Bərzani referendumdan sonra ilk dəfə danışdı — GÖZLƏNİLMƏZ AÇIQLAMALAR

Bərzani referendumdan sonra ilk dəfə danışdı
23:27
26.09.2017
64
Dünya
A
Şimali İraq Kürd Muxtariyyatının lideri Məsud Bərzani keçirilən referendumdan sonra ilk dəfə olaraq açıqlam verib.

“Ölkə.Az” xəbər verir ki, Bərzani video müraciət edərək, İraq hökumətinə səslənib. O, yaydığı video müraciətində bildirib ki, İraq hökuməti kürdləri təhdid etməkdən əl çəkməlidir.

“Biz artıq müstəqilliyimizi qəbul etdik. Bu qərarla bütün şəhədilərimizin ruhu şad oldu. İradəmiz qırılmadı. Artıq bundan sonra kürdlər üçün yeni tarix başlanıb. İraq hökuməti qanunlara əməl edib, insanların azadlıqlarını qorumadı. Lakin biz onlara öz hüquqlarımızı qoruya bildiyimizi bir daha sübut etdik”, - deyə M.Bərzani bildirib.

Kürd lideri əlavə edib ki, hər şeyə rəğmən kürdlər yenə də İraq hökumətilə danışıqlara getməyə hazırdılar:  “Biz danışıqlara hazırıq. Danışıqlar zamanı heç bir problem yaşamaq istəmirik. İraqın baş naziri Heydər əl Abadini  “qapılar”ı  dialoq üçün bağlamamağa çağırıram. Mən qonşu ölkələrə səslənirəm. Biz bölgədə yaranmış problemlərin həll olunmasını istəyirik. Xalqımız kimyəvi silahlarla vurulan zaman Türkiyə və İranın dostluğunu gördük. Mən beynəlxalq aləmə səslənirəm. Bizim xalq terrorla mübarizə aparıb. Minlərlə insanımız bu yolda şəhid olub. Bundan sonra da terrorla mübarizə aparmağa hazırıq. Bizim üçün İŞİD və digər terrorçu qruplar düşməndilər. Biz dostluğa açıq millətik”.

Qeyd edək ki, sentyabrın 25-də Şimali İraq Kürd Muxtariyyatının müstəqillik referendumu keçirilib. İraq hökuməti referendumun qanunsuz olduğunu bəyan edib. Türkiyə dövləti referendumu birmənalı olaraq pisləyib. Lakin referendum baş tutub. Nəticələrə əsasən kürdlər müstəqilliklərini qəbul ediblər.

Ziya Səccad
Ölkə.Az

ŞƏRH YAZ
0

Trampa görə İsa Məsihin torpağında Milad bayramı ləğv olundu

Trampa görə İsa Məsihin torpağında Milad bayramı ləğv olundu
00:55
Bu gün
13
Dünya
A
İsrailin Nazaret şəhərində Milad bayramı ləğv olunub.

“Ölkə.Az” xəbər verir ki, bu barədə “The Times of Israel” qəzeti məlumat yayıb. Verilən məlumata görə, şəhərin meri Əli Salam bildirib ki, bu ildən başlayaraq İsa Məsihin mövludunu qeyd edən Milad bayramı keçirilməyəcək. Bayramla bağlı hazırlanan bütün tədbirlər ləğv ediləcək.

Əli Salam əlavə edib ki, bu qərara ABŞ prezidenti Donald Trampın Qüdsü İsrailin paytaxtı elan etməsindən sonra gəlinib. Onun sözlərinə görə, Trampın bu qərarı şəhər sakinlərində bayrama həvəsi “öldürüb”.

Xristian dinində bildirilir ki, İsa Məsihin uşaqlığı və gəncliyi Nazaret şəhərində keçib. Bu səbəbdən, hər il onun doğum günü bu şəhərdə xüsusi qeyd edilirdi.

Xatırladaq ki, ABŞ Prezidenti Donald Tramp Amerikanın Qüds şəhərini İsrailin paytaxtı kimi tanıdığını elan edib. Onun sözlərinə görə, Qüdsü (Yerusəlim) İsrailin paytaxtı kimi tanımağın vaxtı gəlib çatıb.

“Qərara gəldim ki, Qüdsün İsrailin paytaxtı kimi tanınmasının vaxtı gəlib çatıb. Amerika bu addıma qarşı deyil və Qüdsü İsrailin paytaxtı kimi tanıyacaq”, deyə D.Tramp vurğulayıb.

Onun bu qərarınından sonra “HƏMAS” hərəkatı cümə gününü “qəzəb günü” elan edib. Bundan sonra etiraz aksiyalar böyüyüb.

Ziya Səccad
Ölkə.Az

ŞƏRH YAZ
0

Rusiya və Misir müntəzəm təyyarə uçuşlarını bərpa edib

Rusiya və Misir müntəzəm təyyarə uçuşlarını bərpa edib
00:27
Bu gün
185
Dünya
A
Rusiya və Misir müntəzəm təyyarə uçuşlarını bərpa edib.

“Ölkə.Az” xəbər verir ki, bu barədə Rusiya Nəqliyyat Nazirliyi məlumat yayıb. Verilən məlumata görə, iki ölkə arasında əlaqələri bərpa etmək üçün bu addım atılıb.

“İki il bundan əvvəl Sinay üzərindəki Rusiya təyyarəsinin qəzaya uğramasından sonra iki ölkə əlaqəsi kəsilib. Lakin bu gün iki ölkə əlaqələri düzəltmək üçün təyyarə uçuşlarını bərpa edib”, - deyə məlumatda bildirilib.

Qeyd edək ki, dekabrın 25-də, 2016-cı ilin sonuna bir həftə qalmış Rusiya Müdafiə Nazirliyinə məxsus “Tu-154” təyyarəsinin qəzaya uğraması nəticəsində 92 nəfər həyatını itirib. Rusiyanın Soçi şəhərindən Suriyaya uçan “Tu-154” təyyarəsi Qara dənizdə sahildən 6 kilometr aralıda qəzaya uğrayıb. Təyyarədə 8 ekipaj üzvü, Rusiya telekanallarının 9 əməkdaşı, Rusiya Müdafiə Nazirliyinin “Aleksandrov” adlı mahnı-rəqs ansamblının 64 üzvü, 8 hərbçi, federal hökumətin 2 məmuru, "Ədalətli yardım" Xeyriyyə Fondunun rəhbəri Yelizaveta Qlinka olub. Rusiya İstintaq Komitəsi baş vermiş təyyarə qəzası ilə bağlı cinayət işi başlayıb. Bu vaxta qədər dənizdən 12 meyit çıxarılıb.

Xatırladaq ki, həmin tarixdə Misirin Şarm əl-Şeyx şəhərindən Rusiyanın Sankt-Peterburq şəhərinə uçan “Metrojet” (keçmiş adı “Koqalımavia”) aviaşirkətinə məxsus “Airbus A-321” sərnişin təyyarəsi Sinay yarımadasının şimal-şərqində qəzaya uğramışdı. Təyyarənin göyərtəsində 7-si ekipaj üzvü olmaqla, 224 nəfər olub, onlardan 17-si uşaq idi. “Koqalımavia” aviaşirkətinə məxsus “A-321” təyyarəsi ilk uçuşunu 18 il bundan əvvəl – 1997-ci il mayın 9-da həyata keçirib. Əvvəlcə Livanın MEA, Türkiyənin "Onur Air” və Səudiyyə Ərəbistanının “Saudi Arabian Airlines” aviaşirkətləri tərəfindən istismar olunan təyyarə 2012-ci ilin aprel ayında “Koqalımavia” şirkətinin balansına keçib.

Ziya Səccad
Ölkə.Az

ŞƏRH YAZ
0
BAĞLA