Belarusda “Azərbaycan Ticarət Evi” yaradıldı
İqtisadiyyat Nazirliyinin mətbuat xidmətindən Ölkə.Az-a verilən məlumata görə, Ticarət Evinin idarəolunması məqsədi ilə artıq Belarusda “Azərbaycan Ticarət Evi” MMC yaradılıb. Şirkət 20 fevral 2017-ci il tarixində Minsk Şəhər İcraiyyə Komitəsi tərəfindən qeydiyyata alınıb.
Ticarət Evi Azərbaycan məhsullarını “Made in Azerbaijan” brendi altında Belarus bazarında təşviqat aparacaq.
Marketinq araşdırmalarının aparılması, sərgilərdə vahid Azərbaycan stendi ilə iştirak, potensial alıcıların müəyyən edilməsi və əlaqələrin qurulması istiqamətində də fəaliyyət başlayıb. Belarus qanunvericiliyilə tələb olunan icazə xarakterli sənədlərin (lisenziya və kvotaların) alınması, Belarus bazarına məhsul ixracı və satışında iş adamlarını yaxından dəstəkləyəcək.
Ziya Səccad
Ölkə.AZ
