Beş nəfərin ölümünə səbəb olan sürücüyə HÖKM OXUNDU

Beş nəfərin ölümünə səbəb olan sürücüyə HÖKM OXUNDU
15:47
11.09.2019
5470
Ölkə
A
Bakı Ağır Cinayətlər Məhkəməsində beş nəfərin ölümünə səbəb olan yol-nəqliyyat hadisəsi törətməkdə təqsirləndirilən İlham Həsənovun cinayət işi üzrə məhkəmə başa çatıb.

"Ölkə.Az" xəbər verir ki, hakim Əliövsət Abbasovun sədrliyi ilə keçirilən prosesdə hökm oxunub. Hökmə əsasən İlham Həsənov 13 il 6 ay müddətinə azadlıqdan məhrum edilib.

Qeyd edək ki, hadisə bu il mayın 10-da Bakı-Quba avtomobil yolunun Sumqayıt şəhəri H.Z.Tağıyev qəsəbəsi ərazisindən keçən hissəsində baş verib. 1977-ci il təvəllüdlü Həsənov İlham Yelmar oğlunun idarə etdiyi "İVEKO" markalı 99-LN-431 dövlət nömrə nişanlı yük avtomobili ilə 1969-cu il təvəllüdlü Qasımov İlham Məmmədtağı oğlunun idarə etdiyi “Mercedes” markalı 10-RP-097 dövlət nömrə nişanlı avtomobil toqquşub. “Mercedes” markalı avtomobilin dərəyə aşması nəticəsində sürücü və avtomobildə olan sərnişinlər 1974-cü il təvəllüdlü Saleh Musayev, 1967-ci il təvəllüdlü Məhəbbət Musayeva, 1973-cü il təvəllüdlü Amil Məmmədov və 1987-ci il təvəllüdlü Vidadi Nuriyevin hadisə yerində ölmələri, yük avtomobilinin sürücüsünün isə hadisə yerindən qaçması faktına görə Daxili İşlər Nazirliyinin Baş İstintaq və Təhqiqat İdarəsinə bilavasitə tabe olan Yol-nəqliyyat hadisələrinə dair işlər üzrə İstintaq və Təhqiqat Şöbəsində Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma iki və daha çox şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb.

Aparılan istintaqla hadisənin İlham Həsənov tərəfindən yol hərəkəti və nəqliyyat vasitələrinin istismarı qaydalarını kobud surətdə pozaraq törədilməklə hadisə yerindən qaçmasına əsaslı şübhələr müəyyən edilib.

İstintaq-əməliyyat tədbirləri nəticəsində İ.Həsənov mayın 11-də tutularaq istintaqa cəlb edilib.

Natiq Allahverdiyev
Ölkə.Az

 

ŞƏRH YAZ
0

“Sürücülər yol polislərinə başqa şey təklif edirlər” — Vaqif Əsədov

“Sürücülər yol polislərinə başqa şey təklif edirlər”
23:36
23.01.2020
2827
Ölkə
A
Daxili İşlər Nazirliyinin Baş Dövlət Yol Polisi İdarəsində keçirilən müşavirədə nazir, general-polkovnik bir sıra məqamlara toxunub. Onlardan biri də yol polisi əməkdaşlarının sürücülərlə etik münasibətləridir. Daxili işlər naziri müşavirədəki çıxışında vətəndaşlarla kobud davranmamağı və nəzakətli olmağı tələb edib.

"Ölkə.Az" bildirir ki, Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov məsələ barədə Lent.az-a danışarkən yol polisi əməkdaşlarının üzərində kamera olduğunu vurğulayıb. Şöbə rəisi buna görə də yol polislərinin deyil, sürücülərin daha çox nəzakətsizliyə meylli olduqlarını bildirib:

“Yeni il başlayandan hər gün şəxsi heyət qarşısında təlimatla çıxış edirik. Təlimatlarda vətəndaşlarla etik normalar çərçivəsində rəftar etmək tələb edilir. Bu günə qədər ölkə üzrə sosial şəbəkələrdə yayılan məlumatlara əsasən, 2 fakt aşkarlanıb. Vətəndaşlardan yol polisinin rəftarı ilə bağlı hər hansı ərizə və ya şikayət daxil olmayıb. İndi hər bir yol polisi əməkdaşının üzərində səsyazma və görüntünü qeydə alan texniki vasitə var. Həmin vasitələrin də işlək vəziyyətdə olması tələb olunur. Ona görə də inanmıram ki, yol polisləri vətəndaşlarla kobud rəftar etsinlər. Əksinə, əməkdaşlarımızın üzərində kamera olmasından istifadə edən vətəndaşlar özləri yol polisinə qarşı nəzakətsiz davranmağa və başqa təkliflər verməyə meylli olurlar. Bu günə qədər Bakı şəhərində yol polisindən şikayətlə bağlı heç bir müraciət daxil olmayıb”.

ŞƏRH YAZ
0

Leyla Əliyeva bacısını ad gününü belə təbrik etdi — FOTO + VİDEO

Leyla Əliyeva bacısını ad gününü belə təbrik etdi
22:42
23.01.2020
4030
Ölkə
A
Bu gün Prezident İlham Əliyevin kiçik qızı Arzu Əliyevanın doğum günüdür.

"Ölkə.Az" xəbər verir ki, Heydər Əliyev Fondunun vitse-prezidenti Leyla Əliyeva şəxsi “Instagram” hesabında birgə fotolarının əks olunduğu video paylaşaraq bacısını doğum günü münasibətilə təbrik edib.

“Arzunu ad günü münasibəti ilə təbrik edirəm! Çox sevirəm! Allah hamıya cansağlığı, xoşbəxtlik və bol-bol sevgi bəxş etsin!”, - deyə L.Əliyevanın təbrik mesajında qeyd olunub.

ŞƏRH YAZ
0
BAĞLA