Baş həkimin işdən çıxardığı tibb işçisi məhkəməyə müraciət etdi
Həmin videoda Uşaq Ağciyər Vərəmi şöbəsinin həkimi, tibb elmləri namizədi Səbinə Məmmədova institutun direktoru Həqiqət Qədirovaya etiraz edib.
“Ölkə.Az”-ın məlumatına görə, video yayılandan sonra – yanvarın 13-də Səbinə Məmmədova işdən azad edilib. Bu haqda əmrdə yazılıb ki, S.Məmmədova əmək funksiyasını pozub.
Həkim işə bərpa tələbi ilə məhkəməyə müraciət edib. İddia ərizəsi artıq Nizami Rayon Məhkəməsinə təqdim olunub.
S.Məmmədova xəstələrdən birinin “vəziyyətinin ağırlaşmasının səbəbini araşdırmamaqda, vərəm aşkar olunmasını nəzərə almadan, onu təsiri olmayan dərmanlarla müalicə etməkdə” günahlandırılır.
S.Məmmədova isə həmin uşağın onun xəstəsi olmadığını deyib.
Həkimin sözlərinə görə, sözügedən xəstə haqda söylədiklərini uşağın valideyni də yazılı izahatında təsdiqləyib.
