"Bələdiyyələr heç özlərini idarə edə bilmirlər” — Millət vəkili

13:20
12.02.2019
929
Siyasət
A
Bələdiyyələrin 20 illik fəaliyyətinə nəzrə salıb təhlil etsək, o zaman görərik ki, yerli özünüidarəetmə orqanı olan bələdiyyələr heç özlərini idarə edə bilmirlər.

"Ölkə.Az” xəbər verir ki, bunu deputat Əli Məsimli parlamentdə Bələdiyyələrin fəaliyyətinə inzibati nəzarəti həyata keçirən orqanın illik hesabatının müzakirəsi zamanı deyib.

 Onun sözlərinə görə, əgər bələdiyyələrin fəaliyyətini canlandırmaq istəyirksə, bura uğurlu kadrlar seçilməsinə nail olmalıyıq. 
“Bu gün bələdiyyələrin öz problemlərini həll etmək iqtidarında deyil kimi səslənən fikirlərlə razı deyiləm. Kadrlar yerində olsa, bu problem həll olunar. Əgər bələdiyyələr yerli problemlərin həlli istiqamətində qanunvericilik çərçivəsində addım atsa, onda biz bu qurumun fəaliyyətinin canlandırılmasının şahidi olarıq. Bələdiyyələr öz səlahiyyətini dərk edərsə, o zaman bələdiyyələr topraq satan qurumdan yerli problemləri həll edəcək quruma çevriləcək. Bu da eyni zamanda yerlərdəki paralel idarəetməni aradan qaldırmağa xidmət edəcək”, - deyə millət vəkili bildirib.

Deputat eyni zamanda deyib ki, ölkədə bələdiyyələrin səmərəli fəaliyyətini təmin etmək üçün bələdiyyələrin sayı azaldılmalıdır. 
“Bu gün 1700-dən artıq bələdiyyə var ki, bu çoxdur və bu say azaldılmalıdır”,- deputat deyib.

 Mürtəza
 Ölkə.Az

ŞƏRH YAZ
0

Bu gün Milli Məclisin plenar iclası keçiriləcək

Bu gün Milli Məclisin plenar iclası keçiriləcək
10:51
Bu gün
227
Siyasət
A
Azərbaycan Milli Məclisinin növbədənkənar sessiyasının növbəti plenar iclası keçiriləcək.

“Ölkə.Az” xəbər verir ki, iclasın gündəliyinə 49 məsələ daxildir.

İclasda əvvəlcə "Azərbaycan Respublikasının 2018-ci il dövlət büdcəsinin icrası haqqında" (üçüncü oxunuş), "Azərbaycan Respublikasının 2019-cu il dövlət büdcəsi haqqında" (birinci oxunuş), "Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında" (birinci oxunuş) qanun layihələrinə baxılacaq.

Gündəliyə "Məhkəmələr və hakimlər haqqında", "Əmək pensiyaları haqqında", "Dövlət rüsumu haqqında", "Yol hərəkəti haqqında" qanunlarına, o cümlədən Cinayət, Cinayət-Prosessual, İnzibati Xətalar, Mülki, Mülki Prosessual, Miqrasiya, Vergi və Su məcəllələrinə dəyişiklik layihələri də daxildir.

Deputatlar "Lombardlar haqqında" qanun layihəsini də (birinci oxunuş) müzakirə edəcəklər.

Plenar iclasın davamı iyunun 28-də keçiriləcək.

ŞƏRH YAZ
0

NATO-dan Rusiyaya xəbərdarlıq

NATO-dan Rusiyaya xəbərdarlıq
23:22
26.06.2019
5987
Siyasət
A
NATO baş katibi Yens Stoltenberq Rusiyaya Orta Mənzilli Nüvə Qüvvələri Müqaviləsinə aid (INF) öhdəliklərini yerinə yetirməsi üçün müraciət edib.

“Ölkə.Az” TRT-yə istinadən xəbər verir ki, Stoltenberq əks halda NATO-nun cavab verməli olacağı barədə xəbərdarlıq edib:

“Rusyanın INF müqaviləsini xilas etmək üçün avqustun 2-ə qədər vaxtı var. Rusiyaya müqavilənin öhdəliklərini yerinə yetirməsi üçün müraciət etməyə davam edirik. Lakin bu baş verməsə, NATO cavab verməli olacaq”.

O, bu məsələnin çox ciddi məsələ olduğunu qeyd edərək, vaxtın daraldığını, NATO-nun görə biləcəyi tədbirləri müzakirə edəcəyini və bunları avqustun 2-dən sonra həyata keçirməyə başlayacağını qeyd edib.

Ölkə.Az

ŞƏRH YAZ
0
BAĞLA