Bərzaniyə növbəti zərbə — Kərkük əməliyyatı başladı

Bərzaniyə növbəti zərbə
15:45
13.10.2017
246
Dünya
A
İraq ordusu Kərkük əməliyyatına başlayıb.

"Ölkə.Az" xəbər verir ki, peşmərgə ilə İraq ordusu və "Haşdi Şabi" qruplaşması arasında məsafə artıq 3 km-dir. Adını məxfi saxlayan general telefonla "AFP" agentliyinə bildirib: "İraq ordusu 2014-cü ilin iyun ayında işğal edilən yerləri azad etmək üçün irəliləyir".

General bildirib ki, peşmərgə toqquşmadan geri çəkildiyi üçün səhər saatlarında Kərkükün qərbindəki hərbi baza azad edilib.

Kürd Muxtariyyətinin lideri Məsud Bərzaninin baş müşaviri Hemin Havrami isə mövqelərini qoruyacaqlarını, bunun üçün də hazır olduqlarını bildirib.

Hikmət Həsənov
Ölkə.Az

ŞƏRH YAZ
0

ABŞ Rusiya və Çini özünün ticarət düşmənləri elan etdi

ABŞ Rusiya və Çini özünün ticarət düşmənləri elan etdi
23:44
15.07.2018
489
Dünya
A
ABŞ prezidenti Donald Tramp Rusiya, Çin və Aİ ölkələrini ölkəsinin ticarət "düşmənləri" adlandırıb.

"Ölkə.Az" CBS telekanalına istinadən xəbər verir ki, o, bu dövlətləri pis hesab etmir. Buna baxmayaraq, onlar ABŞ-ın rəqibləridir.

"Bu ölkələrin liderlərinə hörmət edirəm. Lakin ticarət baxımından həqiqətən bizdən faydalanırlar ... və borclarını ödəmirlər", - deyə Tramp bildirib.

Qeyd edək ki, bir müddət əvvəl ABŞ lideri Moskva ilə Berlin arasındakı "Şimal axını-2" boru kəmərinin inşasını "dəhşətli faciə", Almaniyanı isə Rusiyanın "girovu" adlandırmışdı.

Ölkə.Az

ŞƏRH YAZ
0

BƏƏ kralının ailəsini tənqid edən şeyxin oğlu Qətərdən sığınacaq aldı

BƏƏ kralının ailəsini tənqid edən şeyxin oğlu Qətərdən sığınacaq aldı
22:37
15.07.2018
476
Dünya
A
Birləşmiş Ərəb Əmirliklərinin (BƏƏ) yeddi əmirliyindən biri olan Fuceyre şeyxi Şeyx Həməd bin Muhammed Əl Şərqinin oğlu Rəşid bin Həməd Əş Şərqi öldürülmə qorxusu ilə 16 may tarixindən Qətərdən sığınacaq alaraq gizlənir.

"Ölkə.Az" xarici mətbuata istinadən xəbər verir ki, təhlükədə olduğunu bildirilən Əş Şərqinin son zamanlar BƏƏ-nin Əbu-Dabi vəliəhdi Şahzadə Şeyx Muhammed bin Ziyad Əl Nahyanı sərt şəkildə tənqid edib.

Əş-şərqinin kral ailəsinə dair etdiyi tənqid ölkə tarixində 47 ildə ilk dəfə yaşanıb.

BƏƏ-nin Vaşinqtondakı səfirliyi isə məsələ ilə bağlı açıqlama verməkdən boyun qaçırsa da, Qətər rəsmiləri Əş-Şərqinin Doha şəhərində olduğunu təsdiq edib.

Qeyd edək ki, BƏƏ İngilislərin 1971-ci ildə Bəsrə şəhərindən çəkilməsindən sonra yeddi əmirliyin birləşməsi ilə qurulub. Hər əmirlik öz şeyxləri tərəfindən idarə edilsə də, dövlət idarəçiliyi eyni zamanda Əbu-Dabi əmiri Şeyx Xəlifə Bin Zayid Əl Nahyan və ailəsinin əlindədir.

Ölkə.Az

ŞƏRH YAZ
0
BAĞLA