Baş qərargah rəislərinin görüşü iki və ya üç ölkənin toqquşmaması üçündür — Hərbi ekspert

Baş qərargah rəislərinin görüşü iki və ya üç ölkənin toqquşmaması üçündür
16:40
08.03.2017
752
Analitika
A
Türkiyədə ABŞ, Türkiyə və Rusiyanın Baş Qərargah rəisləri görüşüb.

Baş qərargah rəisləri Hülusi Akar, Valeri Gerasimov, Cozef Danfordun görüşündə əsasən regiondakı vəziyət və İŞİD-ə qarşı mübarizə müzakirə olunub.

3 ölkənin Baş qərargah rəislərinin görüşünü hərbi ekspert Üzeyir Cəfərov Ölkə.Az-a şərh edib:

"Düşünmürəm ki, ABŞ-la Rusiya yaxınlaşa bilər. Düzdür, ABŞ-ın yeni prezidenti seçiləndə Rusiya ümid edirdi ki, yeni ABŞ admistirasiyası Rusiyaya daha çox meylli olacaq. Tramp yanvarın 20-dən vəzifəsinin icrasına başladı və bir əks mənzərənin şahidi olduq. Tramp fikirləşirdi ki, ABŞ prezidenti kimi nə istəsə edə biləcək, bu alınmadı. Çünki ABŞ-da illərlə oturuşmuş qaydalar var. Tramp o qaydaların əməl olunmasına riayət edir. Rusiyada bir qədər xəyal qırıqlığı yarandı. Buna baxmayaraq iki ökənin mövqelərini kordinasiya etmək üçün sözsüz ki, bir poliqon tələb olunur. Bu poliqon da Suriyadır. 6 martda 3 ölkənin Baş qərargah rəislərinin görüşü 16 fevralda Bakıda keçirilmiş görüşün davamı idi. Gerasimovla Danford Bakıda görüşəndə çoxlarımız bir qədər təəcübləndik. Bu görüşün Bakıda keçirilməsinin bir çox səbələri var idi, bu səbələrdən biri regionla bağlı idi.

Rusiyanın Suriyada buraxdığı səhvləri məcbur elədi ki, üç ölkənin baş qərargah rəisləri Hülusi Akar, Valeri Gerasimov, Cozef Danford bir araya gəlsinlər. Görüşdə Yaxın Şərqlə bağlı bir çox məsələlər müzakirə olundu. Rus təyyarələrinin türk əsgərlərini bombalamasından sonra əməliyyatları koordinasiya etməyin vacib olduğu görünür. Bundan sonra hər üç dövlət İraq və Suriyada keçirəcəkləri əməliyyatları koordinasiya edəcəklər.

Görüşlərin keçirilməsinə baxmayaraq görünən odur ki, ABŞ-la Rusiya arasında gərginlik hələ uzun müddət davam edəcək. Baş qərargah rəislərinin görüşü iki və ya üç ölkənin toqquşmaması üçün müəyyən məsələləri sığortalamaq məqsədi ilə həyata keçirilib".

Qeyd edək ki, ABŞ və Rusiyanın Baş Qərargah rəisləri bu ilin fevral ayının 16-da Bakıda görüşmüşdü.

Səxavət Məmməd

Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
343
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA