Bərdə sakini ov zamanı dostunu güllələdi — VİDEO

Bərdə sakini ov zamanı dostunu güllələdi
23:47
15.10.2018
1720
Hadisə
A
Bərdə rayonunda ov zamanı ölümlə nəticələnən bədbəxt hadisə baş verib.

"Ölkə.Az" “Xezerxeber”ə istinadən xəbər verir ki, rayonun Gulgəzli kənd sakini, 24 yaşlı Sadiq Tapdıqbəyli dostu və sinif yoldaşı olan 24 yaşlı Yaşar Kərimovu güllələyib. 

Y. Kərimov aldığı güllə yarasından hadisə yerində ölüb.

Bərdə rayon prokurorluğundan bildirilib ki, hadisəni törədən S. Tapdıqbəyli saxlanılaraq istintaqa cəlb edilib. 

Faktla bağlı araşdırmalar davam etdirilir.

Ölkə.Az

ŞƏRH YAZ
0

Azərbaycanda həkim səhvinə görə körpə öldü

Azərbaycanda həkim səhvinə görə körpə öldü
18:48
Bu gün
38
Hadisə
A
Azərbaycanda həkim səhlənkarlığı nəticəsində 3 aylıq körpə ölüb.

"Ölkə.Az" xəbər verir ki, bu barədə "Report"a şikayət edən körpənin babası Sərraf Əskərov bildirib.

Onun sözlərinə görə, nəvəsi Mədinə Əskərzadənin səhhətində problem olduğu üçün martın 28-də Səhiyyə Nazirliyi Respublika Uşaq Klinik Xəstəxanasına aparılıb: "Uşaqda halsızlıq və iştahsızlıq olduğu üçün həkimə apardıq. Həmin vaxt Mədinənin üzünə baxanda gülürdü. Əvvəl uşağı Ulturasəs müayinəsindən (USM) keçirdik, heç bir problemi olmadığını, dalağının, böyrəyinin və ciyərinin təmiz olduğunu dedilər. Dedilər ki, uşağın iştahı olmadığı üçün, bəlkə də, onda qan azlığı ola bilər.

Respublika Uşaq Klinik Xəstəxanasının Qəbul şöbəsində olan zaman xəstəxananın Reanimasiya şöbəsinin müdiri Sevda Əliyevanı yanımıza çağırdılar. Onunla birgə uşağı yuxarı çıxartdıq. Orada əvvəl bizə söylədilər ki, uşaq sapsağlamdır, onun heç nəyi yoxdur. Gördülər ki, biz Mədinənin bu halından çox narahatıq. Sonra Reanimasiya şöbəsinin həkimi Sədaqət Əbilova gəlib uşağa baxdı. O dedi ki, körpəni əli ilə yoxlaması nəticəsində Mədinənin dalağı və ciyərinin böyüdüyü məlum olub. USM-in nəticəsi olan sənədi ona göstərdik. Sədaqət həkim mənə dedi ki, "30 ilin həkimiyəm, mən belə şeyləri yaxşı bilirəm".

Biz yenidən uşağı USM-dən keçirdik və uşağın heç bir problemi olmadığını söylədilər.

Biz Mədinəni Reanimasiya şöbəsində saxladıq. Növbətçi həkimlər orada olan zaman gəlinimə bildirib ki, "belə sağlam uşağı niyə bura götürüblər? Bu körpə burada deyil, palatada yatmalıdır".

Həmin gün - martın 28-də Sədaqət Əbilova ilə Sevda Əliyeva körpəyə I+ qan lazım olduğunu qeyd etdilər. Biz Qanköçürmə İnstitutunda qan verdik, lakin Reanimasiya şöbəsində qanı bizə pulla satdılar. Əvvəl 120 manat pul istədilər, 50 manata razılaşdıq. Sonra Mədinəyə qanın bir qismini vurdular. Ertəsi gün isə uşağa qan vurulan zaman gəlinim zəng vurub uşağın çox incidildiyini, damarına düşə bilmədiklərini və bədəninin deşik-deşik olduğunu söylədi. Neçə saat uşağın üstündə çalışıblar və sonra onun damarına düşə biliblər. Get-gedə Mədinənin vəziyyəti pisləşirdi. Bir sözlə, xəstəxanadan 3 dəfə pulla qan aldıq, körpəyə 6 dəfə qan vurdular. Hər dəfə qan vurulanda uşaq özündən gedirdi. Səbəbini soruşanda isə deyirdilər ki, "qan vurulanda belə olmalıdır". Biz də həkimlərə inanırdıq.

Mədinə düz 8 gün xəstəxanada çox əziyyət çəkdi. Hətta bizə hər gün başqa-başqa analizlər verdirib, dərmanlar aldırırdılar. Həmçinin gərək hər gün biz onların pullarını verəydik. Pul verməyəndə hamısı öz dilləri ilə istəyirdilər".

S.Əskərov qeyd edib ki, nəvəsinin halı pisləşəndən sonra onu Respublika Uşaq Klinik Xəstəxanasından çıxarıb, İrana aparmaq qərarına gəliblər: "Biz bu barədə həkimlərə deyəndə bildirdilər ki, "İrana niyə aparırsız, biz burada müalicə edirik, 200 manatlıq iynələrimiz var, onlardan vurub uşağı düzəldərik".

Mən soruşdum ki, uşağın sağalmasına təminat verirsiniz? Dedilər ki, biz heç kəsə təminat vermirik. Mən də söylədim ki, "göz görə-görə balamız burada ölür, nəyə görə bu xəstəxanada saxlamalıyıq?"

Bizi iki gün də xəstəxanada yubatdılar, guya sənədləri hazırlayırdılar. Hətta uşağın "Xəstəlik tarixçəsi" olan sənədləri də bizə vermədilər. Xəstəxanada nəvəmə "rubila virusu" diaqnozu qoydular. Xəstəxanadan çıxanda isə bizim üstümüzə gəlib "axı bu gün bizi görmədiniz" deyirdilər. Mən nəvəmin dərdindəydim, bunlar isə pul dərdində idilər. Sonra Lənkərana yollanıb, Mədinənin şəxsiyyət vəsiqəsini hazırlayan zaman onun "Medical Hospital"da qan qrupunun II+ olduğunu öyrəndik. Sonra nəvəmin Bakıda doğulduğu xəstəxana ilə danışdıq. Oradan da bizə dedilər ki, Mədinə II+ qan qrupuna aidir. Biz uşağın sənədlərinə baxdıq ki, Bakıda Respublika Uşaq Klinik Xəstəxanasında nəvəmə I+ qan köçürüblər. Hətta uşağın sənədlərində də bu barədə qeyd edilib. Tez Sevda həkimlə danışıb, nəvəmə səhv qan köçürüldüyünü bildirdim. O isə digər xəstəxana həkimlərinin yalan danışdığını bildirdi.

Biz sənədləri hazırlatdırıb, İrana yollandıq. Təbriz xəstəxanasına çatana yaxın nəvəmin halı daha da pisləşdi, özündən getdi. Xəstəxanada tez həkimlər Mədinənin başına yığışıb, ona baxdılar, suni nəfəs verdilər. Həkimlər bildirdilər ki, körpənin böyrəkləri artıq sıradan çıxıb, Mədinəni xəstəxanaya gec çatdırmışıq. Sonra uşağın qarnına dializ aparatı qoşdular, o, koma vəziyyətində Təbriz xəstəxanasında müalicə olunurdu. Həkimlər qan qrupunu yoxladılar və məlum oldu ki, Mədinə II+ qan qrupuna aiddir. Təbriz xəstəxanasının həkimləri söylədilər ki, nəvəmin bu vəziyyətə düşməsinə səbəb Bakıda səhv qan vurulması olub, daxilə qan gedib. Lakin Bakıdakı həkimlər bunu bilməyib. Düz 11 gün Mədinə Təbriz xəstəxanasında komada qaldı, ayılmadı. Həkimlər nəvəmin komadan ayılmayacağını, heç bir ümidinin qalmadığını dedilər. Çox sağ olsunlar ki, Təbrizdəki həkimlər nəvəmə canla-başla xidmət göstərdilər, hətta öz təcili tibbi yardım maşınları ilə sərhəddə qədər bizi gətirdilər. Sonra biz Lənkərana gəldik. Rayondakı həkimlər də dedilər ki, artıq uşaq ölmək üzrədir, onun süni nəfəsini ağzından çıxarandan sonra Mədinə dünyasını dəyişdi".

S.Əskərov vurğulayıb ki, bu barədə hüquq-mühafizə orqanlarına və məhkəməyə müraciət ediləcək: "Biz Bakıdakı həkimlərdən - Respublika Uşaq Klinik Xəstəxanasında çalışan Sevda Əliyeva və Sədaqət Əbilovadan şikayətçiyik. Balamız onların səhlənkarlığı ucbatından rəhmətə getdi. İstəmirik ki, bizim çəkdiklərimizi digər valideynlər də çəksin. Biz həmin həkimlərlə məhkəmədə görüşəcəyik. Onlar mütləq cinayət məsuliyyətinə cəlb edilməlidir. Mən evdə Mədinənin anası - gəlnimin halına çox pis olmuşam. Axı ana 3 aylıq körpəsini itirdi. Bizim Səhiyyə Nazirliyi hara baxır?"

Şikayətçinin "Report"a təqdim etdiyi sənədlərə əsasən, 31 saylı Birləşmiş Şəhər Xəstəxanasında və "Medican Hospital"da Mədinə Əskərovanın qan qrupunun II+ olduğu qeyd edilib. Təqdim edilən digər sənədə görə, Respublika Uşaq Klinik Xəstəxanasında ona I+ qan köçürülüb. Həmin sənədi Reanimasiya şöbəsinin müdiri Sevda Əliyeva və müalicə həkimi Sədaqət Əbilova imzalayıb.

Məsələ ilə bağlı Respublika Uşaq Klinik Xəstəxanası və Səhiyyə Nazirliyindən münasibət öyrənmək mümkün olmayıb. 

ŞƏRH YAZ
0

Zərdabda DƏHŞƏTLİ qətl — Ər arvadının başını kəsdi

Zərdabda DƏHŞƏTLİ qətl
16:21
Bu gün
2204
Hadisə
A
Zərdabda arvadını qətlə yetirməkdə təqsirli bilinən A. Astanov barəsində çıxarılan məhkəmə qərarından apelyasiya protesti verib.

"Ölkə.Az" xəbər verir ki,  Şirvan Apellyasiya Məhkəməsində hakim Elşad Əliyevin sədrliyi ilə keçirilən prosesdə prokurorluğun verdiyi apelyasiya protestinə baxılıb. Məhkəmə təqsirləndirilən Astanov Aqşin Gülüş oğlu barəsində verilən apelyasiya protestini qismən təmin edib. Birinci instansiya məhkəməsinin qərarı dəyişdirilərək azadlıqdan məhrumetmə cəzası 18 il 6 ay müddətinə qədər artırılıb.

Qeyd edək ki, Lənkəran Ağır Cinayətlər Məhkəməsinin hökmü ilə Aqşin Astanov 18 il azdlıqdan məhrum edilib.

Hadisə 2016- cı ilin oktyabr ayında Zərdab rayonunda baş verib. Rayonun Yarməmmədbağı kəndində 1983-cü il təvəllüdlü kənd sakini Aqşin Usub oğlu Astanov, həyat yoldaşı, 1993-cü il təvəllüdlü Rüksanə Rüstəm qızı Atsanovanın başını kəsərək qətlə yetirib.

Rayondakı şəxsi təsərrüfatlardan birində çobanlıq edən Astanov ailə-məişət zəminində həyat yoldaşını qətlə yetirəndən sonra özü hadisə barədə hüquq-mühafizə orqanlarına məlumat verib. 

Qeyd edək ki, Aqşin Astanov Rüksanə Astanovadan əvvəl iki dəfə ailə həyatı qurub. Onun sonuncu nikahdan 3 uşağı var. 

Natiq Allahverdiyev
Ölkə.Az

ŞƏRH YAZ
0
BAĞLA