şamil olunacaq.

Daha əvvəl Rusiya Futbol İttifaqı Premyer Liqanın azarkeşlərin iştirakı ilə bərpa olunacağını açıqlayıb.

Qeyd edək ki, Bolqarıstanda yerli liqalar martın 13-də koronavirus pandemiyası səbəbindən dayandırılıb. Cari mövsüm iyulun 11-də başa çatacaq.

Ölkə.Az

ŞƏRH YAZ
0

Fransalı futbolçudan ABŞ-dakı irqçiliyə etiraz — VİDEO

Fransalı futbolçudan ABŞ-dakı irqçiliyə etiraz
07:11
01.06.2020
825
İdman
A
Almaniyanın "Borussiya" (Münhenqladbax) klubunun futbolçusu Markus Tyuram ABŞ-ın Minnesota ştatının Minneapolis şəhərində afroamerikalı Corc Floydun ölümü ilə əlaqədar keçirilən aksiyaya dəstək nümayiş etdirib.

"Ölkə.Az"ın məlumatına görə, fransalı hücumçu Bundesliqanın XXIX turunun "Union Berlin"lə ev qarşılaşmasının (4:1) 41-ci dəqiqəsində özünün ilk qolunu vurduqdan sonra diz çökərək irqçiliyə və polis vəhşiliyinə etirazını bildirib.

Dünən isə "Şalke"nin amerikalı yarımmüdafiəçisi Ueston Makkenni "Verder"lə matça (0:1) üzərində "Corc üçün ədalət" sözləri yazılmış sarğı ilə çıxıb.

Qeyd edək ki, "Union Berlin"lə görüşdə dubl edən M.Tyuram digər qolu isə 59-cu dəqiqədə rəqib qapısından keçirib. O, fransalı məşhur futbolçu Lilian Tyuramın oğludur.

Xatırladaq ki, mayın 25-də internetdə Corc Floydun saxta əskinaslarla ödəniş etdiyi şübhəsi ilə saxlanılması anının videogörüntüsü yayılıb. Ağdərili polis afroamerikalının qoluna qandal vuraraq onu yerə yıxıb və ardından dizi ilə boynunu sıxıb.

Videoda Floydun nəfəs ala bilmədiyinə görə qışqırması, ancaq polisin buna əhəmiyyət vermədiyi görünür.

Bu hadisədən qısa müddət sonra saxlanılan şəxs xəstəxanada ölüb.

ŞƏRH YAZ
0
BAĞLA