Bəhreyn yenidən qarışır — İki siyasi fəal edam edildi

Bəhreyn yenidən qarışır
00:38
18.08.2019
13658
Dünya
A
Bəhreyndə iki siyasi fəalın edam edilməsi ölkə daxilində olduğu kimi, beynəlxalq təşkilatların da narazılığına səbəb olub.

“Ölkə.Az” Azərtac-a istinadən xəbər verir ki, siyasi fəallar Əli əl-Ərəb və Əhməd əl-Melal kütləvi aksiyalara rəhbərlik edərək hökumətdən islahatlar aparmasını tələb edirdilər.

Onlar terrorçularla əməkdaşlıqda ittiham edilərək ölüm hökmünə məhkum ediliblər. Məhkəmənin qərarı özünü gözlətmədən icra edilib ki, bu da ölkədə etirazlara səbəb olub.

Avropa İttifaqı Bəhreynin Brüsseldəki səfirinə etiraz məktubu ünvanlayıb. Məktubda Bəhreyn hakimiyyətindən tələb olunur ki, müxtəlif bəhanələrlə siyasi fəalların həbsinə və təqibinə son qoyulsun və həbsdə olan jurnalistlər azad edilsin. Əks təqdirdə Avropa İttifaqı ilə Bəhreynin əməkdaşlıq əlaqələri məhdudlaşacaq.

Səfir məktubu ölkə rəhbərliyinin diqqətinə çatdıracağını bildirib.

Ölkə.Az

ŞƏRH YAZ
0

Kişi boşandığı həyat yoldaşını ''kislota'' ilə YANDIRDI

Kişi boşandığı həyat yoldaşını ''kislota'' ilə YANDIRDI
13:49
Bu gün
233
Dünya
A
Rusiyada həyat yoldaşından boşanan kişi, qadını və onun iş yerini yandırıb.

''Ölkə.Az'' xəbər verir ki, Rusiyanın Solikamsk şəhərində kişi boşandığı həyat yoldaşının üstünə yandırıcı maddə töküb. Hadisə qadının işlədiyi marketin kameralarında görüntülənib.

Belə ki, marketə gələn kişi keçmiş həyat yoldaşının kassaya yaxınlaşmasını gözləyib. Kişi qadının yaxınlaşmasının ardından əlindəki yandırıcı maddəni onun üstünə töküb. Qadın arxa otağa qaçaraq uzaqlaşmaq istəsə də kişi onu alovla yandırıb. Dəhşətli hadisəni törədən kişi qaçsa da polis tərəfindən saxlanılıb. Yandırılan qadın isə xəstəxananın reanimasiya şöbəsinə yerləşdirilib.

Boşandığı eşinin üzerine yanıcı madde dökerek ateşe verdi

Ölkə.Az

 

ŞƏRH YAZ
0

Koronavirus nədən yayılıb? - — 3 ehtimal

Koronavirus nədən yayılıb? -
02:01
Bu gün
1172
Dünya
A
Bütün dünyanı təşvişdə saxlayan koronavirusun nədən qaynaqlanması ilə bağlı müxtəlif versiyalar səsləndirilir.

"Ölkə.Az" qafqazinfo-ya istinadən xəbər verir ki, ehtimallar daha çox yeni növ koronavirusun yarasa və ya ilandan insana yoluxması üzərindədir. Məsələ ilə bağlı hələlik rəsmi açıqlama olmasa da, virusun başladığı Uhan şəhərində, eləcə də Çinin əksər regionlarında dəniz məhsullarının satışı qadağan edilib.

Bəzi mütəxəssislərin fikrincə, virusun mənbəyi porsuq siçanları da ola bilər.

“Journal of Medical Virology”də yer alan araşdırmaların nəticələrinə görə, yeni virusun qaynağı yarasa göstərilsə də, insanlara yoluxmazdan əvvəl mutasiyaya uğrayıb. Virusa yoluxan xəstələrdən götürülən qan nümunələrindən alınan genetik kodlar müxtəlif növ heyvanlardan götürülmüş 217 koronavirusla qarşılaşdırılıb.

Mütəxəssislər 2019-nCoV-dəki protein kodlarının daha çox Çində rast gəlinən 2 ilan növündəki viruslarla uyğunluğunu müəyyən ediblər. İddialara görə, virus yarasadan ilana, ilandan isə insana yoluxub.

Yarasalar eyni zamanda henipaviruslarla quduzluğun yoluxmasına səbəb ola bilirlər.

Ümumdünya Səhiyyə Təşkilatının məlumatına görə, koronavirus yaxın təmas yolu ilə asanlıqla insandan insana keçə bilir. Virusa yoluxmuş adamla eyni məkanda yaşamaq, ona toxunmaq, mikroblarla kirlənmiş əşyalarına əl vurmaq, əllərlə ağız, burun və gözlərə toxunmaq, asqırma, öskürmə və danışma əsnasında havaya yayılan tüpürcəklər tənəffüs yolu ilə sağlam insanları da təhlükə altında qoya bilir.

Koronavirusun ilkin əlamətləri hərarət, öskürək, nəfəs almaqda çətinlik, ishal, qusmadır. Bəzi xəstələrdə hətta sətəlcəm və böyrək çatışmazlığı şəklində də özünü büruzə verib.

Ölkə.Az

ŞƏRH YAZ
0
BAĞLA