Berkay \"Arda Turan\" məhkəməsinin nəticəsindən narazı qaldı

“Ölkə.Az” xəbər verir ki, Ş.Berkay bununla bağlı sosial mediada  adı çəkilən məhkəmə qərarı ilə bağlı açıqlama yayıb.

O deyib ki, qarşı tərəf nə qədər çalışsa da, bəraət ala bilmədi. “Ən azından bir neçə maddə ilə ittiham olunaraq 2 il 8 ay müddətinə cəza aldı. Məhkəmə eyni zamanda çıxardığı qərarda  hökmün ”geriyə oxunması”nı da qərarda  qeyd edib.

Bu o deməkdir ki, cinayət edən şəxs 5 il müddətində təkrarən belə hərəkətə yol verərsə, o zaman əvvəlki cəza da həmin cəzanın üstünə gələrək hökm çıxarılacaq. Məhkəmə qərarına gəldikdə isə mən qərardan razı deyiləm və daha yuxarı instansiya məhkəməyə müraciət edəcəyəm. Əgər mən bu gün bu mübarazidən geri çəkilərəmsə, o zaman xəsətxanalara basqın edənlər, qadınla yolda gedərkən arxadan insanlığa sığmayan qaydada hücum edib insanın boynunu qıranlar hələ də olacaq. Mən  belə bir ölkə istəmirəm. Bədəli nədirsə ödəyərək  belə bir ölkədə haqqım uğrunda  sonunadək mübarizə aparacağam”-Ş.Berkay bildirib. 

Arda Turan da öz növbəsində məhkəmə qərarı  və  cinsi təcavüzə cəhd maddəsi ilə bağlı irəli sürülən ittihamdam  bəraət alması barədə sosial mediadan yazılı açıqlama paylaşıb: “Bir iftira, həm də ağır bir iftiradan özümü qoruma təcrübəsi əldə etdim. Çünki mən danışığımda belə hər hansı təcavüzlə bağlı ifadələrə yol verməmişəm və bu mümkün də deyil. Bundan sonra məqsədim daha çox çalışıb  hər zaman yanımda olan dostları, ailəmi, futbol klubumu qürurlandırmaq olacaq. Deyəcəyim daha bir şey var, bu da ondan ibarətdir ki, üstümə atılan iftiralara görə, etdiyim günaha görə aldığım cəza yox, zorlama ittihamından bəraət aldığıma görə Allaha şükr edirəm”.

Onu da qeyd edək ki, Arda “Kanal D”-yə açıqlamasında qərardan daha yüksək instansiya məhkəməsinə  şikayət edərək qarşı tərəfin ona vurduğu  maddi-mənəvi ziyana  görə ən yüksək təzminat tələb edəcəyini bildirib.

Ölkə.Az