Berlində polislərə silahlı hücum
"Ölkə.Az" xəbər verir ki, hadisə paytaxt Berlinin Kroyçberq rayonunda qeyd alınıb. Naməlum şəxs polislərə hücum edib. Bu barədə Almaniya polisi məlumat yayıb.
Verilən məlumata görə, hadisə xəstəxananın yaxınlığında baş verib. Hücum edən şəxs polisləri silahla hədələyib. Silahlı şəxs çoxsaylı təslim olmaq tələblərinə tabe olmayaraq polis əməkdaşlarına hücum edib. Asayiş keşikçiləri hücum edən şəxsi dayandırmaq məqsədi ilə xidməti silahdan atəş açmağa məcbur olublar. Həmin şəxsin ayağından yüngül yaralandığı bildirir.
“Qəfildən silahlı şəxs əməkdaşlarımıza hücum edərək, onları təhdid edib. Həmin şəxsi dəfələrlə təslim olmağa çağırsalar da, həmin şəxs polislərə atəş açıb. Əməkdaşlarımız ona cavab atəşə açmağa məcbur olublar. Nəticədə silahlı şəxs ayağından yaralanıb. Onu xəstəxanaya yerləşdiriblər. Biz bundan başqa heç nə deyə bilmərik”, - deyə Berlin polisi məlumat yayıb.
Ehtimal olunur ki, polislərə hücum edən şəxs terorçudur. Hadisənin də terror aktı olduğu istisna olunur.
Faktla bağlı araşdırma aparılır.
Ziya Səccad
Ölkə.Az