Baş Nazirin müavini: — "Azərbaycanda söz və mətbuat azadlığı tam təmin olunur"

Baş Nazirin müavini:
12:47
22.07.2019
950
Siyasət
A
"Azərbaycanda söz və mətbuat azadlığı tam təmin olunur. Ölkədə mətbuatın sərbəst fəaliyyəti üçün heç bir maneə yoxdur"

"Ölkə.Az" xəbər verir ki, Baş Nazirin müavini, hakim Yeni Azərbaycan Partiyasının (YAP) sədrinin müavini-icra katibi Əli Əhmədov YAP-da jurnalistləri mükafatlandırma mərasimində deyib.

Ə.Əhmədov qeyd edib ki, bu gün sosial şəbəkələr də informasiya vasitəsinə çevrilib: "Bu, informasiyanın operativ çatdırılması baxımından böyük əhəmiyyət daşıyır. Lakin bu zaman məsuliyuət məsələsi meydana çıxır. Belə ki, doğru xəbərlərlə yanaşı, yanlış informasiyalar da bu vasitə ilə yayılır. Sosial şəbəkələrdə süi-istifadə hallarına da rast gəlinir. Bu isə cəmiyyətə çaşqınlıq, narahatlıq yarada bilər".

Əli Əhmədov bildirib ki, zaman keçdikcə bu problem də aradan qalxacaq.

"Azərbaycan müasir cəmiyyət kimi söz və mətbuat azadlığına təminat verir. Azərbaycan cəmiyyəti inkişaf edir, müasirləşir, təkmilləşir. Bu inkişafa mətbuatı da daxil etmək olar. İnsanların həyat tərzinin daha da yaxşılaşdırılnası ilə bağlı müxtəli tədbirlər görülür. Bu baxımdan Prezident İlham Əliyev tərəfindən son zamanlar verilən sərəncamlar xüsusi əhəmiyyət daşıyır. Bütün bunlar mətbuatımızın diqqət mərkəzindədir".

Ölkə.Az

ŞƏRH YAZ
0

Azərbaycan XİN Ukrayna xalqına başsağlığı verib

Azərbaycan XİN Ukrayna xalqına başsağlığı verib
16:30
Bu gün
512
Siyasət
A
Azərbaycan Xarici İşlər Nazirliyi Ukraynanın Odessa şəhər kollecində baş verən yanğın zamanı həyatını itirənlərin ailələrinə başsağlığı verib.

"Ölkə.Az" bildirir ki, Azərbaycan XİN bu barədə özünün “Twitter” səhifəsində məlumat yayıb:

“Dekabrın 5-də Odessa şəhər kollecində baş verən yanğınla əlaqədar Ukraynada milli matəm günü elan olunub. Biz yanğında həyatını itirənlərin ailələrinə və Ukrayna xalqına dərin hüznlə başsağlığı verir, yaralananların tezliklə sağalmasını diləyirik”.

ŞƏRH YAZ
0

11 ölkə nasizmi pisləyən birgə bəyanat yaydı — Aralarında Azərbaycan da var

11 ölkə nasizmi pisləyən birgə bəyanat yaydı
03:11
Bu gün
1332
Siyasət
A
Azərbaycan, Rusiya, Belarus, Ermənistan, Qazaxıstan, Özbəkistan, Qırğızıstan, Tacikistan, Türkmənistan, Moldova və Serbiya xarici işlər nazirləri İkinci Dünya müharibəsində Qələbənin 75 illiyi ilə bağlı birgə bəyanat imzalayıblar.

"Ölkə.Az" APA-ya istinadən xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.

Rusiya XİN rəsmi internet səhifəsində ATƏT  XİN başçıları Şurasının Bratislavada keçirilən 26-cı iclasında 11 ölkənin xarici işlər nazirləri tərəfindən qəbul olunan birgə bəyanatın mətni yerləşdirilib.

Bəyanatda İkinci Dünya müharibəsinin tarixdə on milyonlarla insanın həyatına son qoyan və bəşəriyyət üçün dəhşətli əzablara səbəb olan ən şiddətli və qanlı münaqişələrdən biri olduğu qeyd olunub. 

Bildirilib ki, nasizm üzərində qələbə xalqlarımızın sarsılmaz birliyi və həmrəyliyi, anti-Hitler koalisiyası ölkələrinin birgə mübarizəsi sayəsində mümkün olub. 

Bəyanatda ön və arxa cəbhələrdə misilsiz şücaət və cəsarət göstərərək sivilizasiyamızı məhv olmaqdan xilas edənlərin fədakarlığı xatırlanıb: “Bizim müqəddəs borcumuz tarixi həqiqəti qorumaqdır. Biz Qızıl Ordunun əsgər və sərkərdələrinin abidələrinin, Avropanın faşistlərdən azad edilməsi uğrunda canlarını vermiş insanların məzarlarına hörmətsizliyi təhqir hesab edirik. Bu cür xatirə obyektlərinə qarşı vandalizmə heç bir haqq qazandırmaq olmaz. Bütün ölkələri qəhrəmanların xatirəsinə ehtiram göstərməyə və hərbi məzarları yaxşı vəziyyətdə saxlamağa çağırırıq".

Bəyanatda həmçinin İkinci Dünya müharibəsinin nəticələrini saxtalaşdırmağa cəhdlər də qətiyyətlə pislənilib: "Bir sıra ölkələrin nasist cinayətkarlarının və onların silahdaşlarının reabilitasiyası və qəhrəmanlaşdırılması səylərindən narahatıq. Nürnberq Beynəlxalq Hərbi Tribunalının müddəti bitməyən qərarlarına ciddi riayət edilməsinin zəruriliyini hesab edirik. Etnik və dini nifrət əsasında olan cinayətlərə susmaq dünyanı yeni bir fəlakətə aparacaq”.

 “BMT Baş Assambleyasının 74-cü sessiyasında qəbul olunan "Nasizmin qəhrəmanlaşdırılması, irqçilik, irqi ayrı-seçkilik, ksenofobiya və onunla bağlı olan dözümsüzlüyün təşviqinə xidmət edən neonasizm və onun digər növlərinə qarşı mübarizə” adlı qətnamənin vacibliyini qeyd edirik" - deyə, birgə bəyanatda qeyd olunub.

Ölkə.Az

ŞƏRH YAZ
0
BAĞLA