Bərdədə daş salnamə aşkar edilib

Bərdədə daş salnamə aşkar edilib
22:24
16.06.2017
20
Mədəniyyət
A
Bərdə rayonunda daş salnamə aşkar edilib.

Yazılı abidə rayonun Soğanverdilər kəndindəki əkin sahəsində subartezan quyusunun yaxınlığında tapılıb. 

Hər iki üzərində müxtəlif işarələr və rəqəmlərin əks olunduğu daş salnamənin 2500 ilə yaxın yaşı olduğu güman edilir.  Maddi mədəniyyət nümunəsi araşdırılmaq məqsədi ilə Bərdə Tarix və Diyarşünaslıq Muzeyinə gətirilib.

Bərdə Regional Mədəniyyət və Turizm İdarəsinin müdiri İlyas Hacıyev “Report”un yerli bürosuna bildirib ki, qədim daşın üzərindəki işarələrin oxunması üçün Azərbaycan Milli Elmlər Akademiyasına (AMEA) müraciət olunub. 

Qeyd edək ki, daşın çəkisi təqribən 500 kiloqrama yaxındır.  

ŞƏRH YAZ
0

Xalq artisti xəstəxanaya yerləşdirildi — Vəziyyəti ağırdı

Xalq artisti xəstəxanaya yerləşdirildi
17:32
16.01.2018
2444
Mədəniyyət
A
Respublikanın Xalq Artisti, Lənkəran Dövlət Dram eatrının aktrisası Böyükxanım Əliyeva ağ ciyər və ürək çatışmazlığı diaqnozu ilə 1 saylı şəhər klinik xəstəxanasına ("Semaşko" yerləşdirilib.

"Ölkə.Az"-ın məlumatına görə, bu barədə sosial şəbəkədə əməkdar artist Qurban Məsimov yazıb. 

Qeyd edək ki, hazırda reanimasiya şöbəsində olan aktrisanın vəziyyəti ağırdır. 

Qeyd edək ki, B.Əliyeva 1945-ci ildə Xaçmazda anadan olub.

 Ölkə.Az

ŞƏRH YAZ
0

Xalq artisti Çingiz Sadıxovla vida mərasimi başladı — FOTO / YENİLƏNİB

Xalq artisti Çingiz Sadıxovla vida mərasimi başladı
14:11
16.01.2018
1612
Mədəniyyət
A
Xalq artisti Çingiz Sadıxovla vida mərasimi keçirilib.

"Ölkə.Az"ın APA-ya istinadən xəbərinə görə, mərasimdə mədəniyyət və turizm naziri Əbülfəz Qarayev, nazir müavini Ədalət Vəliyev, xalq artistləri Fərhad Bədəlbəyli, Ağaverdi Paşayev və başqaları iştirak ediblər.

F. Bədəlbəyli Ç. Sadıxovun vəfatını Azərbaycan mədəniyyəti və musiqisi üçün böyük itki kimi dəyərləndirib. O qeyd edib ki, Azərbaycan musiqisində Ç. Sadıxovun özünəməxsus yeri və xidmətləri var.

Mərhumun cənazəsi dəfn üçün II Fəxri Xiyabana götürülüb.

***

Xalq artisti, pianoçu Çingiz Sadıxovla Təzə Pir məscidində vida mərasimi keçirilir.

"Ölkə.Az"ın APA-ya istinadən xəbərinə görə, mərasimdə mədəniyyət və turizm nazirinin müavini Ədalət Vəliyev, mərhumun sənət yoldaşları, ailə üzvləri və yaxınları iştirak edir.

Vida mərasimi saat 14.00-da başa çatacaq.

Xalq artisti Bakıda II Fəxri xiyabanda dəfn ediləcək.

Qeyd edək ki, Çingiz Hacı oğlu Sadıxov 1929-cu il aprelin 5-də Bakıda anadan olub. İlk musiqi təhsilini paytaxtdakı Onillik musiqi məktəbində (indiki Bülbül adına Orta ixtisas musiqi məktəbi) alıb. Sonra Ü.Hacıbəyli adına Azərbaycan Dövlət Konservatoriyasının (indiki Bakı Musiqi Akademiyası) Fortepiano fakültəsində, Moskva Dövlət Konservatoriyasının aspiranturasında oxuyub. 

Görkəmli musiqiçi Azərbaycan Dövlət Filarmoniyasının solisti və konsertmeysteri olub, Bülbül, Rəşid Behbudov, Müslüm Maqomayev, Lütfiyar İmanov, Fidan və Xuraman Qasımovalar və başqa məşhur vokalçıları müşayiət edib. Çingiz Sadıxov Bakıda 16 saylı musiqi məktəbinin direktoru, “Azkonsert” yaradıcılıq birliyinin bədii rəhbəri, Bakı Musiqi Akademiyasının professoru vəzifələrində çalışıb, eləcə də Yəmən Demokratik Respublikasında İncəsənət İnstitutunun təşkilatçısı və müəllimi olub.

Çingiz Sadıxov 1959-cu ildə Azərbaycanın Əməkdar artisti, 1987-ci ildə Xalq artisti fəxri adlarına layiq görülüb. Prezident İlham Əliyevin 2009-cu il 28 oktyabr tarixli sərəncamı ilə Azərbaycan musiqi sənətinin inkişafında xidmətlərinə görə “Şöhrət” ordeni ilə təltif edilib.

Musiqiçi 1994-cü ildən ABŞ-ın San-Fransisko, son vaxtlar isə San-Xose şəhərlərində yaşayıb. 2017-ci il dekabrın 30-da orada dünyasını dəyişib.

ŞƏRH YAZ
0
BAĞLA