Barselona terrorunda şübhəli bilinən 4 şəxs məhkəməyə çıxarıldı
"Ölkə.Az" xəbər verir ki, Driss Ukabir, Məhəmməd Alla, Salih əl Karin və Məhəmməd Xuli Kamal İspaniya hüquq mühafizə orqanları tərəfindən məhkəmə binasına çatdırılıb. Bu gün onlar hakim Fernando Andreu qarşısına çıxarılacaqlar. İspaniya polisi məhkəmə binası ətrafında təhlükəsizlik tədbirlərini gücləndirib.
Hüquq-mühafizə orqanlarının məlumatına əsasən terror aktını törədən qruplaşma 12 nəfərdən ibarətdir. Onlardan 4-ü həbs edilib. 5 nəfər Kambrilsdəki terror aktından sonra zərərsizləşdirilib. Alkanardakı ev partladılmadan əvvəl terrorçular bomba hazırlayanda imam Abdelbaki əs-Sati-terror aktlarının əsas təşkilatçısı və digər terrorçu ölüb.
Barselonada kütlənin üzərinə maşın sürən 22 yaşlı Yunus Abuyakub 21 avqust tarixində zərərsizləşdirilib.
Hikmət Həsənov
Ölkə.Az
