"Bələdiyyələr orta və kiçik biznesin inkişafına mane olur" — Qüdrət Həsənquliyev

12:58
13.02.2018
3603
Siyasət
A
"Hər il müvafiq dövlət qurumu bələdiyyələrlə bağlı keçirilən tədbirlər barədə hesabat verir, lakin onların ölkə həyatındakı rolunun artırıması istiqamətində hökümətdən müvafiq qanun layihələri parlamentə daxil olmur".

“Ölkə.az” xəbər verir ki, bu sözləri millət vəkili Qüdrət Həsənquliyev Milli Məclisdə “Bələdiyyələrin statusu haqqında” qanuna dəyişikliklərin müzakirəsində çıxışı zamanı deyib.

Millət vəkili bildirib ki, ölkə prezidenti kiçik və orta sahibkarlığın inkişafına dəstək verir, lakin bələdiyyələr onların fəaliyyətinə mane olur:

“Bəzən sahibkar Bakı ətrafında mazutlu torpaq sahəsini icarəyə götürmək istəyirlər. Bütün sənədlər hazır olanda bələdiyyə sədri torpağın sonuncu auksion qiymətinə satılacağını deyir. Bələdiyyələr yerli icra hakimiyyətləri ilə birlikdə cinayət sövdələşməsinə gedib sahibkarların marağına toxunurlar. Bələdiyyə sədrləri ərazidəki sahibkarlardan abadlıq üçün tikinti materialı götürürlər , lakin sonra həmin pul geri qaytarılmır. Hesab edirəm ki, Ədliyyə Nazirliyi bu  qanunsuzluqların qarşısının alınmasında xüsusi rol oynamalıdır. Çox zaman icra hakimiyyətləri bu qanunsuzluqları bələdiyyələrin əli ilə gördürür. Mənə bir diş həkimi müraciət etmişdi, onun obyekti qanunsuz halda icra hakimiyyəti tərəfindən sökülmüşdü. Bələdiyyə isə bu məsələdə vətəndaşın tərəfində olmur.”

Vasif Həsənli
Ölkə.Az

ŞƏRH YAZ
0

Övladlığagötürmə prosesində şəffaflıq təmin ediləcək

Övladlığagötürmə prosesində şəffaflıq təmin ediləcək
17:36
Bu gün
185
Siyasət
A
Prezident İlham Əliyev övladlığagötürmə sahəsində idarəetmənin təkmilləşdirilməsi ilə bağlı tədbirlər haqqında fərman imzalayıb.

"Ölkə.Az" xəbər verir ki, Fərman övladlığagötürmə sahəsində idarəetmə mexanizminin, valideyn himayəsindən məhrum olmuş və övladlığa götürülən uşaqların, habelə onları övladlığa götürməyi arzu edən şəxslərin uçotunun təkmilləşdirilməsi, eləcə də övladlığagötürmə prosesində şəffaflığın təmin edilməsi, övladlığa götürülmüş uşaqların yeni ailələrdə yaşaması və inkişafı prosesinə nəzarətin gücləndirilməsi məqsədilə imzalanıb.

Fərmana əsasən övladlığagötürmə sahəsində dövlət siyasətini və tənzimləməni, o cümlədən valideyn himayəsindən məhrum olmuş və övladlığa götürülən uşaqların və onları övladlığa götürməyi arzu edən şəxslərin (Azərbaycan Respublikası vətəndaşlarının, əcnəbilərin və vətəndaşlığı olmayan şəxslərin) vahid uçotunun elektron qaydada aparılmasını, övladlığagötürmənin əsaslandırılmasını və övladlığa götürülən uşağın mənafeyinə uyğunluğu haqqında rəy verilməsini, Azərbaycan Respublikasının vətəndaşı olan uşaqları əcnəbilərin və ya vətəndaşlığı olmayan şəxslərin övladlığa götürməsinə razılıq verilməsini və həmin şəxslərə hüquqi yardım göstərən akkreditə edilmiş orqanın müəyyənləşdirilməsini, habelə övladlığagötürmənin ləğvinin tələb edilməsini, övladlığagötürmə sahəsində vahid nəzarəti, eləcə də əcnəbilər və vətəndaşlığı olmayan şəxslər tərəfindən övladlığa götürülmüş Azərbaycan Respublikası vətəndaşı olan uşaqların həyat şəraiti ilə bağlı nəzarət tədbirlərini Əmək və Əhalinin Sosial Müdafiəsi Nazirliyi həyata keçirəcək.

Bundan başqa, Əmək və Əhalinin Sosial Müdafiəsi Nazirliyi valideyn himayəsindən məhrum olmuş və övladlığa götürülən uşaqların və onları övladlığa götürməyi arzu edən şəxslərin uçotunun, həmçinin övladlığagötürmə sahəsində digər xidmətlərin elektron qaydada aparılmasını təmin etmək məqsədilə nazirliyin mərkəzləşdirilmiş elektron informasiya sistemində “Valideyn himayəsindən məhrum olmuş uşaqlar və övladlığagötürmə” altsisteminin yaradılmasını və 2019-cu il iyunun 1-dən fəaliyyətə başlamasını təmin edəcək.

Fərmanda Nazirlər Kabinetinə və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə müvafiq tapşırıqlar verilib. 

ŞƏRH YAZ
0

Bakı şəhər İcra Hakimiyyəti "Qarabağ mitinqi"nə icazə vermədi — RƏSMİ CAVAB

Bakı şəhər İcra Hakimiyyəti
17:35
Bu gün
199
Siyasət
A
Bakı şəhər İcra Hakimiyyəti Qarabağ Komitəsinin Koordinatorlar Qrupunun dekabrın 15-ə təyin etdiyi mitinqlə bağlı müraciətinə cavab verib.

"Ölkə.Az" xəbər verir ki, cavab məktubunda Bakı şəhər İcra Hakimiyyəti dekabrın 15-ə planlaşdırılan mitinqi məqəsədəuyğun hesab etməyib. 

Bakı şəhər İcra Hakimiyyətinin Qarabağ Komitəsinin Koordinatorlar Qrupuna verdiyi cavab məktubunu təqdim edirik:

Vasif Həsənli
Ölkə.Az

ŞƏRH YAZ
0
BAĞLA