Belçika ilk qrup matçında Panama yığmasını darmadağın etdi
Rusiyada keçirilən futbol üzrə Dünya Çempionatının qrup mərhələsinin ilk turu davam edir.
"Ölkə.Az" xəbər verir ki, "G" qrupu çərçivəsində baş tutan ilk matç Belçika və Panama komandaları arasında keçirilib.
Oyun belçikalıların 3-0 hesablı qələbəsi ilə yekunlaşıb. Belçikanın qollarını 47-ci dəqiqədə Dries Mertens, 69 və 75-ci dəqiqlərdə isə Romelu Lukaku vurub.
Bildirək ki, qrup çərçivəsində növbəti oyun bu gün Bakı vaxtı ilə saat 22:00-da İngiltərə və Tunis komandaları arasında baş tutacaq.