Belçikalıların ürəyini fəth edən azərbaycanlı — FOTOLAR + VİDEO

Belçikalıların ürəyini fəth edən azərbaycanlı
12:14
14.12.2016
4676
Ölkə
A

Elnur Eltürk


Son illər Belçika mediasının gündəməni məşğul edən Belçikanın komediya aktyoru Erhan Demirçi artıq Avropada məşhurlaşmaqdadır. Ola bilər ki, Erhan Dəmirçinin adı Azərbaycan oxucusuna o qədər də tanış gəlməyə. Belçika və Niderlandda Erhan Demirçi sevilir və bütün şou proqramlarının reklam çarxlarının qonağı olur. Biz bunu Belçika mediasının Erhan Demirçiyə olan münasibətindən görürük. Daim yerli media ona diqqət ayırır.

Əslində, hər bir türkün Avropa və ya başqa qitədə uğurları bizi sevindirir. Xüsusilə, Erhan Demirçinin əslən Azərbaycan türkü olması ona olan diqqətimizi daha da artırdı. Atası məşhur diasporçu Belçika-Azərbaycan Dostluq Cəmiyyətinin sədri Ayhan Demirçidir. Ayhan Demirçi Belçikada və Avropada erməni diasporuna qarşı ciddi mübarizə aparan şəxslərdən sayılır. Ayhan Demirçinin Avropada Azərbaycan diasporunun formalaşmasında əməyi böyük olub. Bu gün oğlu da Belçikada aktyor olaraq Azərbaycanı təmsil edir.

Erhan Demirçi kimdir?

Qeyd edək ki, Erhan Demirçinin ailəsi 1980-ci ildə Belçikaya köçüb. Atası əvvəlcə mədəndə çalışıb. Ancaq aktyorun babaları İrəvana yaxın Dəmirçi kəndindəndirlər. Əsrin əvvəllərində ermənilərin türklərə qarşı soyqırım siyasəti nəticəsində Türkiyənin İğdır bölgəsinə köçməyə məcbur olublar.

Erhan Demirçi 1983-cü ilin 14 yanvar tarixində anadan olub. Ailədə üç uşaqdırlar. Evin böyüyü aktyordur. Lisey və kollecdə oxuyan aktyor üniversiteti Brusseldə davam etdirib. İqtisadi və ictimai əlaqələr üzrə iki universiteti bitirib. Brüssel və Gent şəhərlərində təhsil aldıqdan sonra 8 ay Amerikanın Nyu-York şəhərində magistr təhsili alib.

İlk iş yeri Belçikanın “Thomas Cook” təyyarə şirkəti olub. Daha sonra HB kompüter mərkəzi və Toyot şirkətində menecer olaraq çalışıb.

İlk vaxtlar atasından aktyorluğu gizlətməsi onun məşhurluğuna yola açdı. Aktyorluğa öncə hobbi kimi yanaşıb. Və bu da məktəb illərindən başlayır. Ancaq ilk vaxtlar bunu atasından gizlədib. Buna baxmayaraq, əzmlə çalışıb. Məktəb illərində və ondan sonra komediya obrazları yaradıb, ssenari yazıb və televiziya proqramçısı, radiolarda aparacılıq edib. Məhz bunlara görə çalışdığı şirkətdən ayrılmağa məcbur olur. Belçikanın nüfuzlu sənət adamları ilə birgə çalışmağa başlayıb. Əvvəllər həvəskar olaraq başladığı sənət yolu bu gün onu Belçikanın peşəkar aktyor səviyyəsinə gətirib çıxarıb.

Bu barədə bizimlə söhbət edən E.Demirçi Azərbaycan türkü olmağı ilə qürur duyduğunu bildirdi: “Bir Azərbaycan türkü olaraq ailəmlə, keçmişimlə və millətimlə qürur duyuram. Belçikada doğulmağıma baxmayaraq, həm Türkiyəni, həm də Azərbaycanı çox yaxından izləyirəm. Atamın çox gözəl sözü var: “Hara gedirsənsə get, nə uğur qazanırsan qazan, heç bir zaman gəldiyin yeri unutma”. Bu üzdən Azərbaycanı hər zaman yanımda daşıyıram və ölkəmizin güclənməsini sevinərək izləyirəm. Belçikada yaşasam da, bu ölkəni nə qədər sevsəm də, yenə də nə mütlü mənə ki, özümə həm türk, həm də azərbaycanlı deyə bilərəm. İki oğul atasıyam. Övladlarımı da bu ruhda böyüdürəm.

Çox təəssüflər ki, işlərimin çoxluğu səbəbi ilə ölkəmizi ziyarət etmək şansım olmadı. İnanıram ki, ən yaxın zamanda bu da olacaq. Uzaqdan da olsa vətənimi izləyirəm. Bir futbol sevdalısı olaraq bütün Azərbaycan klublarını və milli komandanı Avropadan izləyirəm. “Neftçi” və “Qəbələ”nin futbol klublarının oyunlarını Brüsseldə Anderlextə qarşı oyunlarını tribunadan canlı izləmişəm. “Qalatasaray”dan sonra sevdiyim iki komandadır. Türkiyəmi və can Azərbaycanımı doğulduğum Belçikada təmsil edə bilmək mənə qürur verir. Bütün xalqımıza salamlarımı çatdırıram.

Ölkə.Az

ŞƏRH YAZ
0

İrandan ölkəmizə narkotik keçirmək istədilər — Sərhəddə tutuldular

İrandan ölkəmizə narkotik keçirmək istədilər
12:12
Bu gün
63
Ölkə
A
Dövlət Sərhəd Xidməti (DSX) tərəfindən dövlət sərhədinin etibarlı müha­fizəsi və narkotik vasitələrin qeyri-qanuni dövriyyəsinə qarşı mübarizə sahəsində əməliyyat-axtarış və qoşun tədbirləri davam etdirilir.

"Ölkə.Az" xəbər verir ki, cari ilin avqust ayında Sərhəd Qoşunlarının “Göytəpə” sərhəd dəstəsinin xidməti ərazisində və “Astara” dövlət sərhədindən buraxılış məntəqəsində İran İslam Respublikasından Azərbaycan Respublikasına gətirilməsi planlaşdırılan 1 kq 265 qram tiryək, 156 qram heroin və 107 qram metamfitamin narkotik vasitələri aşkarlanaraq götürülüb.

Faktlar üzrə cinayət işləri başlanılıb, təqsirləndirilən 2 nəfər Azərbaycan Respublikası vətəndaşları - 1981-ci il təvəllüdlü Rzayev Bəhruz Şaird oğlu və 1981-ci il təvəllüdlü Rzayeva Pərvanə Əli qızı barəsində əməliyyat-istintaq hərəkətləri davam etdirilir.

Sentyabrın 18-də DSX-nin Sərhəd Qoşunlarının “Lənkəran” sərhəd dəstəsinin xidməti ərazisində Astara rayonunun Qapıçıməhəllə kəndi yaxınlığındakı sərhəd zastavasının xid­­məti sahəsində İran İslam Respublikasından Azərbaycan Respublikasına doğru hərəkət edən 1 nəfər naməlum şəxsin mühəndis çəpərinin üzərindən 4 ədəd bağlamanı atması və digər şəxsin bu bağlamanı götürərək ərazidən uzaqlaşması sərhəd naryadı tərəfindən müşahidə edilib. Sərhəd naryadı dövlət sərhədini pozaraq bağlamanı atmış şəxsi təqib edərək İran İslam Respublikası vətəndaşı, 1975-ci il təvəllüdlü Fərşad Sərhəngi Əliabbas oğlunu sərhəd pozucusu qismində saxlayıb.

Dövlət sərhədinin pozulması ilə əlaqədar Daxili İşlər Nazirliyinin (DİN) Astara rayon şöbəsinin əməkdaşları ilə birgə keçirilmiş kompleks əməliyyat-axtarış tədbirləri nəticəsində bağlamanı götürüb ərazidən uzaqlaşan şəxsin Azərbaycan Respublikasının vətəndaşı, 1961-ci il təvəllüdlü Hüseynov Dilavər İsgəndər oğlu olması müəyyənləşdirilmiş və o, şüb­həli şəxs qismində saxlanılıb. Dindirmə zamanı D.Hüseynov götürdüyü bağlamanı Astara şəhər sakini, 1970-ci il təvəllüdlü Əliyeva Bahar Əsgər qızının evində gizlətdiyini bildirib. B.Əliyevanın evinə baxış zamanı 4 ədəd bağlamanın içərisində ümumi çə­kisi 2 kq 245 qr olan heroin narkotik vasitəsi aşkarlanaq götürülüb.

Qeyd olunan faktlar üzrə əməliyyat-istintaq tədbirləri davam etdirilir.

Natiq Allahverdiyev
Ölkə.Az

 

 

ŞƏRH YAZ
0

Ermənilər Qazaxda təxribata əl atdılar — FOTO

Ermənilər Qazaxda təxribata əl atdılar
11:58
Bu gün
414
Ölkə
A
Azərbaycan-Ermənistan dövlət sər­hə­dində təmas xəttində yerləşən Döv­lət Sərhəd Xidmətinin (DSX) Sərhəd Qoşunlarının “Qazax” əlahiddə sərhəd diviziyasının sərhəd döyüş mövqelərinə qarşı düşmən tərəfinin təxribatları davam etməkdədir.

"​Ölkə.Az" DSX-nin Mətbuat Mərkəzinə istinadən xəbər verir ki, sentyabr 20-də saat 13:20 radələrində sərhəd döyüş mövqe­lərimiz və təminat yollarının salınması ilə məşğul olan ekskovatoru düşmən tərəfindən atəşə tutulub.

Düşmən bölmələrinin atəş nöqtələri cavab atəşilə susdurulub.

Ölkə.Az

ŞƏRH YAZ
0
BAĞLA