Belarus tranziti Baltikyanı ölkələri tərk edir — ANALİTİKA

Belarus tranziti Baltikyanı ölkələri tərk edir
18:03
06.01.2018
7665
Analitika
A
Ötən ilin avqust ayında Rusiya prezidenti Vladimir Putin Kalininqradda ölkənin şimal-qərb nəqliyyat infrastrukturunun inkişafı ilə bağlı keçirilən müşavirədə Belarusun neft şirkətlərinin üzərinə yerli neft məhsullarını Rusiya limanlarından, xüsusilə Ust-Luqa və Sankt-Peterburq limanları vasitəsilə ixrac etmək öhdəliyinin qoyulmasını təklif edib.

"Ölkə.Az" "Reporta"-a istinadən xəbər verir ki,  V.Putin bununla bağlı bəyanatında təklfini belə izah edib:

"Belarusun neft emalı zavodlarında bizim neftimiz emal olunur (orada başqa ölkələrin nefti yoxdur və çətin ki, bundan sonra da olsun), bu səbəbdən bunu vahid çərçivə halına salmaq lazımdır. Bizim neftimiz bilavasitə öz infrastrukturumuza bağlı olmalıdır”.

Rusiya prezidentinin bəyanatına Baltikyanı ölkələr dərhal reaksiya verib. Litvanın baş naziri Saulyus Skvernyalis bildirib ki, Belarus neft məhsullarının Rusiya limanları və Rusiya dəmir yolları vasitəsilə ixracı Belarus üçün əlverişsiz və təhlükəlidir. S.Skvernyalis qeyd edib ki, Rusiya limanları qışda donur və bu iqlim şəraiti neft məhsullarının daşınması üçün təhlükəli və həssas məsələdir. Litva baş nazirinin fikrincə, şərq dövlətlərinin rəhbərləri tez-tez iqtisadi maraqları nəzərdə tutmayan siyasi qərarlar qəbul edirlər. O, Litva siyasətçilərini Belarus yüklərinin Litva dəmir yolları vasitəsilə Klaypeda limanına tədarükünün davam etdirilməsini təmin etməyə çağırıb.

Lakin baş nazirin çağırışı qəzet yazılarından kənara çıxmayıb. Artıq 2017-ci ilin sonunda Belarus neft tranzitinin istiqamətinin dəyişməsi prosesi başlayıb: Belarus neft məhsullarının ilk 72 min tonu Baltikyanı ölkələrdən deyil, Rusiya vasitəsilə ixrac olunub.

Ötən ilin 8 dekabrında "Belneftxim” konsernin sədri İqor Lyaşenko bildirib ki, Belarus və Rusiya əlverişli şəraitin yaranacağı təqdirdə, 2018-ci ildə Rusiya limanları vasitəsilə ixrac həcminin 1 milyon tona çatdırılmasını razılaşdırıb.

Bu iqdisadi baxımdan əsaslandırılmış qərardırmı?

Qərb analitiklərinin fikrincə, nəqlin istiqamətinin dəyişdirilməsi Belarus neft emalı zavodları üçün ziyanlı olacaq. Çünki Ust-Luqa, Primorsk və Rusiyanın Leninqrad vilayətinin digər limanları Belarus neft emalı zavodlarından ən azı 800 kilometr aralıda yerləşir. Bu isə Ventspils, Riqa və Klaypeda limanları ilə müqayisədə kifayət qədər uzaqdır. Bunun nəticəsi kimi, nəql qiymətləri Baltikyanı ölkələrdən fərqli olaraq dəfələrlə çoxdur. 2017-ci ilə qədər Belarus neft məhsullarının hər bir tonunun Baltikyanı ölkələr vasitəsilə ixracı 6-8 dollara başa gəlirdisə, Rusiya vasitəsilə bu rəqəm 12-18 dollar təşkil edib.

Lakin Rusiya tarif rejiminə elə dəyişikliklər etdi ki, Belarusa artıq yükləri Baltikyanı ölkələr vasitəsilə deyil, Rusiya limanlarından ixrac etmək sərfəli oldu. Əvvəl Rusiya Dəmir Yolları yükdaşıma tariflərinə 25% endirim tətbiq edirdisə, sonra bu rəqəm 50%-ə çatdırıldı, hazırda isə kompleks tariflər tətbiq olunur.

Belarusun neft məhsullarına tətbiq olunan güzəştli şərtlər yüklərin Baltikyanı ölkələrdən deyil, məhz Rusiya limanları vasitəsilə daşınmasını daha əlverişli edib.

Nəql üçün vaxt itkisi ilə bağlı Rusiya maliyyə eksperti İqor Yuşkov bildirib ki, əgər bu, yekun gəlirə təsir göstərmirsə, nəqlin müddəti əhəmiyyətli deyil: "Əsas məsələ aparılan bütün əməliyyatlardan sonra hesabda nə qədər pulun qalmasıdır. Əgər Rusiya marşrutundan istifadə zamanı Baltikyanı ölkələrlə müqayisədə vəsait daha çox qalırsa, təbii ki, məhz Rusiya limanları seçiləcək. Bunun hansı müddətə başa gəlməsi isə elə də əhəmiyyətli deyil.”

İqor Lyaşenko

Nəticə etibarilə 2018-ci ildə Rusiya vasitəsilə daşınan neft məhsullarının həcminin 12 dəfə artırılması planlaşdırılır, ekspertlərin hesablamalarına görə, beş il sonra Belarusun neft nəqlinin əsas hissəsi Baltikyanı ölkələrdən yan keçəcək.

Bu qərarın siyasi məqamları nədən ibarətdir?

Vladimir Putinin avqust bəyanatından sonra Belarus KİV-lərində Baltikyanı ölkələrin limanlarının loqistika baxımından müəyyən müstəvidə daha rəqabətədavamlı olacağı barədə qeydlər yer alıb. Rusiyalı ekspertlərin bu məsələyə münasibəti özünü çox ləngitməyib: Belarusun Rusiya neftini hansı şərtlərlə əldə etdiyi kimi, vacib bir məsələni də unutmaq olmaz.

"Xam neftin Belarusa tədarükü məsələsini tranzitin hansı limanlar vasitəsilə həyata keçirilməsi ilə tam şəkildə əlaqələndirmək mümkündür. Xatırladım ki, Belarusun xeyrinə misli görünməmiş qərar qəbul edilib: Bu 20 milyon ton neft ixrac etmək hüququ verməklə yanaşı, "rekreasiya fəaliyyətinə" daha 6 milyon ayırmasını təmin edir. Bu səbəbdən, belaruslar riyazi hesablamalar apararaq onlara nəyinsə sərf etmədiyini deyərkən onu da unutmalı deyillər ki, bu şərtlər əsasında Belarusa tədarük bizə də sərf etmir. Bununla belə, biz bunu edirik”, - deyə Rusiya Milli Enerji Təhlükəsizliyi Fondunun rəhbəri Konstantin Simonov bildirib.

Konstantin Simonov

Sonda qeyd edək ki, Baltikyanı ölkələrdə 2017-ci ildə daha da şiddətlənən Qərbə və NATO-ya meyilli əhval-ruhiyyə öz "bəhrəsini verdi". Litva və Latviya Rusiyanın iştirakı ilə həyata keçirilən bütün iri strateji layihələrdən məhrum oldular, Rusiya bazarlarına çıxışı və Rusiyadan olan nəql imkanlarını itirdilər. İndi isə Belarus vasitəsilə həyata keçirilən tədarük imkanları da əllərindən çıxmaqdadır.

ŞƏRH YAZ
0

Moskvadan Paşinyana sərt sillə və ya Ermənistanda inqilabi terrorun ilk cücərtiləri — Siyasi şərh

Moskvadan Paşinyana sərt sillə və ya Ermənistanda inqilabi terrorun ilk cücərtiləri
18:58
15.04.2019
9785
Analitika
A
Müttəfiqləri də Ermənistandan üz döndərməyə başlayıb.

“Qazprom”un  “Qazprom Ermənistan”da kütləvi ixtisarlara başlaması və Rusiyanın Ermənistana satdığı qazın hər min kubmetrinə olan qiymətinin minimum 15 dollar qaldıracağı ilə bağlı açıqlamaları erməni cəmiyyətində ciddi ajiotaja səbəb olub.

Artıq erməni ekspertlər Moskvanın bu hərəkətini Ermənistanın müttəfiqdən üz döndərməsi və “iki stul” siyasətinin fiaskosu kimi dəyərləndirirlər. “İki stul” siyasətinin Serj Sərkisyan hakimiyyətinə necə baha başa gəldisə, həmin siyasətin Paşinyan tərəfindən də davam etdirilməsi yeni hakimiyyətə baha başa gəlməyə başlayıb. Moskva artıq Paşinyan hakimiyyətini dolayısı vasitələrlərlə cəzalandrımağa başlayıb. Mokva ənənəvi birbaşa təzyiq taktikasından əl çəkərək erməni cəmiyyətini yeni hakimiyyətdən narazı salaraq Paşinyan  hakimiyyətini  cəzalandırmaq  istəyir. Bunun üçün də “Qazprom Ermənistan”da kütləvi ixtisarlara başlamaq, o cümlədən qazın qiymətinin artırırlması barədə niyyətini açıqlayıb.  Rusiyanın bu hərəkəti Ermənistanda  ciddi narahatçılıq və məyusluğa səbəb olub. Artıq erməni  cəmiyyəti nə edəcəyini bilmir. 2018-ci ilin mayında baş verən inqilabda  erməni cəmiyyətinin ölkədə sosial-iqtisadi böhranın normallaşmasına və sabitliyin bərqərar olacağına azacıq ümid var idisə, indi artıq olub-qalan ümidlər də puça çıxmaq üzərədir. Çünki ötən bir il ərzində yeni hakimiyət  sosial-iqtisadi vəziyyətin yaxşılaşdırılması istiqamətində  verdiyi vədlərin heç birini yerinə yetirə bilmədi. Əksinə mövcud böhran daha da  dərinləşdi. Yeni hakimiyyətin bir əli ilə Qərbdən, digər əli ilə Rusiyadan yapışmaq siyasəti öz effektini vermədi. Nə Qərb, nə Rusiya İrəvanın səmimiyyətinə inanmadı. Nəticədə  Ermənistan bir Azərbaycan zərb məsələsində  deyildiyi kimi “Əli aşından, Vəli aşından da oldu”.

“Qazprom”un  son addımlarını isə  baş nazir Nikol Paşinyan   aprelin 15-də jurnalistlərə açıqlamasında Moskvanın bu addımını Ermənistana təzyiq vasitəsi kimi istifadə  dəyərləndirib.  Erməni iqtisadşı ekspert Vardan Bostancyan isə “Qazprom Ermənistan”da baş verən olaylarla bağlı  “1 in.am”- a müsahibəsində   təəssüflə baş verən  hadisələrin artıq siyasi faktora çevrildiyini qeyd edib:

 “ Rusiya kimi güclü bir dövlət Ermənistanı etirbarlı tərəfdaş kimi görmək istəyirdi... Bu gün Ermənistanın özünü qazla təmin etmək üçün Rusiyadan başqa alternativi yoxdur. Baxmayaraq  ki, alternativ variant kimi İrandan qaz almaq üçün  cəhdlər edirik, ancaq hələlik bu istədiyimiz nəticəni vermir. Əgər belə bir imkan olsaydı, Ermənistan çoxdan  bu alternativdən yararlanardı. Iranın yürütdüyü siyasəti nəzərə alsaq, o zaman əminliklə deyə bilərik ki, Ermənistanın bu ölkədən qaz almaq perspektivi uğurla nəticələnməyəcək. Alternativin  olmaması isə Rusiyanı öz qazını bahalaşdırmaq baxımından tam hüquqa malikdir və bunu edə bilər.  Nə qədər ki, Rusiya ilə siyasi münasibətlər normallaşmayıb və təzyiq prosesini dayandırmayıb qazın qiyməti istənilən vaxt qalxa bilər”.

Bostancyan eyni zamanda Paşinyan hakimiyyətinin yürütdüyü siyasəti tənqid edərək bildirib ki, onun yürütdyü siyasət nəticəsində cəmiyyətdə qeyri-müəyyənlik və məyusluq yaranıb.

 “Artıq erməni cəmiyyətinin sabaha ümidi yoxdur. Buna da səbəb  hakimiyyətə gəlişi zamanı verdiy vədlərə əməl etməməsi, əksinə vəziyyətin daha da pisləşməsidir. O baxımdan mən ölkədə yaranmış durumdan çox narahatam”, - erməni ekspert  qeyd edib.

Ümumiyətlə erməni politoloq və ekspertlər  hesab edirlər ki, Paşinyanın  məğlubiyyəti ilk növbədə bölgələrdən və kəndlərdən başlayacaq. Səbəbi də indiyə kimi effektli idarəetmə sisteminin yaradılmaması ilə bağlıdır. Yəni, verdiyi vədlərin fiaskoya uğrmasıdır. Effektiv idarəetmə sistemin yaradılmaması nəticəsində əsasən kəndlərdə və əyalətdə yaşayan insanların həyat şəraitinin pisləşməsinə səbəb olub. Ona görə də son aylarda bölgələrdə mütəmadi olaraq etriaz aksiyaları keçirilir. Bu etiraz dalağası isə vüsət almaqdadır və bütün bölgələri əhatə etməkdədir. Odur ki, Ermənistanda verilən vədlərin yerinə yetirilməməsi,  əksinə baş nazir Paşinyanın populist  bəyanatları sanki  asta işləyən minanı xatırladır və günün birində  çox pis formada partlayacaq.
Burada digər bir məqam isə Paşinyan komandasının yekcins  və təcrübəsiz olmasıdır. Komanda təcrübəsiz olduğundan  fikir ayrılıqları yaranmaqda və bu proses dərinləşməkdədir.  Paşinyan bunu artıq görür və “yumşaq əl” taktikasından “dəmir əl” taktikasını seçməyi planlayır. Ancaq bunun hansı effekt verəcəyi  də bəlli deyil. Bu, Paşinyan hakimiyyətinin daha sürətlə dağılmasına rəvac verə bilər.  Paşinyan ilk olaraq sosial şəbəkələrdə barəsində  sərt  yazılara reaksiya verməkdədir.

 Aprelin 4-də sosial şəbəkə iştirakçısının  Paşinyan hakimiyyətini dövləti məhv etməkdə ittiham edən bir status yazıb.  Sosial şəbəkə iştirakçısı  öz statusunda bunları qeyd edib: “Bu hökumət Ermənistanı məhv edərək, Böyük Turana yol açmaq üçün  hakimiyyətə gəlib”.

 Bundan sonra Paşinyan Təhlükəsizlik xidmətinin rəhbərinə  həmin şəxs barəsində  ciddi tədbir görmək barədə göstəriş verib. Onu bu göstərişi qısa zamanda həyata keçirilib. 

Müxalifət Respublikaçılar partiyasının  sədr müavini  Armen Aşotyan son günlərdə  Paşinyan hakimiyyətinin tənqidi fikirlərə dözməyərək,  kəskin reaksiya  verməsini ciddi problemlərə yol açacağını bildirib. O, qeyd edib ki, erməni cəmiyyəti qısa zamanda  inqilabi terrorun şahidi olacaq. Onun fikrincə, Paşinyan verdiyi vədlərə əməl edə bilmədiyindən reytinqi cəmiyyətdə sürətlə aşağı düşür və ölkədə idarəetməni həyata keçirə bilmir: “O, öz hakimiyyətini qoruyub-saxlamaq üçün  inqilabı terrora əl atacaq” .

Baş verənlər bir daha onu sübut edir ki, Ermənistan nə qədər işğalçı siyasətinə son verib Azərbaycan və Türkiyə ilə normal münasibətlər qurmayıb, bu ölkənin xilası mümkün deyil.

Mürtəza Bünyadlı
Ölkə.az

ŞƏRH YAZ
0

Ermənistanın ağır böhrandan çıxmaq üçün yeganə yolu işğal etdiyi torpaqları azad etməsidir — Siyasi ŞƏRH

Ermənistanın ağır böhrandan çıxmaq üçün yeganə yolu işğal etdiyi torpaqları azad etməsidir
18:43
10.04.2019
5605
Analitika
A
Ermənistan-Azərbaycan, Dağlıq Qarabağ münaqişəsinin həlli istiqamətində sonuncu Vyana görüşü danışıqlar prosesində münaqişənin sülh yolu ilə həlli istiqamətində konkret addımların atılmaması bir daha sübut etdi ki, danışıqlar prosesi hər an pozula və bölgəni genişmiqyaslı hərbi əməliyyatlar cənginə ala bilər. Danışıqlar prosesinin pozulmasının əsas səbəbkarı isə işğalçı Ermənistanın hər vəchlə prosesi pozmağa yönəlik təxribatçı hərəkətləridir.

Bununla da işğlaçı  Ermənistan mövcud status-kvonu saxlayıb, vaxt udmaq istəyir. Uzağa getmədən Vyana görüşünün keçirildiyi bir zamanda Ermənistanın müdafiə naziri David Tonoyan  ABŞ-da erməni lobbisi ilə görüşü zamanı işğal etdikləri torpaqlardan geri çəkilməyəcəyi, əksinə yeni əraziləri işğal edəcəyi ilə bəyanat verməsi bu qəbildən olan misaldır. Ermənistanın baş naziri də Tonoyanın mövqeyini dəstəkləyərək, Tonoyandan başqa cür  mövqe gözləmədiyini dilə gətirərək “əgər o, başqa  cür fikir səsləndirsəydi vəzifəsindən azad edərdim” bəyanatını verir. Bu, İrəvanın Qarabağ münaqişəsinin həllində maraqlı olmadığını və işğal siyasətini bundan sonra da davam etdimək niyyətində olduğunu ortaya qoyur. Düzdür, Azərbaycan xarici işlər naziri Elmar Məmmədyarovun “mənimlə razılaşmayanlar Zakir Həsənozvla hesablaşmalı olacaq”, müdafiə naziri Zakir Həsənovun “istərdim ki, ilkiin addımı qarşı tərəf atsın və  Tonoyanla İrəvanda görüşərdim” bəyanatını verməsindən sonra işğalçı tərəf mövqeyində dəyişiklik edərək sülh istədiklərini bəyan etdilər.

Ancaq insanda  təəssüf və ikrah hissi oyadan digər bir məqam var. Bu da ondan ibarətdir ki, Ermənistan tərəfinin beynəlxalq hüquqa zidd, terrorçu hərəkətlərinə beynəlxalq təşkilatların, xüsusən də münaqişənin həllində vasitəçilik missiyasını həyata keçirən ATƏT-in Minsk Qrupu həmsədr ölkələrinin heç bir reaksiya verməməsidir. Çünki işğalçı Ermənistan rəhbərlərinin bu bəyanatlarından sonra münaqişə tərəfləri arasında vəziyyət yenidən gərginləşib və  hərbi ritorik söz döyüşü eskalasiyanı daha da dərinləşdirir.

 Ermənistanın niyyəti bəllidir. Hər vəchlə Azərbaycanı təxribata sövq etmək. Ancaq bu alınacaq iş deyil və Azərbaycan nə baş verdiyinin fərqindədir. Baxmayaraq ki, Azərbaycan ordusu işğal altında olan torpaqları qısa zaman kəsiyində işğaldan azad etməyə hazırdır  və buna qadirdir.  Ermənistan tərəfi də bunu yaxşı dərk edir ki, hərbi əməliyyatlar başlasa, erməni ordusu Azərbaycanın müzəffər ordusu qarşısında tab gətirə bilməyəcək. Necə ki, bunu Azərbaycan ordusu 2016-ci ildə Aprel döyüşləri və 2018-ci ilin mayında isə Naxçıvan da Günnüt  əməliyyatı zamanı sübut etdi.

Azərbaycan ordusunun döyüş psixoloji hazırlıq səviyyəsi və əhval-ruhiyyəsi  yüksək səviyyədədir. Ordu Ali Baş Komandanın əmrinə hazır durumdadır.
Buna baxmayaraq,  Azərbaycan tərəfi günbə gün ordunu daha da inkişaf etdirmək, ordunu müasir hərbi texnika ilə təmin etmək, həmin silahlardan  hərbi əməliyyatlrda istifadə etmək üçün mütəmadi təlimlərin keçirilməsi və döyüş əməliyyatlarında  dünya praktikalarını öyrənmək istiqamətində fəaliyyətini davam etdirir.

 Elə bu günlərda Ali Baş Komandan İlham Əliyevin Müdafiə Naziriliyinin Xüsusi Təyinatlılarının hərbi hissəsində keçirdiyi görüşdə çıxışı zamanı səsələndirdiyi bir fikrə diqqət yetirmək lazımdır.

 “Ermənistan-Azərbaycan Dağlıq Qarabağ münaqişəsinin həllinə gəldikdə, bizim mövqeyimiz dəyişməz olaraq qalır. Bu məsələ yalnız ölkəmizin ərazi bütövlüyü çərçivəsində öz həllini tapmalıdır. BMT Təhlükəsizlik Şurasının qətnamələri icra edilməlidir, Ermənistan silahlı qüvvələri işğal edilmiş torpaqlardan qeyd-şərtsiz çıxarılmalıdır. BMT Təhlükəsizlik Şurasının qətnamələrində məhz bu ifadələr öz əksini tapıbdır. Danışıqların davam etdirilməsi prosesi başlanıb”- deyən Ali Baş Komandan əlavə edib ki, müharibə hələ bitməyib və biz torpaqlarımızı işğaldan azad etməyə hazır olmalıyıq.
Çünki Azərbaycan tərəfi yaxşı bilir ki, Ermənistanın destruktiv fəaliyyəti nəticəsində danışıqlar prosesi dalan dirənib  və münaqişənin həlli ilə məşğul olan ATƏT MQ həmsədr ölkələr bu istiqamətdə ciddi addımlar atmırlar. Vasitəçilər işğlaçı tərəfə işğalçı siyasətinə son verməsi üçün təzyiq etmək əvəzinə, ikili standart tətbiq edərək bölgədə maraqlarının təmin olunması istiqamətində fəaliyyət göstərirlər. Qarabağ münaqişəsinin həllində vasitəçilik missiyasının tutduğu bu qeyri-müəyyən mövqe danışıqlar prosesini daha da kövrək edir və bölgədə genişmiqyaslı hərbi əməliyyatların hər an başlamasına zəmin yaradır. Əgər Minsk Qrupu həmsədrləri  bölgədə yeni müharibənin alovlanmasını istəmirlərsə, o zaman işğalçı Ermənistana təzyiq edib,  danışıqlar prosesində Azərbaycanın irəli sürdüyü şərtləri qəbul etdirməyə nail olmalıdırlar.  Minsk qrupu həmsədr ölkələri  onu da anlamalıdır ki, münaqişənin uzanması təkcə Ermənistana deyil, eyni zamanda onların da maraqlarına ziyandır. 

Azərbaycan prezidentinin bu günlərdə  hərbçilərlə görüşündə səsləndirdiyi kimi, Ermənistan işğalçı siyasətdən əl çəkməzsə onu daha ağır günlər gözləyir: 

“Mən dəfələrlə bunu bildirmişəm, bir daha demək istəyirəm ki, Ermənistanı bu ağır böhranlı vəziyyətdən çıxarmaq üçün bir yol var, o da Azərbaycan ilə münasibətləri normallaşdırmaqdır. Biz buna hazırıq. Ancaq əlbəttə ki, buna nail olmaq üçün bir şərt var - Ermənistanın silahlı qüvvələri işğal edilmiş torpaqlardan çıxarılmalıdır”.

Bu gün Ermənistanın üzləşdiyi ağır siyasi, iqtisadi, sosial böhrandan  yeganı çıxış yolu var. Bu da işğalçı siyasətinə son verib, Azərbaycan və Türkiyə ilə normal münasibətlər qurmasıdır. Nə qədər ki, Ermənistan bu siyasətinə son verməyib, bu ölkənin daha ağır günlər gözləyir və hakimiyyətə hansı qüvvənin, yaxud da şəxsin gəlməsindən asılı olmayaraq, üzləşdiyi bu böhrandan xilas edə bilməyəcək. Çünki Ermənistanın işğalçı siyasətinə qarşı Azərbaycan daha  təsirli - dünyadan təcrid siyasətini həyata keçirir və bu da öz bəhrəsini verməkdədir. Ermənistan ağır iqtisadi-sosial böhran içində inləyir, ölkədə demoqrafik vəziyyət günü-gündən pisləşir. Əhali sürətlə ölkəni tərk edir.   

Bura onu da əlavə etmək olar ki, mövcud status-kvonun davam etməsi bölgədə marağı olan Minsk qrupu həmsədrlərininin də marağına uyğun deyil.  Azərbaycan tərəfininin də bir səbr kasası var və o artıq dolmaq üzrədir. Azərbaycan o günə hazırlığını davam etdirir və ordusunu gücləndirir.
Azərbaycan ordusu məqam yetişdikcə  kiçikhəcmli uğurlu əməliyyatları ilə torpaqlarımızı işğaldan azad edir və düşmən mövqeləri üzərində nəzarəti gücləndirir. 2016-ci il Aprel döyüşlərindəın sonra Naxçıvan istiqamətindəki əməliyyat bunun bariz nümunəsidir. Bu əməliyyatlar zamanı ordumuz 11 min hektar əraziyə nəzarəti götürməklə yanaşı  strateji yüksəkliklərə ələ keçirməklə Ermənistanı Dağlıq Qarabağla birləşdirən yola tam nəzarət etməyə imkan yaradıb. 

Bütün bunlar onu deməyə əsas verir ki, Ermənistanın işğal siyasətinə son verməsindən ilk qazanan elə bu ölkə özü olacaq. Bu proses nə qədər tez olarsa, bir o qədər yaxşı olar. Ermənistanın işğala son verməsi nəinki bölgədə, ümumiyyətlə qonşu bölgələrdə də sabitliyin, təhlükəsizliyin  bərqərar olmasına və sürətli inkişafına təkan vermiş olacaq. Bunu Ermənistana rəhbərlik edən və onu himayə edən qüvvələr nə qədər tez anlasa yaxşıdır. Onsuz da  Azərbaycan torpaqlarından vaz keçən deyil. Sülhlə olmasa da, güc yolu ilə torpaqlarını azad edəcək. Azərbaycan ordusu da buna hazırdır.

Mürtəza
Ölkə.Az

ŞƏRH YAZ
0
BAĞLA