Bəraət alan MTK sahibi vergi cinayəti ilə yenidən məhkəmə qarşısına çıxacaq

 “Ölkə.Az”-ın xəbərinə görə, may ayının 22-də cinayət məcəlləsinin 213.2.2-ci (vergi ödəməkdən yayınma, külli miqdarda törədildikdə) maddəsi ilə təqsirli bilinən Əkbərov Ağakərim Elman oğlunun cinayət işinə Ali Məhkəmədə hakim Gülzar Rzayevanın sədrliyi ilə baxılacaq. 

Belə ki, 2017-ci il avqust ayının 17-də Xətai Rayon Məhkəməsində vergidən yayınmaqda təqsirləndirilən Ağakərim Əkbərova hakim Habil Məmmədovun sədrliyi ilə keçirlən prosesdə hökm oxunub. Məhkəmənin hökmü ilə A.Əkbərovun barəsində bəraət hökmü çıxarılıb.

Qeyd edək ki, iş adamı olan A.Əkbərov Bakıda çoxmərtəbəli binaların tikintisi ilə məşğul olur. O, 416 min manat vergidən yayınmaqda təqsirli bilinərək həbs edilib.

Daha sonra məhkəmə A.Əkbərovun barəsində ev dustaqlığı qətimkan tədbiri seçib.