KORONAVİRUSA YOLUXANLARIN SAYI - CANLI STATİSTİKA

Bədəndə xoşagəlməz qoxuya səbəb olan qidalar — Ətir belə kömək etmir

Bədəndə xoşagəlməz qoxuya səbəb olan qidalar
06:30
08.09.2019
8859
Maraqlı
A
Bədənimizin ətri xoş olsun deyə biz deodorant və ətirlərə pul xərcləyir və bəzən yenə də arzu olunan nəticə əldə etmirik. Elə insanlar var ki, özlərindən asılı olmadan, bədən və dərilərinin öz qoxusu xoşagələn olmur və bunu heç bir kosmetik vasitə ilə ört-basdır edə bilmirlər. Çünki yedikləri qidalar, rasionları onlarda kəskin bədən qoxusu dəyiçməsi yaradır.
"Ölkə.Az" medicina.az-a istinadən bədənin ətrinə mənfi təsir edən qidaları təqdim edir. Nə yeyək ki, ətirsiz də gözəl qoxuyaq?
 
Xüsusən toydan, evlilikdən, vacib görüşlərdən öncə bu qidaları yeməyin. 
 
Ət və ət məhsulları
 
Mədədə ən gec həzm olan bu qida zülala parçalanaraq, qana düşür. Burda bakteriyalarla qarışaraq, kəskin qoxu verir. Aparılan elmi tədqiqatda 100 vegeterian və 100 ət yeyən qadının bədən qoxusu müqayisə olunub. Məlum olub ki, həftədə 3-4 dəfə ət yeyənlərin bədən qoxusu vegeterianlardan daha kəskin olub. Ət yeyənlərin tər qoxusu da pis olur.
 
Mütəxəssislər əti həftədə 2 dəfəyə endirib, yanında qarabaşaq və bol təzə göyərti yeməyi tövsiyyə edir ki, tərin qoxusu çox dəyişməsin. 
Ümumiyyətlə, çox göyərti yeyənlərə heç tərə qarşı dezodorant da lazım olmur. 
 
Amerikalı doktor Alan Hirşin bildirib ki, qadınların xoşuna vişnə, kişi odekalonu ətri gəlir. Eləcə də xiyar qoxusu gələn kişilər onları ehtiraslandırıb. Ona görə kişilər bol xiyar yesə məsləhətdir.
 
Qoxu verən tərəvəzlər
 
Bəzi tərəvəzlər də ət kimi bədən ətrini dəyişir: o tərəvəzlərin həzmi zamanı qazlar ayrıldığından kükürd və ammiak qoxusu gəlir. 
Brokkoli, gül kələmi, bəzi kələm növlərinin xoşagəlməz qoxusu bədəndən saatlarla getmir. Yaxşı olar ki, kələmi suda çox bişirəsiz. 
 
Sparja, qulançar çox dəbdə olan qidadır. Amma onu yedikdən sonra tər və sidiyin qoxusu dəyişir. Sparja həzm olunarkən ayrılan metantiol qazı zülalları çürüdür. Sparja yedikdən sonra mütləq alma və ya portağal yeyin. 
 
 
Balıq 
 
Balıqda, xüsusən forel və tunsda olan xolun insandan balıq qoxusu gəlməsinə səbəb olur. Qarşısını almaq üçün qoz yeyin. Eləcə də balıq yeyərkən sousuna kalqan, zəncəfil əlavə edin. Ona görə suşi yanında zəncəfil verilir ki, spesifik turşumuş qoxunun qarşısını alsın.
 
Yeməklərdən sonra əmələ gələ biləcək bədən qoxusunun qarşısını almaq üçün Məsləhət:
 
Yeməkdən sonra adətiniz üzrə çay, qəhvə yox, nanə, melissa, şalfey dəmləməsi için.
 
Ölkə.Az
ŞƏRH YAZ
1

Meyvə xeyirlidir, amma… — Həkim MƏSLƏHƏTİ

Meyvə xeyirlidir, amma…
09:18
Bu gün
6505
Maraqlı
A
Sağlam yaşamağın təməli düzgün qidalanmaqdır. Mövsümə uyğun qidalanmaq isə həmin dövrdə yarana biləcək xəstəliklərlə mübarizə üçün olduqca vacibdir.

"Ölkə.Az" milli.az-a  istinadən xəbər verir ki, görəsən, dadlı yeməklərdən imtina etmədən mövsümə uyğun düzgün qidalanmaq üçün nələrə diqqət etməliyik?

Dieltoloq Şəhriyyə Əhmədovanın söylədiyinə görə, yay aylarında daha çox bol su içmək lazımdır:

"Yeməklərə gəldikdə, mövsümə uyğun tərəvəzləri qida rasionumuza daxil etməliyik. Çalışdığımız qədər ət xörəklərini günorta, daha yüngül, tərəvəzlərdən ibarət yeməkləri isə axşam istifadə edək. Gün ərzində daha çox aclıq hiss etdiyimiz vaxt, ara öyünlərdə dovğa, atlama kimi yeməklər tövsiyə olunur".

Dietoloq onu da qeyd edib ki, bəzən insanlar "meyvə xeyirlidir" deyib gün içində ondan olduqca çox istifadə edir: "Amma unutmayaq ki, meyvənin də tərkibində kalori mövcuddur. Hazırda ən kalorili meyvələr və giləmeyvələr mövsümüdür. Gilas, qarpız-yemiş yeməyin demirik, sadəcə olaraq hər kəs öz payına uyğun istifadə etməlidir. Bir incə ay dilimi qarpız, iki kiçik dilim yemiş, gilas isə 12-15 ədəd olmaqla bir paylıq olaraq nəzərdə tutulur. Bu zaman həmin meyvələrin ölçüləri də diqqətə alınmalıdır".

Ölkə.Az

ŞƏRH YAZ
0

İmmunitetimizin zəiflədiyini necə öyrənə bilərik?

İmmunitetimizin zəiflədiyini necə öyrənə bilərik?
09:00
Bu gün
4155
Maraqlı
A
"İmmuniteti güclü olanlara virus o qədər də çox təsir etmir". Koronavirus dünyada eləcə də ölkəmizdə yayılan gündən bəri bəlkə də bir çoxumuz bu fikri eşitmişik. Mütəxəssislər bildirib ki, virusla mübarizədə güclü immun sisteminə sahib olmaq böyük üstünlükdür. Hazırda immunitetin güclü, yaxud zəif olduğunu göstərən dəqiq bir tibbi vasitə yoxdur, lakin bəzi qan analizləri dolayısı ilə bundan xəbər verir.

"Ölkə.Az" milli.az-a istinadənn xəbər verir ki, görəsən, immunitetimiz nə qədər güclüdür? Beləliklə,  sizə immunitetinizin güclü, yaxud zəif olduğundan xəbər verən bir neçə amili təqdim edirik.

Tez-tez xəstələnmək və sağalma müddətinin uzun çəkməsi, ağız boşluğunda və diş ətində yaranan problemlər, tez yorulmaq, saç və dırnaq qırılması, saç tökülməsi, yaraların gec sağalması, iştahsızlıq, sıx-sıx dodaq uçuqlaması, bədənin fərqli nahiyələrində ağrı olması immun sisteminin zəifliyindən xəbər verir.

İmmuniteti zəiflədən bir neçə amillər mövcuddur. İlk növbədə xroniki stress və əsəbi göstərmək olar. Bundan əlavə, yanlış qidalanma, siqaret və spirtli içkilərin qəbulu, vitamin və mineral çatışmazlığı, orta yaşlı insanlarda 8 saatdan az yuxu, hərəkətsizlik, həddindən artıq şəkər istifadə etmək də birbaşa immun sistemininə mənfi təsir edir.

Sağlamlığımızı qorumaq və onun qayğısına qalmaq üçün isə ilk növbədə düzgün qidalanmaq, əsəb və stresdən uzaq durmaq, mütəmadi olaraq idmanla məşğul olmaq lazımdır.

Ölkə.Az

ŞƏRH YAZ
0
BAĞLA