Belçikalıların ürəyini fəth edən azərbaycanlı — FOTOLAR + VİDEO

Belçikalıların ürəyini fəth edən azərbaycanlı
12:14
14.12.2016
4599
Ölkə
A

Elnur Eltürk


Son illər Belçika mediasının gündəməni məşğul edən Belçikanın komediya aktyoru Erhan Demirçi artıq Avropada məşhurlaşmaqdadır. Ola bilər ki, Erhan Dəmirçinin adı Azərbaycan oxucusuna o qədər də tanış gəlməyə. Belçika və Niderlandda Erhan Demirçi sevilir və bütün şou proqramlarının reklam çarxlarının qonağı olur. Biz bunu Belçika mediasının Erhan Demirçiyə olan münasibətindən görürük. Daim yerli media ona diqqət ayırır.

Əslində, hər bir türkün Avropa və ya başqa qitədə uğurları bizi sevindirir. Xüsusilə, Erhan Demirçinin əslən Azərbaycan türkü olması ona olan diqqətimizi daha da artırdı. Atası məşhur diasporçu Belçika-Azərbaycan Dostluq Cəmiyyətinin sədri Ayhan Demirçidir. Ayhan Demirçi Belçikada və Avropada erməni diasporuna qarşı ciddi mübarizə aparan şəxslərdən sayılır. Ayhan Demirçinin Avropada Azərbaycan diasporunun formalaşmasında əməyi böyük olub. Bu gün oğlu da Belçikada aktyor olaraq Azərbaycanı təmsil edir.

Erhan Demirçi kimdir?

Qeyd edək ki, Erhan Demirçinin ailəsi 1980-ci ildə Belçikaya köçüb. Atası əvvəlcə mədəndə çalışıb. Ancaq aktyorun babaları İrəvana yaxın Dəmirçi kəndindəndirlər. Əsrin əvvəllərində ermənilərin türklərə qarşı soyqırım siyasəti nəticəsində Türkiyənin İğdır bölgəsinə köçməyə məcbur olublar.

Erhan Demirçi 1983-cü ilin 14 yanvar tarixində anadan olub. Ailədə üç uşaqdırlar. Evin böyüyü aktyordur. Lisey və kollecdə oxuyan aktyor üniversiteti Brusseldə davam etdirib. İqtisadi və ictimai əlaqələr üzrə iki universiteti bitirib. Brüssel və Gent şəhərlərində təhsil aldıqdan sonra 8 ay Amerikanın Nyu-York şəhərində magistr təhsili alib.

İlk iş yeri Belçikanın “Thomas Cook” təyyarə şirkəti olub. Daha sonra HB kompüter mərkəzi və Toyot şirkətində menecer olaraq çalışıb.

İlk vaxtlar atasından aktyorluğu gizlətməsi onun məşhurluğuna yola açdı. Aktyorluğa öncə hobbi kimi yanaşıb. Və bu da məktəb illərindən başlayır. Ancaq ilk vaxtlar bunu atasından gizlədib. Buna baxmayaraq, əzmlə çalışıb. Məktəb illərində və ondan sonra komediya obrazları yaradıb, ssenari yazıb və televiziya proqramçısı, radiolarda aparacılıq edib. Məhz bunlara görə çalışdığı şirkətdən ayrılmağa məcbur olur. Belçikanın nüfuzlu sənət adamları ilə birgə çalışmağa başlayıb. Əvvəllər həvəskar olaraq başladığı sənət yolu bu gün onu Belçikanın peşəkar aktyor səviyyəsinə gətirib çıxarıb.

Bu barədə bizimlə söhbət edən E.Demirçi Azərbaycan türkü olmağı ilə qürur duyduğunu bildirdi: “Bir Azərbaycan türkü olaraq ailəmlə, keçmişimlə və millətimlə qürur duyuram. Belçikada doğulmağıma baxmayaraq, həm Türkiyəni, həm də Azərbaycanı çox yaxından izləyirəm. Atamın çox gözəl sözü var: “Hara gedirsənsə get, nə uğur qazanırsan qazan, heç bir zaman gəldiyin yeri unutma”. Bu üzdən Azərbaycanı hər zaman yanımda daşıyıram və ölkəmizin güclənməsini sevinərək izləyirəm. Belçikada yaşasam da, bu ölkəni nə qədər sevsəm də, yenə də nə mütlü mənə ki, özümə həm türk, həm də azərbaycanlı deyə bilərəm. İki oğul atasıyam. Övladlarımı da bu ruhda böyüdürəm.

Çox təəssüflər ki, işlərimin çoxluğu səbəbi ilə ölkəmizi ziyarət etmək şansım olmadı. İnanıram ki, ən yaxın zamanda bu da olacaq. Uzaqdan da olsa vətənimi izləyirəm. Bir futbol sevdalısı olaraq bütün Azərbaycan klublarını və milli komandanı Avropadan izləyirəm. “Neftçi” və “Qəbələ”nin futbol klublarının oyunlarını Brüsseldə Anderlextə qarşı oyunlarını tribunadan canlı izləmişəm. “Qalatasaray”dan sonra sevdiyim iki komandadır. Türkiyəmi və can Azərbaycanımı doğulduğum Belçikada təmsil edə bilmək mənə qürur verir. Bütün xalqımıza salamlarımı çatdırıram.

Ölkə.Az

ŞƏRH YAZ
0

"Məni 70 yaşlı kişiyə ərə verirdilər" — Şabranda evdən qaçan qız

03:30
Bu gün
1784
Ölkə
A
İtkin düşdüyü deyilən Şabran rayon Xırdaoymaq kənd sakini Dadaşova Nuranə Ədalət qızı əslində evdən məqsədli şəkildə qaçdığını bildirib.

"Ölkə.Az" bildirir ki, ATV-də yayımlanan “Bizimləsən” verilişinin efirinə çıxan 21 yaşlı N.Dadaşova onu məcburi ərə verdikləri üçün bu addımı atdığını deyib.

O, bundan əvvəl üç ay nişanlı olduğunu, lakin sonradan həmin adamın evli olduğunu bildiyi üçün ayrıldığını deyib:

“Sonra məni var-dövlətinə görə 70 yaşlı kişiyə məcburi ərə vermək istədilər”.

Ölkə.Az

ŞƏRH YAZ
0

İçməli su nə zaman fasiləsiz veriləcək? — VİDEO

İçməli su nə zaman fasiləsiz veriləcək?
02:30
Bu gün
904
Ölkə
A
Bəzi yerlərdə içməli su hələ də fasilələrlə verilir. Bəs bu problem nə zaman tam həll olunacaq? Bu problem daha çox şəhərətrafı kənd və qəsəbələrdə yaşanır. Havalar isinən kimi küçələrdə əlində vedrə su daşıyan insanlara çox rast gələ bilərsiniz.

"Ölkə.Az" xəbər verir ki, ARB TV-nin “Günə doğru” proqramı mövzu ilə bağlı maraqlı süjet hazırlayıb.

Sakin: “Su olmayanda o qədər problemlər yaradır. Su olmasa neyləmək olar? Heçnə”.

Sakin: Bir gün gəlir, bir gün gəlmir. O da zəif gəlir. Əlbəttə camaata çətindir”.

Suyun fasilələrlə verildiyi ərazilərdə hər bir ev sahibinin mütləq ki, su çəni olmalıdır ki, ehtiyyat su saxlasın. Əks halda yayın qızmar günlərində susuz qalmaq çox çətindir.

Azərsu ASC-nin mətbuat katibi Anar Cəbrayıllı deyir ki, hazırda əhalinin fasiləsiz su təchizatı ilə bağlı işlər davam etdirilir. Əgər 2004-cü ildə Bakı şəhərində əhalinin təxminən 29 faizi 24 saat fasiləsiz su ilə təmin olunurdusa, hazırda bu rəqəm 81.5 faizdir.

Anar Cəbrayıllı - “Azərsu” ASC-nin Mətbuat Katibi: “Amma bizim işlər davam edir. Yenə də elə ərazilər var ki, orada işlər görürük. Mərhələ ilə bu insanların fasiləsiz su təminatına nail oluruq. Məsələn elə bu yaz Qaraçuxurun bir hissəsinin 24 saat su təchizatına keçidini təmin etdik. Sonra Şağanda yeni şəbəkə qurduq”.

"Azərsu” rəsmisi deyir ki, müəyyən ərazilərin 24 saat su təminatında bəzi problemlər var.

Anar Cəbrayıllı - “Azərsu” ASC-nin Mətbuat Katibi: “Burda 2 məsələ var. Elə yer var ki orda bizim əlavə su ehtiyatlarımız yoxdur deyə insanları 24 saat suya keçirə bilmirik. Bu əsasən şəhərin şərq hissəsini əhatə edir. Amma elə yerlər var ki, orda su ehtiyatlarımız var, sadəcə texniki imkanlar mövcud deyil deyə ora 24 saat su verə bilmirik

Bu gün ölkə üzrə əhalinin 69.9 faizi 24 saat su ilə təmin olunur. Ölkə başçısının tapşırığına əsasən yaxın illərdə hər bir Azərbaycan vətəndaşının 24 saat keyfiyyətli içməli su ilə təminatı məsələsi öz həllini tapacaq.

Ölkə.Az

ŞƏRH YAZ
0
BAĞLA