"Barselona" və "Mançester Siti" ÇL-lə vidalaşdı

01:16
11.04.2018
2170
İdman
A
Futbol üzrə Çempionlar Liqasında ilk 2 yarımfinalçı müəyyənləşib.

"Ölkə.Az"ın məlumatına görə, 1/4 final mərhələsinin cavab görüşləri baş məşqçi Xosep Qvardiolanın hazırkı və keçmiş komandaları üçün ağır sonluqla yekunlaşıb.

İngiltərənin "Mançester Siti" klubu ilk görüşdə 0:3 hesabı ilə uduzduğu "Liverpul"a cavab qarşılaşmasında da yenilib. Hesabı "şəhərlilər" hələ 2-ci dəqiqədə Qabriel Jezusun qolu ilə açsalar da, fasilədən sonra qapılarında 2 qol görüblər. 56-cı dəqiqədə Məhəmməd Salah, 77-ci dəqiqədə isə Roberto Firmino fərqlənib. Bununla da "Liverpul" yarımfinala yüksəlib.

İspaniya "Barselona"sı isə ilk görüşdə 4:1 hesabı ilə yendiyi "Roma"ya İtaliyada 0:3 hesabı ilə yenilib. Paytaxt təmsilçisi 6-cı dəqiqədə Edin Cekonun qolu ilə hesabı açıb. 57-ci dəqiqədə Daniele De Rossi penaltidən fərqi artırıb. Oyunda son nöqtəni isə 82-ci dəqiqədə Kostas Manolas qoyub.

Bununla da "Roma" səfər qolu sayəsində mərhələ adlayıb.

Daha 2 yarımfinalçının adına isə bu gün keçiriləcək "Real Madrid" (İspaniya) - "Yuventus" (İtaliya) və "Bavariya" (Almaniya) - "Sevilya" (İspaniya) matçlarından sonra aydınlıq gələcək.

Ölkə.Az

ŞƏRH YAZ
0

PSJ-dən 9 cavabsız qol — VİDEO

PSJ-dən 9 cavabsız qol
11:05
Bu gün
228
İdman
A
Fransa Liqasının növbəti oyunlarına start verilib.

“Ölkə.Az” xəbər verir ki, PSJ öz meydanında "Qenqam"la qarşılaşıb və rəqibini 9-0 hesabı ilə darmadağın edib.

PSJ 9-0 "Qenqam"

Qollar: Neymar, 11, Mbappe,  37, 45, Kavani, 59, 66, Neymar,  68, Kavani, 75,  Mbappe,  80,  Menye, 83

Qeyd edək ki, qələbə nəticəsində PSJ ilk pillədəki (53 xal) yerini möhkəmlədib. "Lill" 40 xalla 2-ci, "Sent-Etyen" 36 xalla 3-cüdür.

Ölkə.Az

ŞƏRH YAZ
0

“Liverpul”-“Kristal Palas” matçında 7 qol vurulub — VİDEO

“Liverpul”-“Kristal Palas” matçında 7 qol vurulub
23:30
19.01.2019
629
İdman
A
İngiltərə Premyer Liqasında 23-ci turun “Liverpul”-“Kristal Palas” oyunu baş tutub.

"Ölkə.Az" xəbər verir ki, 34-ci dəqiqədə Tovnsendin qolu ilə qonaq komanda önə keçib. Oyunun birinci yarısında başqa qol qeydə alınmayıb.

İkinci hissə başlayan kimi, 46-cı dəqiqədə Mohammed Salah komandasının bərabərlik qolunu vurub. 53-ci dəqiqədə Firmino oyunu “Liverpul”un lehinə çevirib.

65-ci dəqiqədə Tomkinsin vurduğu qolla qonaqlar hesabı bərabərləşdirib. Oyunun 75-ci dəqiqəsində Salah qonaq komandanın qapıçısının səhvindən sonra yenidən komandasını önə  keçirib.

89-cu dəqiqədə Ceyms Milnerin qırmızı vərəqə alması ilə “Liverpul” azlıqda qalıb.

Oyunun 90+3-cü dəqiqəsində Mane hesab arasındakı fərqi ikiyə çatdırıb.

Bu da son olmayıb, oyunun 90+5-ci dəqiqəsində Meyer meydan sahiblərinin qapısına yol tapıb.

Bununla da, “Liverpul” 4-3 hesabı ilə qalib gəlib.

Xatırladaq ki, Premyer liqaya hazırda 60 xalla "Liverpul" liderlik edir.

Ölkə.Az

ŞƏRH YAZ
0
BAĞLA