Beş güləşçimiz EYOF-un finalında

"Ölkə.Az"ın məlumatına görə, Azərbaycanın 5 güləşçisi finala vəsiqə qazanıb. 

Sərbəst güləşdə 60 kq çəkidə çıxış edən Sabir Cəfərov həlledici görüşdə Fyodor Baltuevlə (Rusiya) qarşılaşacaq. Yunan-Roma güləşində 48 kq çəkidə yarışan Qurbanov Qurban Xviça Abuladze (Gürcüstan), 60 kq çəkidə Həsrət Cəfərov Maqomed Qiqiyevlə (Rusiya) üz-üzə gələcək. 

Qızların mübarizəsində 46 kq çəkidə çıxış edən Gültəkin Şirinova Georgiana-Lavinia Antuka (Rumıniya) ilə, 61 kq çəkidə yer alan Mərziyə Sadıqova isə Aurora Russo (İtaliya) ilə qarşılaşacaq. 

Final görüşləri saat 16:00-da başlayacaq. 

Qeyd edək ki, ilk yarış günüdə sərbəst güləşdə Murad Haqverdiyev (45 kq) qızıl, Əbülfəz Nəsirov (55 kq) isə gümüş medal qazanıb. Yunan-Roma güləşçilərindən Fərid Sadıxlı (45 kq) qızıl¸ Nihat Məmmədli (55 kq) bürünc medal əldə edib. 

Ölkə.Az