Belçika beşqat dünya çempionunu turnirdən kənarlaşdırdı

Belçika beşqat dünya çempionunu turnirdən kənarlaşdırdı
00:03
07.07.2018
1107
İdman
A
Rusiyada keçirilən futbol üzrə dünya çempionatında 1/4 final mərhələsinin ikinci oyunu baş tutub.

"Ölkə.Az" xəbər verir ki, Belçika komandası Braziliya millisi ilə üz-üzə gəlib. Kazanda baş tutan qarşılaşma belçikalıların 2:1 hesablı qələbəsi ilə başa çatıb. 

Görüşdə ilk qolu 13-cü dəqiqədə Fernandinyo öz qapısına vurub və Belçika 1-0 hesabı ilə önə çıxıb. Görüşün 31-ci dəqiqəsində Kevin De Bruyne hesabı 2-0 edib. Braziliya bu qollardan yalnız brinin əvəzini çıxa bilib. 76-cı dəqiqədə Renato Auqustonun qolu ilə matçın hesabı bəlli olub.

Bununla da yarımfinalın ilk cütlüyü məlum olub: Fransa - Belçika.

Ölkə.Az

ŞƏRH YAZ
0

Türkiyə Moldovanı darmadağın edib

Türkiyə Moldovanı darmadağın edib
00:12
Bu gün
170
İdman
A
Futbol üzrə Türkiyə milli komandası AVRO-2020-nin seçmə mərhələsində növbəti oyununu keçirib.

“Ölkə.Az” xəbər verir ki, “H” qrupunda yer alan Türkiyə millisi 2-ci turda Moldova yığmasını qonaq edib. Eskişehir Yeni Stadionunda keçirilən qarşılaşma ev sahiblərinin 4-0 hesablı qələbəsi ilə yekunlaşıb.

Oyunu Türkiyə prezidenti Rəcəb Tayyip Erdoğan da stadionda canlı izlədib.

Türkiyə 4-0 Moldova

Qolar: Hasan Ali Kaldırım (24), Cenk Tosun (26, 54), Kaan Ayhan (70) 

Ardıcıl ikinci qələbəsini qazanan Türkiyə yığması xallarını 6-ya çatdırıb. Moldova isə yenə qapısından 4 top buraxıb. İlk turda bu komanda Kişinyovda Fransaya uduzub - 1:4. "Ay-ulduzlular" isə evdə Albaniyaya 2:0 hesabı ilə qalib gəlib. "H" qrupunda 2-ci tura saat 23:45-də başlanacaq Fransa - İslandiya və Andorra - Albaniya matçları ilə yekun vurulacaq.

Ölkə.Az

ŞƏRH YAZ
0

"Macarıstan və Slovakiya ilə oyunlarda qələbə istəyirik" — Yurçeviç

23:14
25.03.2019
169
İdman
A
"Maraqlı və gözəl oyun oldu. Hərçənd oyunun gedişatı asan deyildi".

"Ölkə.Az"ın məlumatına görə, bunu Azərbaycan millisinin baş məşqçisi Nikola Yurçeviç Bakıda Litva yığması ilə qolsuz heç-heçə başa çatan yoldaşlıq oyunundan sonra bildirib.

Baş məşqçinin sözlərinə görə, oyunda qələbə qazanmaq üçün hər şey ediblər:

“İlk hissədə daha çox qol vurmaq imkanımız var idi. Biz mümkün olan hər şeyi etdik. Fasilədən sonra əvəzetmələr reallaşdırdıq. Bu da oyunumuza təsir etdi. Rəqibimizdən daha güclü idik. Sadəcə, qol vura bilmədik. Komandadan razıyam”.

Nikola Yurçeviç  bildirib ki, əvvəldən istəkləri qələbə olub:

“Bunun komandanın oyununa inam gətirəcəyinə inanırdıq. Amma bizim üçün nəticə ilə bərabər, oyunçuları da görmək vacibdir. Bu üzdən də matça 4 fərqli oyunçu ilə başladıq. İkinci hissədə də mümkün qədər çox futbolçunu iş başında görmək istədik. Nəticədən narazı deyiləm. Oyunçuları bir çox vəziyyətlərdə görmək istəyirdik. Təsadüfi deyil ki, Xorvatiya ilə müqayisədə, start heyətində 4 dəyişiklik etmişdik. 

Məsələn, bu gün Rüfət Dadaşovu mərkəzdə oynatmaq istədim. Ramil Şeydayevin cinahdakı bacarığını görmək, Araz Abdullayevə şans vermək istədim. Ömər Buludovu da meydana buraxmağı düşünürdüm. Təkcə bir şeyə yox, çox nüansa fikir verməli olduq. Ona görə də deyirəm ki, çıxışımızdan razı qaldım”.

Mütəxəssis qeyd edib ki, oyunu qazanmaq üçün daha real şanslar var idi:

“Yüz faizlik imkanlarımızın olduğunu da deyərdim. Fasilədən sonra dəyişikliklər və yorğunluq oldu.  Pavel Paşayevin komandaya çağırılmamağına gəlincə, o zədəlidir. Əslində, Pavel heyətdə yer alası oyunçudur. Sadəcə, zədəli olduğu üçün oyuna çağırılmadı”.

Nikola Yurçeviç oyunda azarkeşlərin az olmasına da münasibət bildirib: 

“Stadionun heç olmasa yarısı dolsa, atmosferlə daha yaxşı adrenalin yaranar. Belə olsa, bəlkə də qələbə qazanardıq. Ola bilsin ki, havanın soyuq olmasından qaynaqlanır.

Digər tərəfdən, azarkeş marağını artırmaq üçün pozitiv nəticələr olmalıdır. Məqsədimiz daha yaxşı oynamalıyıq. Durumumuzu siz də bilirsiniz. Amma bunlara söykənmək fikrində deyilik. Macarıstan və Slovakiya ilə qarşıdakı oyunlarda qələbə istəyirik. Amma bu, bizim istəyimizdir. Reallıq fərqli ola bilər”.

Ölkə.Az

ŞƏRH YAZ
0
BAĞLA