Mətn ölçüsü:
  • 100%

\"Belə mötəbər yarışların, tədbirlərin keçirilməsi Azərbaycana hər mənada divident gətirən amildir\"

“Son illər ölkəmizin iqtisadi qüdrətinin artması idman sahəsində də öz müsbət təsirini göstərir. Azərbaycan inkişafda olan bir dövlət kimi dünyada idman ölkəsi kimi tanınır. Gənclik və idman bir-birini tamamlayan məfhumlardır. Ölkəmizdə bu gün idmanda əldə edilən nailiyyətlər Ümummilli liderimiz, dahi şəxsiyyət Heydər Əliyevin adı ilə bağlıdır”.

Bunu “Ölkə.Az”a açıqlamasında Milli Məclisin gənclər və idman komitəsinin sədri Ülvi Quliyev  21-28 iyulda Bakıda keçiriləcək  “Bakı 2019” Avropa Gənclər Yay Olimpiya Festivali ilə bağlı mövqeyini açıqlayarkən deyib.

Komitə sədri bildirib ki,  Azərbaycanda idmanın  inkişafında Prezident İlham Əliyevin müstəsna rolu olub:

"Belə ki, cənab İlham Əliyev hələ Milli Olimpiya Komitəsinin rəhbəri olarkən Azərbaycanda idmanın inkişafı istiqamətində ciddi işlər görüb. Onun böyük diqqət və qayğısı nəticəsində idmançılarımız beynəlxalq idman yarışlarında, olimpiadalarda  uğurlu çıxışlar edərək Azərbaycanı dünyaya tanıdıblar. Bununla paralel olaraq ölkədə idmanın infrastrukturunun və maddi-texniki bazasının yaradılması istiqamətində işlər görülüb. Bu siyasət cənab İlham Əliyev 2003-cü ildə Azərbaycanın Prezidenti seçildikdən sonra daha da sürətlənib və bu gün respublikanın bütün regionlarında  müasir standartlara cavab verən idman kompleksləri tikilərək istifadəyə verilib. İdman sahəsində yaradılan bu infrastrukturun  Azərbaycanın dünyada bir idman ölkəsi kimi tanıdılmasında müstəsna rolu olub. Cənab İlham Əliyevin ən böyük xidmətlərindən biri də idmanın inkişafının Azərbaycan modelini yaratması oldu”

Ü.Quliyev əlavə edib ki, məhz ölkə başçısının düşünülmüş, uzaqgörən siyasəti və səmərəli fəaliyyəti nəticəsində Azərbaycan idmançılarının bütün yarışlarda yüksək nailiyyətlər əldə etməsiylə yanaşı, beynəlxalq səviyyəli idman yarışları  da ölkəmizdə keçirilməyə başladı:

"Artıq Azərbaycanda idman dövlət siyasətinin tərkibinə çevrilib. Bu gün Azərbaycan ənənə halını alan mötəbər və beynəlxalq idman yarışlarının keçirildiyi bir ölkədir. Təbii ki, bu yarışların Azərbaycanda keçirilməsinin müstəsna əhəmiyyəti var. Təsadüfən bu gün idman dünyada sülhün, barışın açarı hesab edilir. Necə deyərlər, müasir dünyada idman güclü potensiala və imkanlara malik siyasi təsir vasitəsidir. Dünya ölkələri bu alətdən məqsədlərini reallaşdırmaq üçün istifadə edirlər. Ona görə də bu gün idman beynəlxalq münasibətlərin ayrılmaz tərkib hissəsinə çevrilib. İdman beynəlxalq əməkdaşlığın fəallaşdırılması vasitəsi, münaqişələrin qarşısının alınması və mədəniyyətlərarası dialoqun qurulması aləti  kimi çıxış edir.  Azərbaycan da bu vasitədən istifadə edərək özünü dünyaya təqdim etməyə çalışır. İdman universal olduğundan, irqindən, dərisinin rəngindən, dini etiqadından, ideoloji baxışlarından asılı olmayaraq, hamı üçün anlaşılandır, bu da onun əhəmiyyətini artırır. Azərbaycan idmanın bu imkanlarından yararlanaraq beynəlxalq münasibətlər sistemində və dünya ölkələri ilə əlaqələrin, əməkdaşlığın möhkəmləndirilməsində istifadə edir. Azərbaycan bu Festivalı keçirməklə özünü dünyaya bir daha sülh və barış ölkəsi kimi nümayiş etdirəcək”.


Ülvi Quliyev Azərbaycanda idmanın inkişafında Azərbaycanın Birinci vitse-prezidenti MehribanƏliyevanın da müstəsna və danılmaz rolunun olduğunu bildirib:

 “M. Əliyevanın idmana olan qayğısı  və təşəbbüsü ilə Azərbaycanda bir sıra beynəlxalq səviyyəli idman yarışları keçirilib. Birinci Avropa Oyunları və gimnastika sahəsində qazanılan parlaq nailiyyətlər bunun bariz nümunəsidir. Birinci Avropa Oyunları bunun bariz nümunəsidir. Mehriban xanım  Əliyeva  bu sahədə öz üzərinə  missiyasını şərəflə yerinə yetirməkdədir. İdmançılarımız onun qayğısını, diqqətini və dəstəyini  hər zaman hiss etməkdədir. O idmançılarmıza mənəvi dəstək verməklə yanaşı,  ölkəmizin idman sahəsində beynəlxalq aləmdə tanıdılması sahəsində də yorulmdan fəaliyyət göstərir. Onun bu fəaliyyəti nəticəsində həm ölkədə idman daha da kütləvi xarakter alır, həm dünyada nüfuzumuz artır. İdmanın kütləviləşməsi isə gənc sağlam nəslin yetişməsində müstəsna rol oynayır. Elə Gənc Avropa Olimpiya Oyunlarının Azərbaycanda keçirilmsəinin bir məqsədi də ölkədə idmanın kütləviləşməsi, sağlam gənc nəslin yetişməsinə nail olmaqdır. Bux, bu Festival da həmin məqsədə xidmət edir. Bu yolla  ölkə rəhbərliyi gənc nəsli idmana həvəsləndirir. Yeniyetmə və gənclərimiz həm fiziki cəhətdən, həm də mənəvi cəhətdən sağlam böyüyürlər.Bu eyni zamanda gənc nəslin vətənpərvər ruhda böyüməsində müstəsna rola malikdir. Ölkə başçısı ilə yanaşı, Birinci vitse-prezident Mehriban xanım Əliyeva  gələcək nəslin fiziki-mənəvi cəhətdən sağlam və vətənpərvər ruhda böyüməsi ciddi səy göstərirlər. Bu onların yürütdüyü siyasətin əsas piorotetlərindən birini təşkil edir". 

 Artıq “Bakı 2019” Avropa Gənclər Yay Olimpiya Festivalına saylı günlərin qaldığını  qeyd edən Ü.Quliyev bildirib ki, Azərbaycan  növbəti  mötəbər idman yarışına tam hazır vəziyətdədir: “Bu mötəbər  yarış da digər idman yarışları kimi çox yüksək səviyyədə təşkil olunacaq və keçiriləcək. Azərbaycan polisi və müvafiq qurumlar yarışların  yüksək səviyyədə keçməsi üçün ictimai-asayişi  qoruyacaqlar”.
Komitə sədrinin sözlərinə görə, bu yarışın keçirilməsi də bir daha beynəlxalq aləmin Azəbaycan olan münasibətinin göstəricisidir: 
““Bakı 2019” Avropa Gənclər Yay Olimpiya Festivalının Azərbaycanda keçirilməsi bir daha ölkəmizə olan inam və etimadın göstəricisi kimi dəyərləndirilməlidir. Bu yarış da ölkəmizin beynəlxalq aləmdəki mövqeyinin möhkəmlənməsinə, nüfuzunun artmasında müstəsna rol oynayacaq”.
Millət vəkili əlavə edib ki, bu yarışlar  Azərbaycanın  həm iqtisadi-sosail durumunun, mədəniyyətinin, tarixinin, həqiqətlərinin tanıdılması baxımından  əhəmiyyət kəsb edir. “Bu yarışlar ölkəmizin turizm potensialının inkişafına da müsbət təsir göstərəcək. Ümumiyyətlə, belə mötəbər yarışların, tədbirlərin keçirilməsi Azərbaycana hər mənada divident  gətirən amildir.  Avropa Gənclər Yay Olimpiya Festivalı da çox yüksək səviyyədə keçiriləcək və iştirak edən qonaqlar Azərbaycan haqqında  yüksək fikirlə geri dönəcəklər. Onlar dünyada Azərbaycanın təbliğatçılarına çevriləcəklər”.

Mürtəza
Ölkə.Az