Baş məşqçi futbolçusuna “kəllə atdı” — VİDEO

Baş məşqçi futbolçusuna “kəllə atdı”
22:00
18.06.2017
81
İdman
A
İspaniyanın 2-ci liqasında “Xetafe” və “Hueska” arasında baş tutan “pley-off” matçında qəribə hadisə baş verib.

Oyunun 60-cı dəqiqəsində “Hueska”nın yarımmüdafiəçisi Deyvid Lopez əvəzlənib.

O, meydanın kənarına gələrkən baş məşqçi Xuan Antonio Angelaya əsəbiləşib və yerdəki su qabına təpik atıb. Baş məşqçi də buna əvəz olaraq oyunçunun üzərinə yürüyərək ona “kəllə atıb”.

Ehtiyat skamyadakı oyunçular Lopezi çətinliklə tuta biliblər.

Qeyd edək ki, matçı 3-0 qazanan “Xetafe” “pley-off”da finala yüksəlib. (Qafqazinfo)

Ölkə.Az

 

ŞƏRH YAZ
0

Formula 1 Azərbaycan Qran-Prisinə hazırlıq işlərinin 90 faizi başa çatıb

Formula 1 Azərbaycan Qran-Prisinə hazırlıq işlərinin 90 faizi başa çatıb
00:11
Bu gün
181
İdman
A
Formula 1 Azərbaycan Qran-Prisinə hazırlıq işlərinin 90 faizi başa çatıb. Pit və komanda binaları, eləcə də qarajlar yarışa tam hazırdır.

"Ölkə.Az" Azərtac-a istinadən xəbər verir ki, bu sözləri aprelin 20-də “Bakı Şəhər Halqası” Əməliyyat Şirkətinin (BŞH) yarış obyektinin tikintisi üzrə rəhbəri Tom Butçer jurnalistlərə müsahibəsində deyib.

O bildirib ki, tribunalarla bağlı işlərin 95 faizi yekunlaşıb. Qalan işlər də növbəti günlərdə tamamlanacaq. Bizi bir həftə sonra çox gözəl yarış gözləyir və hamı Bakı küçələrində sürücülərin mübarizəsinə şahid olacaq. Ötən il olduğu kimi, trekin düşdüyü mərkəzi küçələr nəqliyyatın hərəkəti üçün bağlanacaq.

T.Butçer qeyd edib ki, dəniz və hava yolu ilə gələn bütün yüklər artıq Bakıya çatıb. Gələn həftənin əvvəlində Beynəlxalq Avtomobil Federasiyasının rəsmiləri Bakı trekinə baş çəkib, inspeksiya işlərini həyata keçirəcəklər. Bakı treki standartlara uyğundur və yağışlı, eyni zamanda, küləkli hava şəraitinə hazırdır.

Qeyd edək ki, Formula 1 Azərbaycan Qran-Prisi aprelin 27-29-da keçiriləcək.

Ölkə.Az

ŞƏRH YAZ
0

Bakıda "Formula-1"lə bağlı iki xəstəxana ayrıldı

Bakıda
15:30
20.04.2018
173
İdman
A
Səhiyyə naziri Oqtay Şirəliyev 27 – 29 apreldə “Formula-1 Azərbaycan Qran Prisi”ndə tədbirin iştirakçılarına və qonaqlara tibbi yardımı təmin etmək məqsədilə əmr imzalayıb.

Nazirlikdən "Ölkə.Az"a bildirilib ki,  əmrə əsasən, ehtiyac olduğu halda idmançıların və qonaqların hospitalizasiyası Mərkəzi Neftçilər Xəstəxanasında və Bakı şəhər Kliniki Tibbi Mərkəzdə təşkil ediləcək.

Respublika Gigiyena və Epidemiologiya Mərkəzinə nümayəndə heyətləri üçün ayrılmış mehmanxanalarda və iaşə müəssisələrində sanitariya-gigiyena qaydalarına əməl olunması ciddi nəzarət etmək tapşırılıb.  

ŞƏRH YAZ
1
BAĞLA