Belçika və Yaponiya üz-üzə — Daha bir 1/4 finalçı bilindi + YENİLƏNİB

Belçika və Yaponiya üz-üzə
23:59
02.07.2018
1112
İdman
A
Dünya Çempionatının daha bir dörddə bir finalçısı müəyyənləşib.

"Ölkə.Az" xəbər verir ki, Belçika-Yaponiya oyunu 3:2 hesabı ilə Belçikanın xeyrinə bitib.

***
Rusiyada keçirilən futbol üzrə XXI dünya çempionatının səkkizdəbir final mərhələsində Belçika-Yaponiya oyununa start verilib.

"Ölkə.Az" xəbər verir ki, “Rostov Arena” stadionunda keçilən görüşdə Belçika millisinin heyətində meydana Kurtua, Kompani, Vertonqen, Alderveyder, De Brüyne, Vitsel, Menye, Korasko, Mertens, Eden Hazard və Lukaku çıxıblar.

Yaponiya millisinin start heyətində isə Kasima, Senzi, Yosida, Sakai, Naqatomo, Xesebi, Sibasaki, Xaraquti, Kaqava, İnui yer alıblar.

Görüşü seneqallı Malanq Dyodiu idarə edir. Qarşılaşma İdman Azərbaycan Televiziyasında canlı yayımlanır.

Çempionatın favoritlərindən sayılan “qırmızı şeytanlar” “G” qrupundakı görüşlərində Panamaya 3:0, Tunisə 5:2, İngiltərəyə 1:0 hesabı ilə qalib gələrək, 9 xalla birinci yeri tutub. Yaponiya “H” qrupundakı qarşılaşmalarında Kolumbiyanı 2:1 hesabı ilə yendikdən sonra Seneqalla heç-heçə edib - 2:2. Son oyunda isə asiyalılar Polşaya 0:1 hesabı ilə uduzublar. Beləliklə, “Gündoğar ölkə” komandası dörd xal toplayıb və eyni xala malik Seneqalı sarı vərəqələrinin azlığı səbəbindən üstələyərək 2-ci yeri tutub. Qrup liderliyinə isə 6 xalla Kolumbiya yiyələnib.

Əvvəllər Belçika və Yaponiya yığmaları 2002-ci il dünya çempionatının qrup mərhələsində üz-üzə gəliblər. Həmin görüş 2:2 hesablı heç-heçə ilə yekunlaşıb.

Qeyd edək ki, heyətindəki futbolçuların qiymətinə görə çempionatın ən bahalı komandalarından olan Belçika yığması doqquz dəfə mundialda iştirak hüququ qazanıb. Belçikalıların dünya çempionatlarında ən yaxşı göstəricisi 1986-cı ildə bürünc mükafat qazanması olub.

Yaponiya yığması isə bundan əvvəl üç dəfə mundiallarda çıxış etmək hüququ qazanıb. “Gündoğar ölkə” təmsilçilərinin ən uğurlu çıxışı 2002-ci ildə Koreya Respublikası ilə birgə ev sahibliyi etdikləri dünya çempionatında olub. Həmin mundialda qrup birincisi kimi səkkizdəbir finala yüksələn yaponiyalılar Türkiyə millisinə 0:1 hesabı ilə məğlub olaraq mübarizəni dayandırıblar.

Futbol üzrə dünya çempionatının səkkizdəbir final mərhələsinə iyulun 3-də İsveç-İsveçrə və İngiltərə-Kolumbiya matçları ilə yekun vurulacaq.

Xatırladaq ki, dörddəbir finala beş vəsiqənin sahibi müəyyənləşib. Portuqaliya millisinə 2:1 hesabı ilə qalib gələn Uruqvay yığması, Argentinanı 4:3 hesabı ilə məğlub edən Fransa komandası növbəti mərhələyə adlayıblar. Həmçinin play-off mərhələsinin ən gözlənilməz hesabı ev sahibi Rusiya və İspaniya millisi arasında qeydə alınıb. Oyunun əsas vaxtı və əlavə olunmuş dəqiqələri 1:1 hesabı ilə başa çatsa da 11 metrlik cərimə zərbələrində ruslar dəqiq olublar - 4:3. Həmçinin Xorvatiya-Danimarka oyununda da əsas vaxtda qalib müəyyənləşməyib. On bir metrlik cərimə zərbələrində Xorvatiya millisi dörddəbir final mərhələsinə vəsiqə qazanıb (3:2). Dörddəbir final mərhələsində Uruqvay millisi Fransa yığması ilə, Rusiya isə Xorvatiya ilə qarşılaşacaq. Braziliya millisi isə Belçika-Yaponiya yığmaların qalibi ilə qarşılaşacaq.

Mundialın dörddəbir final mərhələsinin görüşləri iyulun 6-7-də, yarımfinal matçları isə iyulun 10-11-də oynanılacaq. Üçüncü yer uğrunda görüş iyulun 14-də, final qarşılaşması isə iyulun 15-də keçiriləcək.

Ölkə.Az

ŞƏRH YAZ
1

Türkiyə Moldovanı darmadağın edib

Türkiyə Moldovanı darmadağın edib
00:12
Bu gün
164
İdman
A
Futbol üzrə Türkiyə milli komandası AVRO-2020-nin seçmə mərhələsində növbəti oyununu keçirib.

“Ölkə.Az” xəbər verir ki, “H” qrupunda yer alan Türkiyə millisi 2-ci turda Moldova yığmasını qonaq edib. Eskişehir Yeni Stadionunda keçirilən qarşılaşma ev sahiblərinin 4-0 hesablı qələbəsi ilə yekunlaşıb.

Oyunu Türkiyə prezidenti Rəcəb Tayyip Erdoğan da stadionda canlı izlədib.

Türkiyə 4-0 Moldova

Qolar: Hasan Ali Kaldırım (24), Cenk Tosun (26, 54), Kaan Ayhan (70) 

Ardıcıl ikinci qələbəsini qazanan Türkiyə yığması xallarını 6-ya çatdırıb. Moldova isə yenə qapısından 4 top buraxıb. İlk turda bu komanda Kişinyovda Fransaya uduzub - 1:4. "Ay-ulduzlular" isə evdə Albaniyaya 2:0 hesabı ilə qalib gəlib. "H" qrupunda 2-ci tura saat 23:45-də başlanacaq Fransa - İslandiya və Andorra - Albaniya matçları ilə yekun vurulacaq.

Ölkə.Az

ŞƏRH YAZ
0

"Macarıstan və Slovakiya ilə oyunlarda qələbə istəyirik" — Yurçeviç

23:14
25.03.2019
159
İdman
A
"Maraqlı və gözəl oyun oldu. Hərçənd oyunun gedişatı asan deyildi".

"Ölkə.Az"ın məlumatına görə, bunu Azərbaycan millisinin baş məşqçisi Nikola Yurçeviç Bakıda Litva yığması ilə qolsuz heç-heçə başa çatan yoldaşlıq oyunundan sonra bildirib.

Baş məşqçinin sözlərinə görə, oyunda qələbə qazanmaq üçün hər şey ediblər:

“İlk hissədə daha çox qol vurmaq imkanımız var idi. Biz mümkün olan hər şeyi etdik. Fasilədən sonra əvəzetmələr reallaşdırdıq. Bu da oyunumuza təsir etdi. Rəqibimizdən daha güclü idik. Sadəcə, qol vura bilmədik. Komandadan razıyam”.

Nikola Yurçeviç  bildirib ki, əvvəldən istəkləri qələbə olub:

“Bunun komandanın oyununa inam gətirəcəyinə inanırdıq. Amma bizim üçün nəticə ilə bərabər, oyunçuları da görmək vacibdir. Bu üzdən də matça 4 fərqli oyunçu ilə başladıq. İkinci hissədə də mümkün qədər çox futbolçunu iş başında görmək istədik. Nəticədən narazı deyiləm. Oyunçuları bir çox vəziyyətlərdə görmək istəyirdik. Təsadüfi deyil ki, Xorvatiya ilə müqayisədə, start heyətində 4 dəyişiklik etmişdik. 

Məsələn, bu gün Rüfət Dadaşovu mərkəzdə oynatmaq istədim. Ramil Şeydayevin cinahdakı bacarığını görmək, Araz Abdullayevə şans vermək istədim. Ömər Buludovu da meydana buraxmağı düşünürdüm. Təkcə bir şeyə yox, çox nüansa fikir verməli olduq. Ona görə də deyirəm ki, çıxışımızdan razı qaldım”.

Mütəxəssis qeyd edib ki, oyunu qazanmaq üçün daha real şanslar var idi:

“Yüz faizlik imkanlarımızın olduğunu da deyərdim. Fasilədən sonra dəyişikliklər və yorğunluq oldu.  Pavel Paşayevin komandaya çağırılmamağına gəlincə, o zədəlidir. Əslində, Pavel heyətdə yer alası oyunçudur. Sadəcə, zədəli olduğu üçün oyuna çağırılmadı”.

Nikola Yurçeviç oyunda azarkeşlərin az olmasına da münasibət bildirib: 

“Stadionun heç olmasa yarısı dolsa, atmosferlə daha yaxşı adrenalin yaranar. Belə olsa, bəlkə də qələbə qazanardıq. Ola bilsin ki, havanın soyuq olmasından qaynaqlanır.

Digər tərəfdən, azarkeş marağını artırmaq üçün pozitiv nəticələr olmalıdır. Məqsədimiz daha yaxşı oynamalıyıq. Durumumuzu siz də bilirsiniz. Amma bunlara söykənmək fikrində deyilik. Macarıstan və Slovakiya ilə qarşıdakı oyunlarda qələbə istəyirik. Amma bu, bizim istəyimizdir. Reallıq fərqli ola bilər”.

Ölkə.Az

ŞƏRH YAZ
0
BAĞLA