KORONAVİRUSA YOLUXANLARIN SAYI - CANLI STATİSTİKA

BDU THİK tərəfindən “Üç rəngin kölgəsində!” adlı fləşmob keçirildi

BDU THİK tərəfindən “Üç rəngin kölgəsində!” adlı fləşmob keçirildi
13:38
09.11.2019
4043
Ölkə
A
Bakı Dövlət Universitetinin Tələbə Həmkarlar İttifaqı Komitəsi 7-9 noyabr tarixləri arasında “Üç rəngin kölgəsində!” adlı fləşmob həyata keçirir.

Bayraq xalqın birlik, həmrəylik və suverenlik rəmzidir. Elə bu səbəbdəndə Bayraq Günü ilə bağlı xüsusi hazırlıq işləri görən BDU THİK 23 mindən çox BDU tələbəsinin diqqətini 9 noyabr Dövlət Bayraq Gününə çəkmək və gənclərin vətənpərvərlik ruhunda tərbiyə olunmasına dəstək vermək məqsədi ilə belə bir fləşmob təşkil edib.

BDU THİK sədri Nihad Allahyarlı üç mindən çox tələbənin bu prosesə cəlb edildiyini, simvolik olaraq “Üç rəngin Könüllüsü” adlı könüllü heyətinin formalaşdırıldığını deyib. Fləşmob çərçivəsində universitetin 2000-dən çox pəncərəsindən Azərbaycan Respublikasının Dövlət Bayrağı asılıb və proses davam etməkdədir. Həmçinin rəsm klubunun fəalları 500-dən çox gəncin üzünə Azərbaycan bayrağı çəkərək fləşmoba dəstək veriblər. Fləşmob bayraq yürüşü ilə yekunlaşıb.

Sosial mediada sürətlə paylaşılan fləşmobun rəsmləri və videoları böyük marağa səbəb olub və minlərlə baxış və bəyənma alıb. Həmçinin əyani olaraq fləşmobu görən 30 mindən çox BDU tələbə, müəllim heyəti və hazırlanan tv reportajlar ölkə ictimayyəti tərəfindən xüsusi rəğbətlə qarşılanıb. Facebook və instagram sosial şəbəkələrində böyük izləyicisi olan səhifələr flaşmobla bağlı müxtəlif paylaşımlar edib.

ŞƏRH YAZ
0

186 nəfər Azərbaycan vətəndaşı Dubaydan gətirildi — FOTO

186 nəfər Azərbaycan vətəndaşı Dubaydan gətirildi
02:49
Bu gün
355
Ölkə
A
İyulun 8-də Azərbaycanın milli aviadaşıyıcısı (AZAL) Dubaydan çarter reysi yerinə yetirərək 186 həmyerlimizi vətənə çatdırmışdır.

"Ölkə.Az" "Azərbaycan Hava Yolları” QSC-nin mətbuat xidmətinə istinadən xəbər verir ki, yalnız reysdən əvvəl 48 saat ərzində koronavirus COVID-19-a dair testin mənfi nəticəsi barədə arayışı təqdim edən sərnişinlər uçuşa buraxılmışdır. Qeyd edilən reyslə gələn bütün sərnişinlər iki həftə müddətində özünütəcrid şəraitində qalmalıdır.

Qeyd etməliyik ki, AZAL-ın çarter reysləri Azərbaycan Respublikasının Nazirlər Kabineti yanında Operativ Qərargahın müəyyən etdiyi plana uyğun qaydada yerinə yetirilir.

ŞƏRH YAZ
0

Şamaxıda qanvermə aksiyası keçirilib — FOTO

Şamaxıda qanvermə aksiyası keçirilib
01:47
Bu gün
697
Ölkə
A
Azərbaycan Respublikasının Birinci vitse-prezidenti Mehriban xanım Əliyevanın talassemiya və hemofiliya, eləcə də leykoz xəstəliyindən əziyyət çəkənlər üçün qan ehtiyatının yaradılmasına dəstək çağırışına Şamaxı rayon sakinləri də qoşulub.

"Ölkə.Az" Şamaxı Rayon İcra Hakimiyyətinə istinadən xəbər verir ki, iyulun 8-də rayon mərkəzi xəstəxanasında qanvermə aksiyası keçirilib. 

Mərkəzi Qan Bankının peşəkar həkim kollektivi tərəfindən həyata keçirilən xeyirxah aksiyada xeyli könüllü iştirak edib və hərtərəfli müayinədən sonra 120 nəfərdən qan götürülüb. Həkim hematoloqlar tərəfindən hər bir donorun sağlamlıq imkanları tam yoxlanılıb. Toplanan qan laboratoriya müayinəsindən keçirildikdən sonra irsi qan xəstəliklərindən əziyyət çəkən insanların müalicəsində istifadə olunacaq.

Qeyd edək ki, qanvermə aksiyasında sakinlərlə bərabər rayon icra hakimiyyətinin, rayonun hüquq-mühafizə orqanlarının rəhbərləri, idarə, müəssisə və təşkilatların kollektivləri də fəal iştirak ediblər.

Ölkə.Az

ŞƏRH YAZ
0
BAĞLA